MAHANYELA YA WUKRISTU

Tirisa bhuku Ti buze hi wutomi kala kupindzuka! kasi ku vhuna vanhu lezvaku va kholwa ka Jehovha ni ka Jesu

Kasi a zvigondzani zva Bhibhiliya zvi tsakisa Nungungulu, zvi fanele kuva ni kukholwa ko tiya. (Mah. 11:6) Hi nga khumba timbilu tabye hi ku tirisa bhuku Ti buze hi wutomi kala kupindzuka! A bhuku legi, gi na ni mitsalo-tshinya, gi tlhamusela zvilo hi ndlela yo dlunyateka, gi ni zviwutiso zva zvinene khwatsi, tivhidhio to khumba mbilu ni mifota yo saseka. Loku hi vhuna cigondzani lezvaku civa ni matshamela ya wuKristu, ho aka hi materiyali yo tiya nguvhu. — 1 Kor. 3:12-15.

A vokari va ti zwisa ku zva karata ku vava vanghana va Nungungulu, loyi va nga mu woniko. Makunu, zvi lava ku hi va vhuna ku va tiva matshamela ya ma nene ya Jehovha va tlhela va mu tsumba.

SIXTIRA VHIDHIO AKA KUKHOLWA KA JEHOVHA HI BHUKU “TI BUZE HI WUTOMI KALA KUPINDZUKA!”, U GUMESA U HLAMULA ZVIWUTISO LEZVI:

Hi zvi tivisa kuyini ku a makabye loyi i wa ti longisele khwatsi kasi a fambisa cigondzo?
I zvi tirisisile kuyini a zviwutiswana zva zvinene zvo engeteleka kasi ku vhuna cigondzani a ku ehleketa hi Isaya 41:10, 13?
A cigondzani ci vhunekisile kuyini hi vhidhio ni mavhesi lawa va nga lera?

A vanhu vo tala a va yi zwisisi a hakhelo ya kutlhatlhisa, kutani a va yi woni kota cinyikiwo leci Nungungulu a humesileko kasi ku vhuna vona. (Gal. 2:20) Hikwalaho, hi fanele ku va vhuna ku va kholwa hakhelo ya kutlhatlhisa ya Jesu.

SIXTIRA VHIDHIO AKA KUKHOLWA KA JESU HI BHUKU TI BUZE HI WUTOMI KALA KUPINDZUKA!, U GUMESA U HLAMULA ZVIWUTISO LEZVI:

Hi zvi tivisa kuyini ku a makabye loyi i wa ti longisele khwatsi kasi a fambisa cigondzo?
I ma tirisisile kuyini a mahungu ma nga laha ka cipandze “Gondza zvin’wani” kasi ku vhuna cigondzani?
Hikuyini zvi nga zva lisima a ku khongelela cigondzani?