MAHANYELA YA WUKRISTU
Tirisa broxura ni bhuku Ti buze hi wutomi kala kupindzuka! ntirweni wa kuchumayela
A hi no ku tsaka a cikhati hi nga tiva ku hi na ni broxura ni bhuku ga giswa kasi ku fambisa zvigondzo zva Bhibhiliya! Hi khongela ka Jehovha kasi a katekisa mizamo ya hina laha hi ti karatelako ku maha vapizani van’wani vo tala. (Mat. 28:18-20; 1 Kor. 3:6-9) Hi nga gi tirisisa kuyini a bhuku ni broxura legi ga giswa?
Kota lezvi a bhukuTi buze hi wutomi kala kupindzuka! gi koxako ku hi gondzisa hi ndlela ya yiswa, maha lezvi zvi landzelako loku u longisela kutani loku u fambisa zvigondzo zva Bhibhiliya.a
Lerani mahungu ya kona, mu guma mu bhula hi zviwutiso zva kona
Lerani mitsalo leyi yi nga tsaliwa ku “lera” u guma u vhuna cigondzani a ku tiva lezvi ci nga yi tirisisako zvona wutomini ga cona.
Bisa tivhidhio, mu bhula hi tona hi ku tirisa ni cihi ciwutiso u to ci wona na ci ringana.
Khati ni khati mu gondzako zamani ku mbheta cigondzo cin’we.
Kuchumayeleni, ranga hi ku nyikela broxura kasi u wona ku a munhu loye wa tsakela ke. (Wona kwadru: “Ndlela yo nyikela broxura Ti buze hi wutomi kala kupindzuka! ka khati go sangula.”) Loku mu mbhetile ku gondza broxura, loyi u gondzako naye na a ha lava ku simama ku gondza, mu nyike bhuku mu sangula hi laha ka cigondzo 04. Loku ku hi lezvaku zvezvi u gondza ni wokari hi ku tirisa bhuku Hi gondzise kutani Simama ku randza Nungungulu, cica mu gondza hi bhuku Ti buze hi wutomi kala kupindzuka!. Hlawula laha u to ku wona na ku ringana ku sangula hi kona.
SIXTIRA VHIDHIO HOYA-HOYA KA CIGONDZO CA WENA CA BHIBHILIYA, U GUMESA U HLAMULA ZVIWUTISO LEZVI:
Zvini lezvi a zvigondzani zvi to gondza lomu ka bhuku legi ga giswa?
Hikuyini hi faneleko ku zvi komba tivhidhio a zvigondzani zviswa?
Mixuvo muni leyi zvi lavako ku uta na u kuca cigondzani ca wena lezvaku civa nayo ci tlhela ci yi tatisa? — Wona kwadru: “Kungo ni T.P.C ka cipandze cin’we ni cin’wani.”
a TLHAMUSELO: Lisine ku a cipandze leci ca ku “Gondza zvin’wani” mu nga gondza kutani ku nga gondzi laha u fambisako cigondzo. Hambulezvo, ti nyike cikhati u vhuxeta mahungu lawo kutani ku sixtira zvontlhe zvi nga ka cipandze leco a cikhati leci u longiselako. Lezvo zvi ta ku vhuna ku u tiva lezvi zvi to tsakisa a cigondzani ca wena ni lezvi zvi to ci vhuna. A bhuku ga lomu ka michini gi na ni tilink ti hi yisako ka tivhidhio ni ka mahungu man’wani.
Kungo Ni T.P.C Ka Cipandze Cin’we Ni Cin’wani |
|||
|---|---|---|---|
ZVIGONDZO |
KUNGO |
T.P.C YA CIGONDZANI |
|
01-12 |
Ku tiva lezvi a Bhibhiliya gi nga ku vhunisako zvona ni lezvi u nga mu tivisako zvona a N’winyi wa gona |
Ku tiva lezvi Nungungulu a hi maheleko ni makhozelela lawa ma mu tsakisako |
|
13-33 |
Ku tiva lezvi Nungungulu a zvi lavako ka lava va mu khozelako |
Ku tiva lezvi hi nga mahako kasi Nungungulu a simama ku hi randza |
|
34-47 |
Kuca cigondzani lezvaku ci lera Bhibhiliya, ci longisela cigondzo ni ku sangula kuva kona mitlhanganweni |
Kuca cigondzani lezvaku ci bhulela van’wani a lisine ni ku ci maha muhuweleli |
|
48-60 |
Kuca cigondzani lezvaku ci ti nyikela ka Jehovha ci tlhela ci bhabhatiswa |
Gondzisa cigondzani a ku tiva ku hambanisa zva zvinene ni zvakubiha ni ku kula hi tlhelo ga moya |
|