Xini xi nga nehako litsako wutomini ga ngango?

LEZI A BIBLIA GI ZI WULAKO

“Ku katekile nguvunguvu lava va zwako a mhaka ya Nungungulu, va yi hlayisa!” — Luka 11:28.

LEZI U ZI BHINZULAKO HI KU KHOLWA LEZO

U ta kuma liranzo la lisine. — Va Le Efesusi 5:28, 29.

U tava ni xichawo xa lisine. — Va Le Efesusi 5:33.

U tava ni kutshamiseka ka lisine. — Marku 10:6-9.

XANA LEZI A BIBLIA GI ZI WULAKO ZA TSUMBEKA HAKUNENE?

Ina, hi zigelo zimbiri hi wutsongwani ga kona:

• Nungungulu hi yena mutumbuluxi wa ngango. A Biblia gi ngalo ‘a mingango yontlhe yi chuliwa ha yena’ Jehova Nungungulu. (Va Le Efesusi 3:14, 15) Hi magezu manwani, a lulamiselo ga ngango gi kona hakuva Jehova i gi vangile. Zi wula yini lezo?

  Alakanyela lezi: Loku ku hi lezaku woga zakuga zo nanziha nguvu, na u navela ku tiva lezi zi chelilweko lomo, u wa ta wutisa mani? Handle ko kanakana, u wa ta wutisa loyi a zi bhikileko.

  Hi kufanana, kasi ku kuma litsako wutomini ga ngango, hi fanele ku khegela ka Jehova, a Mutumbuluxi wa lulamiselo ga ngango. — Genesisi 2:18-24.

• Nungungulu wa khatala hi wena. A mingango yi maha khwatsi hi ku hlota a wusungukati ga Jehova, legi a hi nyikako hi ku tirisa a Mhaka yakwe. Hikuyini? “Hakuva wa mu khatalela.” (1 Pedro 5:6, 7) Jehova wa ku ranza — niku a wusungukati gakwe ga tira xontlhe xikhati! — Mavingu 3:5, 6; Isaya 48:17, 18.