Masemanyana ya cipandze 9

Ka cipandze leci hi ta wulawula hi vaswa, vaphrofeti ni tihosi, lava va kombisileko kukholwa ka hombe ka Jehovha. Le Siriya, a cinhanyetana ca muIzrayeli ci no kholwa lezvaku a muphrofeti wa Jehovha i wa ta hanyisa Namani. Muphrofeti Elixa i no kholwa hi kumbhelela lezvaku Jehovha i ta mu vhikela ka masochwa ya valala. Jehoyadha, a Mupristi wa Hombe, i no veka wutomi gakwe mhangweni kasi ku vhikela cifanyana ca ku hi Jowaxi lezvaku ci nga dawi hi kokwani wa cona wo biha Ataliya. Hosi Hezekiya i no tsumba lezvaku Jehovha i ta tlhatlhisa Jerusalema, niku a nga chavangi a cikhati leci a vaAsiriya va nga mu dzukisela. Hosi Josiya i no fuvisa a wukhozeli ga zvifananiso lomu tikweni, a vhuxeta tempeli a tlhela a vhuna vanhu lezvaku va wuya wukhozelini ga lisine.