KU SANGULA MABHULO
CIGONDZO 5
Kombisa cichavo
Tshinya ga nayo: “Ngha a magezu ya n’wina mava yo tsakisa contlhe cikhati”. — Kol. 4:6.
Zvini lezvi Pawule a nga maha?
1. Sixtira VHIDHIO, kutani lera Mitiro 17:22, 23. Andzhako ka lezvo, ehleketa hi zviwutiso zvi landzelako:
Pawule i ti zwisile kuyini hi mikhuwo ya wukhongeli ga mawunwa a yi wonileko le Atensi? — Wona Mitiro 17:16.
Wutshan’wini ga ku kona vaAtensi, Pawule i zvi tirisisile kuyini lezvi va nga zvi kholwa hi ndlela ya cichavo kasi ku va chumayela a mahungu ya manene?
Hi gondza yini ka cikombiso ca Pawule?
2. A vanhu va ta lava ku hi ingisela loku hi hlawula khwatsi lezvi hi wulako, lezvi hi wulisako zvona, ni cikhati leci hi wulako hi cona.
Pimanyisa Pawule
3. Hlawula khwatsi a magezu ya wena. Hi cikombiso, a cikhati leci u wulawulako ni munhu a kalako a nga hi muKristu, zvi nga lava ku u cica lezvi u kumbukisako zvona Bhibhiliya ni lezvi u mu kumbukisako zvona Jesu.
4. U nga hatliseli ku sola mawonela yakwe. Mu tsike a ti phofula. Loku a wula zvilo zvi lwisanako ni lezvi a Bhibhiliya gi zvi wulako, u nga kanetisani naye. (Jak. 1:19) Loku u mu ingisela, u ta tiva ku zvini a zvi kholwako niku hikuyini a zvi kholwako. — Mav. 20:5.
5. Vhumelelana naye u tlhela u mu dzundza laha zvi vhumelako. Kuzvilava a munhu loye i kholwa hi kumbhelela ku lezvi a wukhongeli gakwe gi gondzisako lisine. Sangula hi ku bhula hi zvilo lezvi mu zwananako ka zvona, hi kulandzela, mu vhune hi kutsongwani-kutsongwani a ku zwisisa lezvi a Bhibhiliya gi gondzisako.