Zikhumbuxeto Za Xialakanyiso Xa Kufa Ka Jesu

A madota ma fanele ku chela kota hi timhaka leti ti lanzelako a xikhati lexi ma longiselako a Xialakanyiso:

◼ Tiyisekani lezaku a zikombiso zi nga hunziswi a gambo na gi nga se pela.

◼ Ku fanele ku kumiwa a lixaka leli li faneleko la xibaba ni vinya zi tlhela zi longiselwa na ka ha hi ni xikhati.​ — ⁠Wona A Sentinela ga 15 ka Fevereiro wa 2003, maphajina 14-​15.

◼ Ngha a mingelo, tikopo, ni meza zinwe ni nguwo ya meza zi faneleko zi nehiwa laha salawu zi tlhela zi vekiwa wutshanwini ga zona na ka ha hi ni xikhati.

◼ A Salawu ya Mufumo kutani wutshamu ginwani legi a Xialakanyiso xi ta nga mahelwa kona gi fanele ku basiswa khwatsi na ka ha hi mahlweni.

◼ A vakombeteli zinwe ni lava va ta nga hunzisa a zikombiso va fanele ku hlawuliwa va tlhela va gonzisiwa na ka ha hi mahlweni xungetano hi mitiro yabye, mamahela ma faneleko lawa va ta nga ma lanzela, ni xilaveko xa ku ambala ni ku ti sasekisa hi ndlela yi faneleko.

◼ Ku fanele ku mahiwa malulamiselo ya ku yisa a zikombiso ka a totilweko munwe ni munwani loyi a tsanzekako kuva kona hi kota ya mababyi.

◼ Loku ku hi lezaku a Salawu ya Mufumo yi ta tirisiwa hi mabandla mambiri kutani kuhunza, ku fanele kuva ni kutirisana ku nene xikari ka mabandla kasi ku ngavi ni kutlimbana ka vanhu laha nyangweni, lomu tindleleni leti ti hunzako hi laha salawu, ni laha ku vekiwako kona a mimova.

◼ Loku ku hi lezaku a Xialakanyiso xi ta mahelwa ka wutshamu ginwani, tiyisekani lezaku ku tava ni michini yi faneleko ya pfumawulo kasi vontlhe va ta ngava kona va zi kota kuzwa a mukaneli.