Xana U Ta Sangula A Xigonzo Xa Biblia Hi Outubro?
1. Xini hi to nyikela hi Outubro?
1 Hi Outubro hi ta nyikela a marevista A Sentinela ni Despertai! Kasi hi khatalela lava va kombisako kutsakela, hi kuciwa ku nyikela a xitlukana Xana Wa Zi Lava Ku Tiva A Zinene? hi tlhela hi ti karatela a ku sangula a xigonzo xa Biblia. Xana lezo hi nga zi mahisa kuyini ka lienzo lo wuyela?
2. Hi nga xi tirisisa kuyini a xitlukana Tiva A Zinene kasi hi sangula a xigonzo xa Biblia a xikhati lexi hi mahako lienzo lo wuyela ka wokari a vumelileko ku sala ni marevista?
2 Ndlela Yo Tirisa A Xitlukana: Hi nga wula lezi: “A marevista lawa nzi nga ku siyela ma kuca vanhu va midawuko yontlhe ni wukhongeli gontlhe a ku kambisisa a Biblia. [Nyika a nwinyi wa muti a xitlukana Tiva A Zinene, zonake u mu komba a ziwutiso zi nga ka phajina go sangula.] Lezi ziwutiso zo kari zi tlhotlhako maalakanyo, lezi a Biblia gi zi hlamulako khwatsi. Xana wa tshuka u wutisa zo kari za zona?” Anzhako ka loku a nwinyi wa muti a hlamulile, kambisisani zinwe lomu ka xitlukana a hlamulo wa xinwe xa ziwutiso zakwe, zonake mu gonza a wunwe wa mitsalo yi kumbukilweko. Hi kulanzela, tlhamusela lezaku lexo xikombiso xi tsongwani ntsena xa lezi a Biblia gi zi gonzisako, zonake u mu nyika a bhuku A Biblia Gi Gonzisako. Loku hi mahile lezo, makunu hi nga bhulisana naye hi tinzimana to sangula ta xipimo lexi a to ngha a xi hlawulile ka phajina ga lezi zi nga nzeni. Kutani hi nga zi wona na zi hi chukwana a ku vulula laha ku nga ni mahungu yo engeteleka ya mhaka leyi hi nga wulawula hi yona laha ka xitlukana. Laha ku na ni zikombiso za kuva hi zi tirisa:
● Xana Nungungulu wa hi khatalela hakunene? (pp. 9-11, tinz. 6-10)
● Xana a tiyimpi ni kuxaniseka zi ta tshuka zi mbhela? (p. 12, tinz. 12-13)
● Zini lezi zi hi humelelako loku hifa? (pp. 59-60, tinz. 7-8)
● Xana ku na ni kutsumba ko kari xungetano hi vafileko? (p. 71, tinz. 13-15)
● Nzi nga wu mahisa kuyini a mukhongelo lezaku nzi zwiwa hi Nungungulu? (pp. 166-167, tinz. 5-8)
● Xana nzi nga li kumisa kuyini litsako wutomini? (p. 9, tinz. 4-5)
3. Xana hi nga cicacicisa kuyini a manyikela ya hina a wukustumunyu maringano ni xiyimo?
3 Kunene, loku a xiyimo xi nga hi vumeleli lezaku hi sangula ni ku kombisa a mamahela ya xigonzo hi bhuku A Biblia Gi Gonzisako ka lienzo lo wuyela lo sangula, xikhati xontlhe hi fanele ku maha makungo yo mu tlhelela hi ya yisa bhulo mahlweni. Niku maringano ni lezi munhu a tsakelisako zona, hi nga zi wona na zi hi chukwana a ku bhulisana hi ziwutiso zo hunza xinwe lomu ka xitlukana ka maenzo yo hlaya na hi nga se mu komba a bhuku. Ngha hi xi tirisa khwatsi a xitlukana lexi hi Outubro kasi hi sangula a xigonzo xa Biblia ni ku vuna vanhu va timbilu ti nene lezaku va “tiva zinene.” — Joh. 8:31, 32.