Wulawula hi mhaka yinwe, kanilezi siya marevista wontlhe ya mambiri

A marevista ya hweti yinwe ni yinwani ma na ni timhaka to tala ta ti nene. Wutshanwini ga ku zama ku tlhamusela zontlhe ka munwe ni munwani hi bhulako naye, a kutala ka zikhati i chukwana ku wulawula hi mhaka yinwe basi. Loku hi hi vanhu vo ranza ku cuwuka ni loku hi tiva khwatsi lezi zi nga ka marevista ya hina, hi nga hlawula nchumu wu to tsakisa nwinyi wa muti lomu ka Murinzeli kutani ka Despertai!. Hi xikombiso, loku hi wona zilo lezi a vanana va hlakanako hi zona, hi nga ha hlawula nzima yi wulawulako hi wutomi ga ngango. Loku hi amukelwa hi wanuna, hi nga ha wulawula hi nchumu lowu a vavanuna vo tala va ranzako ku bhula hi wona, wo kota mufumo wa wu nene. Hambu lezi hi to wulawula hi mhaka yinwe, a kutala ka zikhati hi fanele ku siya marevista wontlhe ya mambiri ni nwinyi wa muti loku a kombisa ku tsakela.