A Mhaka ya Nungungulu ya vuna kugonziseni

1. Yi le yini a hloko ya mhaka ya mutlhangano wa xipanze wa lembe ga ntiro ga 2014, niku xiwutiso muni xi to hlamuliwa ka mutlhangano lowo?

¹ Jehova hi yena mugonzisi wa hina wa hombe ka vontlhe wuakweni gontlhe. (Isa. 30:20, 21) Hambulezo, i hi gonzisisa kuyini? I hi nyikile a bhuku ga lisima nguvu ku hunza wontlhe ma nga kona — ku nga Mhaka yakwe yi pimisilweko, a Biblia. Xana a gonziselelo ya Nungungulu yi nga hi vunisa kuyini nyameni, maalakanyweni, hi tlhelo ga kutizwa ni ga moya ke? A hlamulo wa xiwutiso lexi hi ta wu kuma ka mutlhangano wa hina wa xipanze wa lembe ga ntiro ga 2014. A hloko ya mhaka ya mutlhangano lowu yi ngalo: “A Mhaka ya Nungungulu ya vuna kugonziseni,” yi seketelwa ka 2 Timote 3:16.

2. A timhaka-tshinya ta mutlhangano lowu ti ta khanyisiwa hi mihlamulo ya ziwutiso muni?

² Lava a timhaka-tshinya leti: A timhaka-tshinya ta mutlhangano lowu ti ta khanyisiwa hi mihlamulo ya ziwutiso lezi zi lanzelako:

• Xana a gonziselelo ya Nungungulu yi na ni xivuno muni wutomini ga hina? (Isa. 48:17, 18)

• Loku hi ti karatela ku cica zokari wutomini ga hina kasi hi tirela Jehova kota maphayona, xana hi ngava ni kutiyiseka muni? (Mala. 3:10)

• Zini hi faneleko ku maha loku hi kumana ni “tigonzo leti ti nga tibyiwiko”? (Maheb. 13:9)

• Hi nga ma pimanyisisa kuyini a ‘magonzisela’ ya Jesu? (Mat. 7:28, 29)

• Hikuyini lava va gonzisako lomu bandleni va faneleko ku ti gonzisawo? (Rom. 2:21)

• Xana a Mhaka ya Nungungulu yi vuna ka zilo muni? (2 Tim. 3:16)

• Xana a vanhu va khumbiswa kuyini hi ‘kutsekatsekiswa’ ka matiko? (Hag. 2:6, 7)

• Kutsumba muni loku Jehova a nga nako hi hina? (Efe. 5:1)

• Hikuyini hi faneleko ku kulula hi nwatseka kasi hi tshama tigonzweni ta Jehova? (Luka 13:24)

3. Hikuyini zi nga za lisima a kuva kona mutlhanganweni lowu hi tlhela hi demba khwatsi ndleve ke?

³ Ka mavesi yo sangula ya 2 Timote xipimo 3, lawa ma lanzelwako hi vesi legi a hloko ya mhaka ya mutlhangano lowu yi seketelwako kona, Paule i wulawulile hi zikhati zo nonoha lezi zi nga wa ta komba a masiku yo gumesa. I tsalile lezi: “A vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.” (2 Tim. 3:13) Kasi hi nga kanganyiswi, za lisima nguvu a kuva hizwa a gonziselelo ya Nungungulu hi tlhela hi hanya hi yona. Hikwalaho, ngha hi ti yimisela ku demba ndleve hi ingisela khwatsi a longoloko lowu wu chikeleko hi xikhati xi faneleko.