Kasi ku gonzisa hi wutlhari, hi fanele ku ti longisela
Jesu i mahilwe xiwutiso xalexi xa xinwe xungetano hi wutomi ga pinzukelwa makhati mambiri hi wutsongwani ga kona, kanilezi ka khati ni khati i lo nyika hlamulo wu yelanako ni zilaveko za loyi a wutisako. (Luka 10:25-28; 18:18-20) Hikwalaho, hambu loku hi ma tiva khwatsi a mahungu lawa hi ma tirisako ka xigonzo xa Biblia, hi fanele ku ranga hi ku ti longisela na hi alakanyela a xigonzani. Hi tihi timhaka leti ti nga ha mu karatelako ku ti zwisisa kutani ku ti vumela? Hi yihi mitsalo yi kumbukilweko hi faneleko ku gonza naye? Tinzimana tingani hi faneleko ku ti karatela ku ti mbheta? Ku nga ha laveka lezaku hi longisela mufananiso, tlhamuselo, kutani ziwutiso kasi ku vuna xigonzani a ku zwisisa lezi hi gonzako. Tlhatakumbiri, kota lezi ku nga Jehova a milisako a mbewu ya lisine lomu mbilwini, hi fanele ku kombela Jehova lezaku a katekisa a kutilongisela ka hina, xigonzani xa hina, ni kutikarata loku hi ku mahako kasi ku xi vuna hi tlhelo ga moya. — 1 Kor. 3:6; Jak. 1:5.