Kwadru Ga Ziwutiso

◼ Zini hi faneleko ku zi alakanyela na hi nga se nyima ku gonza Biblia ni munhu?

Loku a xigonzani xo kari xi nyima ku kula hi tlhelo ga moya, kuzilava zi nga lava a ku u nyima ku gonza a Biblia ni munhu loye hi ndlela ya wutlhari. (Mat. 10:11) Alakanyela lezi: Xana a munhu loye wa hlayisa xikhati lexi hi nga boha ku gonza hi xona? Wa ranga a longisela xigonzo xakwe ke? Wa tshuka ata mitlhanganweni ya bandla? Wa bhulela vanwani lezi a zi gonzako? Xana zi kona a cicako wutomini gakwe kasi ku hanya hi matshinya ya milayo ya Biblia ke? U fanele ku chela kota hi tanga yakwe ni wuzikoti gakwe, na u tiva lezaku munhu ni munhu i kula hi zambo gakwe. Ahandle ka lezo, loku u nyima ku gonza ni munhu loye, mu tlhamusela lezaku u ti yimisele ku tlhela u sangula ku gonza naye kambe loku makunu a longile. — 1 Tim. 2:4.