MAHANYELA YA WUKRISTU

Engetela Wutlhari Ga Wena Wutirelini—Siya mhaka yo ta bhula hi yona ka lienzo lo wuyela

HIKUYINI ZI NGA ZA LISIMA:

Hi fanele ku cheletela mati ka timbewu ta lisine leti hi byalako. (1 Kor 3:6) Loku hi kuma munhu a kombisako kutsakela, za lisima a ku mu siyela xiwutiso xo ta bhula hi xona ka lienzo lo wuyela. Hi ndlela leyo, i ta sala ni maalakanyo ya bhulo lego niku zi ta hi olovela ku longisela a lienzo lo wuyela. A xikhati hi to tlhela, hi nga ha mu byela lezaku hi tela ku ta hlamula a xiwutiso lexi hi nga xi siya ka siku go gumesa hi mu enzeleko.

MAMAHELA YA KONA:

Mboni yi longiselako lienzo lo wuyela, yi bhula ni munhu wa kona, yi tlhela yi tsala mahungu ya lipfhumba lelo

Loku u longisela a xingheniso xa wena xa muti ni muti, longisela ni xiwutiso lexi u to ya hlamula ka lienzo li lanzelako. Ku ngava xiwutiso xi hlamuliwako ka bhuku legi u nyikelako. Kutani ku ngava xiwutiso xi hlamuliwako ka ginwe ga mabhuku ya hina ya xigonzo legi u xuvako ku ya gi tirisa loku u tlhela.
A xikhati u gumesako mabhulo ya wena ni munhu a kombisako kutsakela, mu byele lezaku wa xuva ku tlhela u bhula naye kambe, u gumesa u mu byela a xiwutiso lexi u longiseleko. Loku zi koteka, kombela mahungu ya lezi u to mu kumisa zona.
Loku u mu byela lezaku u ta mu tlhelela hi xikhati xo kari, tatisa xitsumbiso xa wena. — Mat. 5:37.