Nzima yiswa ya ku sangula hi yona mabhulo

Kusukela hi Janeiro wa 2016, a kapa ya lenzhako ya Murinzeli wa vanhu vontlhe yita ni hloko ya mhaka: “Lezi a Biblia gi zi wulako.” A nzima leyi ya yiswa yi mahelwe ku hi vuna a ku sangula mabhulo xungetano hi timhaka ti nga lomu ka Biblia. Yi tshamisile ku khwatsi mune wa ziphephana lezi hi sinako hi zi tiva. Yi na ni xiwutiso xo lava ku tiva mawonela zonake xi lanzelwa hi hlamulo wa lomu ka Biblia, zinwe ni timhaka tinwani to bhula hi tona.

A mabhulo yo nanziha xungetano hi timhaka ta Biblia a kutala ka zikhati ma gumesa hi zigonzo za Biblia. Tirisa a nzima leyi ya yiswa kasi ku vuna vanhu va talela ga cima lezaku va daya ndlala yabye ya moya. — Mt 5:6.

MATIRISELA YA NZIMA LEYI:

1. Wutisa mawonela ya nwinyi wa muti xungetano hi xinwe xa ziwutiso zi nga laho

2. Demba ndleve u tlhela u vumela lezi a to wula

3. Gonza mutsalo lowu wu nga lahasi ka xihlokwana xa mhaka, “Lezi a Biblia gi zi wulako,” zonake u mu wutisa lezi a zi alakanyako hi vesi lego. Loku a hi ni xikhati yanani mahlweni mu bhula hi xihlokwana xa mhaka lexi xaku, “Hi nga gonza yini zinwani lomu ka Biblia?”

4. Mu nyike revista

5. Bohani siku ni xikhati xa ku ta bhula hi xiwutiso xa wumbiri