Ndlela yo tirisa a broxura — Ingisa Nungungulu

A broxura Ingisa Nungungulu gi mahelwe ku gonzisa tigonzo-tshinya ta lisine la Biblia ka vanhu va kalako ku zi kota khwatsi ku lera. Ku na ni mifota yi longiselweko khwatsi yi patsako maphajina mambiri yo lanzelana, ni minzhati yi kongomisako ka mufota wu lanzelako.

A broxura Ingisa Nungungulu Kasi U Hanya Kala Kupinzuka gi ni mifota yo fana ni ya legi ga Ingisa Nungungulu, kanilezi gi na ni mitsalo yo tala niku gi nga tirisiwa hi zigonzani zi zi kotako ku lera. A vahuweleli vo tala va tolovela ku tirisa gona a xikhati va fambisako zigonzo za Biblia, a zigonzani zabye na zi tirisa legi ga Ingisa Nungungulu. A kutala ka maphajina ma na ni kwadru gi nga ni mahungu yo engeteleka ku nga bhuliwako hi wona, hi kuyelana ni kuzwisisa ka xigonzani.

U nga nyikela broxura ni ka xihi xikhati, hambu loku gi nga hi gona hi nyikelako ka hweti leyo. A xikhati u fambisako xigonzo xa Biblia, tirisa mifota kasi ku tlhamusela matimu ya Biblia. Maha ziwutiso kasi a xigonzani xi patseka ka bhulo. Lezo zi ta ku vuna ku wona ku xa zwisisa ke. Gonzani mu tlhela mu bhula hi mitsalo yi nga magumo ka phajina ginwe ni ginwani. Anzhako ko mbheta broxura legi, tirisani bhuku Zini lezi a Biblia gi hi gonzisako? kutani Zini lezi a Biblia gi zi gonzisako hakunene? kasi ku vuna xigonzani xa wena lezaku xiya kubapatizweni.