Gondzisa lava va sangulako ku chumayela lezvaku va nga tsiki ku tirela Jehovha

A matshango ma komba ku a vahuweleli lava va gondzisiwako ku hiseka ni ku randza ntiro wa ku chumayela na va ha sangula, va tolovela kuva vahuweleli vo hiseka ni vo bhindzula. (Mav 22:6; Fil 3:16) Wona zvilo zvo kari u nga zvi mahako kasi ku vhuna cigondzani ca wena lezvaku ci wu tiva khwatsi a ntiro wa kuchumayela:

• Neti ci yimisiwa kota muhuweleli, sangula ku ci gondzisa. (km 8/15 1) Ci mahe ci wona lisima la kuya ntirweni wa kuchumayela vhiki ni vhiki ni ku wu wona kota ntiro wa cona. (Fil 1:10) Wulawula zva zvi nene hi cipandze leci mu chumayelako ka cona. (Fil 4:8) Ci kuce ku tira ni muwoneleli wa ntlawa ni vahuweleli van’wani kasi ci an’wa wutlhari ga ku chumayela. — Mav 1:5; km 10/12 6 ¶3

  

• Loku a cigondzani ca wena ci bhabhatisiwa, u nga nyimi ku ci kuca ni ku ci gondzisa a ku chumayela, nguvhunguvhu loku ci nga se mbheta ku gondza a bhuku ‘Tshamani liranzweni la Nungungulu.’ — km 12/13 11

  

• Loku u chumayela ni cigondzani ciswa, tirisa zvingheniso zvo olova. Andzhako ka loku a wulawulile ka muti wo kari, mu dzundze. Mu byele zvo kari zvi nga mu vhunako ku chukwatisa. — km 5/10 7