MAHANYELA YA WUKRISTU

Engetela wutlhari ga wena kuchumayeleni — Chumayela vontlhe va nga cipandzeni ca n’wina

HIKUYINI ZVI NGA ZVA LISIMA? Zakariya i phrofetile lezvaku a vanhu va tirimi tontlhe ta matiko va wa ta amukela a mahungu yo saseka. (Zak 8:23) Kanilezvi va wa ta gondzisiwa himani? (Ro 10:13-15) Hi na ni thomo ni ntiro wa ku chumayela mahungu yo saseka ka vontlhe va nga cipandzeni ca hina. — od 84 ¶10-11.

MAMAHELA YA KONA:

Ti longisele. Wa tshuka u kuma vanhu va wulawulako a lirimi lin’wani? U nga ha tirisa a citiro co gondzisa a tirimi ca JW Language kasi u gondza a zvingheniso zvo olova. Hi ku tirisa fone kutani thebleti, u nga mu komba lezvi a nga kumisako zvona a mahungu man’wani hi lirimi lakwe lomu ka jw.org
Cuwuka a zviyimo. Loku u kari u chumayela hi muti ni muti, u nga luzi a tindlela tin’wani ti vhulekako to chumayela a vahundzi va ndlela ni lava va rindzelako a mimovha. Loku u hi laha ko nyika a wukustumunyu ga laha kubaseni, veka a kupima ka kungo ga wena ga ku lava ku chumayela
Ti karate. Ti karatele kuza u kuma lava u nga va vhumala mitini yabye. Zama ku chumayela munhu wo kari ka mimiti yontlhe, kuzvilava hi cikhati cin’wani ca siku kutani hi siku gin’wani ga vhiki. A van’wani zvi nga ha lava ku u va chumayela hi mapapilo, hi fone kutani hi wukustumunyu ga laha ruweni
Simama ku cheletela mati. Tekela ku tlhelela vontlhe va tsakeleko kasi u ya engetela kutsakela kabye. Loku a munhu loye a wulawula lirimi lin’wani, zama ku kuma muhuweleli a ringanelwako a wulawulako lirimi lakwe kasi a mu vhuna. Kanilezvi u fanele ku simama u mu endzela kala a sangula ku endzelwa hi muhuweleli a wulawulako lirimi lakwe. — od 94 ¶39-40

WONANI VHIDHYU NTIRO WA KUCHUMAYELA “LE MAGEMETA-MUSI YA MISAVA” MU GUMESA MU BHULISANA HI ZVIWUTISO LEZVI:

A vamakabye va nga ka vhidhyu leyi va ti longisele hi tindlela muni kasi ku chumayela vanhu va cipandze ca le kule? (1 Kor 9:22, 23)
Zvikarato muni va kumeneko nazvo?
Makatekwa muni va ma kumileko?
Kutikarata muni u nga ku mahako kasi u chumayela vanhu vo tala va lomu cipandzeni ca n’wina?