Engetela wutlhari ga wena wutirelini — Nyika wukustumunyu ka munhu a wulawulako lirimi linwani
Hikuyini zi nga za lisima? Jehova wa khatala hi kutshamiseka ka moya ka vanhu va “tixaka tontlhe.” (Miti. 10:34, 35) Hikwalaho, Jesu i kombile lezaku a mahungu yo saseka ma wa ta xumayelwa “misaveni yontlhe” ni ka “matiko wontlhe.” (Mat. 24:14) Zakaria i lo profeta lezaku a vanhu “va tirimi ti tsalangeneko ta matiko” va wa ta amukela mahungu lawo. (Zak. 8:23) A muwoniso wa mupostoli Johani wu komba lezaku lava va to pona kuxanisekeni ka hombe va tava vanhu va “matiko wontlhe, ni tixaka, ni mifumo, ni tirimi.” (Kuv. 7:9, 13, 14) Hikwalaho, loku hi kuma munhu a wulawulako lirimi linwani xipanzeni xa hina, hi fanele ku zama ku mu nyika wukustumunyu.
Mamahela ya kona:
• Tshama u longile. Loku uya wutirelini u nga siyi a xibhukwana Boas Novas para Pessoas de Todas as Nações. Gonza a zileletelo zi nga ka xipanze “Como ajudar quem fala outra língua,” xi nga kusanguleni ka xibhukwana. Alakanyela a tirimi leti zi kotekako ku kuma vawulawuli va tona, u maha download ya vidiyu kutani bhuku hi tirimi leto ka jw.org u chela ka muchini wa wena wa mandla. Ringa ku tirisa JW Language (longoloko wa ku gonza hi wona tirimi wu nga lomu ka jw.org) kasi kugonza magezu matsongwani. Loku a mabandla ya tirimi to hambanahambana ma xumayela ka xipanze xinwe, teka mabhuku ya lirimi la bandla ga wena ntsena loku u xumayela hi muti ni muti. Kanilezi, loku u maha wukustumunyu ga laha kubaseni ka xipanze ku wulawuliwako tirimi to tala, teka mabhuku ya tirimi ta vanhu lava u nga kumanako navo.
• Loku u kumana ni munhu a wulawulako lirimi linwani, maha zontlhe u zi kotako kasi ku mu bhulela “hi mitiro ya ntamu ya Nungungulu” hi lirimi lakwe. (Miti. 2:11) Mu kombe jw.org kasi a kuma mahungu manwani hi lirimi lakwe. Loku a kombisa kutsakela, tekela ku tatisa a formulario Queira Visitar (S-43), u nyika a matsalani wa bandla. Simama ku enzela munhu loye a kombisileko kutsakela kala a sangula ku enzelwa hi muhuweleli a wulawulako lirimi lakwe.
Ka hweti leyi, ringisa lezi:
• Wukhozelini ga nwina ga Ngango, ti nyikeni xikhati xa ku vuxeta ndlela ya ku nyika wukustumunyu ka munhu a wulawulako lirimi linwani.