Hi hlomisilwe ku chumayela vanhu va tixaka tontlhe

A kufana ni lezvi Jehovha a nga xaxametile vaIzrayeli, ni nyamutlha i xaxametile vanhu vakwe kasi va maha kurandza kakwe. Misaveni yontlhe, a tiBheteli, zvipandze, mabandla, ni mitlawa ya ntiro wa kuchumayela, zvontlhe zvi tira kasi a mahungu ya ma nene ma simama ku chumayelwa. Hi chumayela vanhu vontlhe, a ku patsa ni lava va wulawulako tirimi tin’wani.—Kuv. 14:6, 7.

U tshuka u alakanyela ku gondza lirimi lin’wani kasi ku vhuna vanhu lezvaku va tiva lisine ke? Hambu u nga hi na cikhati ca ku gondza lirimi lelo, u nga tirisa a JW Language^® kasi u tiva ndlela ya ku sangula ku chumayela munhu. Loku u yi tirisa a programa leyi kuchumayeleni, u nga tsaka ku fana ni maKristu ya zana ga malembe go sangula, lawa ma nga tsaka a cikhati leci va nga wona vanhu va matiko man’wani na va hlamala hi kuzwa “mitiro ya ntamu ya Nungungulu” hi tirimi tabye.—Miti. 2:7-11.

WONA A VHIDHIO KU CHUMAYELA KA CIPANDZE KU NGA NI VANHU VA WULAWULAKO TIRIMI TO TALA, U GUMESA U HLAMULA A ZVIWUTISO LEZVI:

• 

  U nga ti longiselisa kuyini kasi ku chumayela ka wutshamu ku wulawuliwako tirimi to hambanahambana?

• 

  Tirimi muni ti wulawuliwako hi vanhu va lomu cipandzeni ca n’wina?

• 

  Zvini u faneleko ku maha loku u kuma munhu a tsakelako mahungu ya Mufumo na a wulawula lirimi lin’wani? — Hi xaxametilwe paj. 94 par. 39-41