U longile ke?

Loku ku tshuka ku humelela mhango ya ntumbuluko cipandzeni ca n’wina, u longile ke? A kutsekatseka ka misava, zvingulo, kuswa ka kwati ku thapelako mimiti, ni tindambi, zvilo zvi nga humelelako hi citshuketi ni ku zvi nga hohlota. Ahandle ka lezvo, a zvitereka, gujeguje kutani tinghumbe zvi nga humelela ni ka cihi cikhati na hi nga tivisiwangi. (Mutsh 9:11) A hi faneli ku alakanya ku lezvo a zvi nge tshuki zvi humelela lomu hi hanyako kona.

Mun’we ni mun’wani wa hina i fanele ku ti longisela na ku nga se maheka mhango. (Mav 22:3) Hambu lezvi a hlengeletano ya Jehovha yi hi nyikako zvitlharihiso hi cikhati ca mhango, lezvo a zvi wuli ku hi fanele ku tsika a wutihlamuleli ga hina. — Gal 6:5.

BISA A VHIDHYU U LONGILE KU YIMISANA NI TIMHANGO TA NTUMBULUKO? U GUMESA U HLAMULA ZVIWUTISO LEZVI:

• 

  Hi nga ti longiselisa kuyini hi tlhelo ga moya ka timhango ta ntumbuluko?

• 

  Hikuyini zvi nga zva lisima a ku . . .

  • • bhulisana ni madhota na ku nga se maheka a mhango, na yi maheka, kutani na yi hundzile?

  • • longisela a pasta ya ku tsutsuma nayo? — g17.5 6

  • • bhula hi timhango leti ti nga humelelako ni lezvi hi nga mahako ka ciyimo cin’we ni cin’wani?

• 

  Hi tihi a tindlela tinharu hi nga vhunako hi tona van’wani loku va welwa hi timhango ta ntumbuluko?