Tshama u longile laha a ‘masiku yo gumesa’ ma gumesako

Laha hi timiselako a cikhati leci a masiku lawa yo gumesa ma gumesako, hi rindzela ku a zviyimo zvi ya zvi bindza nguvhu. (2 Tim. 3:1; Mat. 24:8) Loku ku lava ku humelela khombo, a vanhu va Jehovha va nyikiwa zvileletelo hi cikhati ci nene, lezvi zvi ponisako wutomi gabye. Kasi hi pona loku ku humelela a khombo, zvi lava ku hi ingisa hi ti longisela zvezvi, hi tlhelo ga moya ni ku longisela lezvi zvi lavekako. — Luka 16:10.

• Ti longisele hi tlhelo ga moya: Randza ku lera Bhibhiliya ni ku ti mahela cigondzo. Gondza ku chumayela hi tindlela to hambanahambana. U nga chavi u jujeka kupima loku u tshuka u hambana ni vamakabye hi cikhati cokari. (Isa 30:15) Contlhe cikhati Jehovha na Jesu va tava kusuhani na wena. — Hi xaxametilwe paj. 162 par. 15-17

• Longisela pasta ya lezvi zvi lavekako: A handle ka ku longisela pasta ya ku tekela ku tsutsuma nayo, ngango ni ngango wu fanele hlengeleta zvo zvi tirisa loku zvi tshuka zvi boha ku muya tumbela hi cikhati co lehanyana. A zvilo lezvo zvi ngava zvakuganyana, mati, ni mimuri. — Mav. 22:3; Despertai! 5 17 paj. 4, 6

WONA A VHIDHIO U LONGILE KU YIMISANA NI TIMHANGO TA NTUMBULUKO KE?, U GUMESA U HLAMULA ZVIWUTISO LEZVI:

• 

  Hi nga ti longiselisa kuyini hi tlhelo ga moya na ku nga se humela khombo?

• 

  Hikuyini zvi nga zva lisima . . . 

  • a ku a madhota ma ci tiva khwatsi a ciyimo ca n’wina?

  • a ku longisela pasta ya ku tsutsuma nayo?

  • a ku bhula hi makhombo lawa ma nga humelelako ni lezvi mu nga mahako ka ciyimo cin’we ni cin’wani?

• 

  Hi tihi a tindlela tinharu hi nga vhunako hi tona van’wani loku va welwa hi khombo?

TI WUTISE LEZVI: ‘Zvini ndzi nga gondzako ka ntungu wa COVID-19 xungetano hi ku tshama ndzi longile?’