Loku ku tshuka kuva ni gujeguje, u longile ke?

Laha a tiko legi gi yako magumo, hi rindzela ku a gujeguje, terrorismo ni tiyimpi zvi engetela. (Kuv. 6:4) Hi nga ti longiselisa kuyini ku lwisana ni zvikarato zva ha tako?

• Ti longisele hi tlhelo ga moya: Hlota matshinya ya milayo ya Bhibhiliya ni matimu ma ku vhunako ku u mu tsumba nguvhu Jehovha ni hlengeletano yakwe ma tlhela ma ku vhuna ku u ngavi wa tiko. (Mav. 12:5; Jeremias paj. 125-126 Par. 23-24) Leci hi cona cikhati ca ku tiyisa wunghana ni vamakabye. — 1 Ped. 4:7, 8

• Ti longisele hi tlhelo ga nyama: Longisela lezvi zvi lavekako kasi mu vhikeleka ni ku ti hanyisa hi zvona laha kaya loku zvi nga koteki a ku mu huma. Longiselani lezvi mu to humisa zvona loku zvi koxa ku mu tsutsuma. Hlolisisani lezvi zvi nga lomu ka pasta ya n’wina ya ku tsutsuma nayo. Lomu ka yona mu nga rivali ku chela mali ni zvilo zva ku ti vhikela hi zvona, zvo kota maluvha, maskara ni zvin’wani. Tshamani na mu tiva ndlela ya ku angula madhota mu tlhela mu maha lezvi zvi lavekako kasi wonawu ma tiva ndlela ya ku mu angula. — Isa. 32:2; Despertai! N.º 5 ga 2017 paj. 3-7

Ndzeni ka gujeguje: Simamani ku ti gisa hi tlhelo ga moya. (Filp. 1:10) Mu nga tshami hi ku rura-rura, ahandle ka loku na zvo boha ku mu tsutsuma. (Mat. 10:16) Avelani van’wani lezvi mu nga nazvo, zvo kota zvakuga ni zvin’wani. — Rom. 12:13.

SIXTIRA VHIDHIO U LONGILE KU YIMISANA NI TIMHANGO TA NTUMBULUKO KE?, U GUMESA U HLAMULA ZVIWUTISO LEZVI:

• Jehovha a nga hi vhunisa kuyini loku ku humelela khombo?

• Zvini hi nga mahako kasi ku ti longisela?

• Hi nga va vhunisa kuyini lava va nga humelelwa hi khombo?