MAHANYELA YA WUKRISTU

U longile ku lwisana ni cikarato ca kukala ka timali?

A zvi hi hlamalisi a ku wona zvimaho zva tiko lezvi zvi vangako cikarato ca kukala ka timali misaveni yontlhe. Hikuyini? Hi ku hi hanya tichokeni ta masiku yo gumesa niku a Bhibhiliya gi hi tlharihisa ku hi nga tsumbi “titshomba ti mbhelako”. (1 Tim. 6:17; 2 Tim. 3:1) A cikombiso ca Hosi Jehoxafati ci hi gondzisa yini xungetano hi ku tshama na hi longile ku lwisana ni cikarato ca kukala ka timali?

A cikhati leci a nga lava ku vhukelwa hi valala, Jehoxafati i no tsumba Jehovha. (2 Kro. 20:9-12) I no tlhela a longisela vanhu vakwe na va nga se vhukelwa hi ku bhiyela madhoropa a tlhela a yimisa masochwa. (2 Kro. 17:1, 2, 12, 13) A ku fana na Jehoxafati, hi maha khwatsi hi ku tsumba Jehovha hi tlhela hi ti longisela ku lwisana ni zvikhati zva zvikarato.

ZVINI HI NGA MAHAKO KASI HI TI LONGISELA KU LWISANA NI CIKARATO CA KUKALA KA TIMALI?

Ti longisele hi tlhelo ga moya: Ti karatele ku tsaka hi lezvi u nga nazvo, u tlhela u tiyisa kutsumba ka wena ka lezvaku Jehovha i na ni ntamu wa ku ku nyika lezvi zvi lavekako siku ni siku. (Mat. 6:26; 1 Tim. 6:8) Ti yimisele ku nga tshuki u tshova matshinya ya milayo ya Bhibhiliya hi ku fela ku kuma zva ku ti hanyisa. (Rom. 2:21) Ehleketa hi lezvi u nga wa ta zvi kumisa zvona zvakuga zva moya loku a magezi kutani internet zvi tsemiwa. Ti vekele mabhuku yo kari yo gandliwa, niku loku zvi koteka, chisa man’wani lomu ka muchini kutani ka fone ya wena.

Ti longisele hi tlhelo ga nyama: Na ku nga se humelela cikarato ca timali, zama ku hungula mangava loku u hi nawo u tlhela u potsa ku xava zvilo na ku nga hi na cilaveko. (Mav. 22:7) Loku zvi koteka, ti vekele zvakuga ni zvin’wani zvilo u to lava ku zvi tirisa. A vokari va nga zvi wona zvi hi chukwana ku byala zvokari laha kaya kasi va popara mali.

SIXTIRA VHIDHIO U LONGILE KU YIMISANA NI TIMHANGO TA NTUMBULUKO KE? U GUMESA U HLAMULA ZVIWUTISO LEZVI:

Cipandze ca vhidhio “U longile ku yimisana ni timhango ta ntumbuluko ke?” Hi laha ku wonekako Bhibhiliya, pasta ya kutsutsuma nayo, ni fone ni vanhu va akako.

Zvini hi nga mahako kasi hi ti longisela na ku nga se humelela a mhango ya ntumbuluko?

Your answer

Cipandze ca vhidhio “U longile ku yimisana ni timhango ta ntumbuluko ke?” Hi laha ku wonekako vamakabye na va vhunetela ntirweni wa ku lamulela timhango va chisetelako materiyali lomu ka kamiyawu.

Hi nga ti longiselisa kuyini kasi hi vhuna van’wani?

Your answer