Hi kombisa lirandzo hi ku seketela a kulaya ka Jehovha

A ku susa munhu bandleni zvi vhikela bandla niku zvi vhuna muwonhi lezvaku a ti sola. (1Ko 5:6, 11) Hi kombisa lirandzo hi ku seketela a kulaya loko ku tako hi ka Jehovha. Hikuyini a ku susa munhu bandleni ci nga cikombiso ca lirandzo hambu lezvi zvi vangako kubayisa ka vontlhe va patsekako, a ku patsa ni maxaka ni kometi ya kulamula?

A ca hombe ka zvontlhe, hi kombisa lirandzo hi vito ga Jehovha ni milayo yakwe yo basa. (1Pe 1:14-16) Hi kombisa lirandzo kambe ka munhu loyi a susilweko bandleni. Hambu lezvi ku bayisako, a kulaya loko ko tiya ku nga pswala ‘mihandzu ya kurula ni ya kululama’. (Mah 12:5, 6, 11) Loku hi simama ku hlengela ni munhu a nga susiwa bandleni kutani a nga ti susa hi yece, ho lwisana ni kulaya ka Jehovha. Alakanya lezvaku Jehovha i laya vanhu vakwe “hi nongameto”. (Jer 30:11) Loku hi seketela a kulaya ka Jehovha hi tlhela hi simama hi tiyile hi tlhelo ga moya, hi ta simama ku tsumba lezvaku a munhu loye i ta tlhelela ka papayi wa hina wa tipswalo.—Isa 1:16-18; 55:7.

SIXTIRA VHIDHIO SIMAMA KU TSUMBEKA HI MBILU YONTLHE, U GUMESA U HLAMULA ZVIWUTISO LEZVI:

• 

  Kubayisa muni loku a vapswali va nga maKristu va ku zwako loku a n’wana a tsika ku tirela Jehovha?

• 

  A bandla gi nga zvi vhunisa kuyini a zviro zvo tsumbeka zva ngango lowo?

• 

  Matimu muni ya Bhibhiliya ma kombako a lisima la ku tsumbeka ka Jehovha ku hundza ku tsumbeka ka maxaka?

• 

  Hi nga tsumbeka ka Jehovha ku hundza ku tsumbeka ka maxaka hi ndlela muni?