TI TSITSIRITE NTIRWENI WA KUCHUMAYELA | ENGETELA LITSAKO LA WENA NTIRWENI WA KUCHUMAYELA
Vhuna zvigondzani a ku zvita mitlhanganweni
A mitlhangano ya bandla ya lisima nguvhu wukhozelini ga lisine. (Lis. 22:22) Vontlhe lava va tlhanganako kasi ku khozela Jehovha va kuma litsako ni makatekwa. (Lis. 65:4) A kutala ka zvikhati a zvigondzani zva Bhibhiliya zvi hatla ku kula hi tlhelo ga moya loku zvita mitlhanganweni hi kukhandzakanya.
U nga mu vhunisa kuyini loyi u gondzako naye a Bhibhiliya lezvaku ata mitlhanganweni? U nga tsiki ku mu ramba. Mu kombe a vhidhio leyi yaku Zini zi mahiwako lomu ka Salawu ya Mufumo? Mu tlhamusele lezvi a mitlhangano yi hi vhunisako zvona. (Bhuku Ti buze hi wutomi cigondzo 10) U nga mu bhulela mhaka yo kari u nga gondza mutlhanganweni kutani ku mu tlhamusela lezvi zvi to gondziwa ka lowu wu tako. Mu nyike mabhuku lawa ma tirisiwako mitlhanganweni u tlhela u mu vhuna hi ni cihi ci lavekako. U nga mu vhuna hi ni cihi kasi a zvi kota kuta mitlhanganweni. A siku a cigondzani ca wena ci tota mitlhanganweni hi khati go sangula, u ta zvi wona ku u tirile lezvi u nga ti karata u mu vhuna. — 1 Kor. 14:24, 25.
SIXTIRA VHIDHIO VHUNA ZVIGONDZANI ZVA WENA ZVA BHIBHILIYA A KUTA MITLHANGANWENI, U GUMESA U HLAMULA ZVIWUTISO LEZVI:
Nina i londzowotile zvikhati muni kasi ku ramba Rosa lezvaku ata mitlhanganweni?
Hikuyini hi tsakako loku a cigondzani cita mitlhanganweni?
“Hakunene Nungungulu i kona cikari ka n’wina”
Zvini a nga zvi wona Rosa ka khati go sangula a ngata mitlhanganweni