Vhuna zvigondzani a ku potsa vanghana va hava

Kasi a cigondzani ci maha munghana wa Jehovha, ci fanele ku hlawula vanghana va va nene. (Lis. 15:1, 4) A vanghana va va nene va ta mu kuca ku a maha zva zvi nene. — Mav. 13:20; Bhuku Ti buze hi wutomi cigondzo 48.

Laha u vhunako cigondzani a ku ci ngavi ni vanghana vo biha, zama ku ci zwisisa. Zva koteka ku na zvo mu karatela ku tsika vanghana va tiko. Hikwalaho, mu khatalele ni loku ku nga hi masiku ya ku gondza. U nga maha lezvo hi ku mu rumela mesaji, ku mu fonela, kutani ku ya mu vhuxelanyana. Laha a kulako hi tlhelo ga moya, u nga mu ramba loku mu kari mu hlakana ni vamakabye van’wani. Lezvo zvi ta maha ku a wona ku i ta kuma zvotala ku hundza lezvi a zvi siyako ndzhako. (Mar. 10:29, 30) Wenawu u ta tsaka laha u wonako ngango wa Jehovha na wu kula.

SIXTIRA VHIDHIO VHUNA ZVIGONDZANI ZVA WENA ZVA BHIBHILIYA A KU POTSA VANGHANA VA HAVA, U GUMESA U HLAMULA ZVIWUTISO LEZVI:

• A vakubiha ku wuliwa vahi va kona? — 1 Kor. 15:33

• Rosa i wa pimisa ku a vamakabye va hlakanisa kuyini?

• Nina i mu vhunisile kuyini Rosa lezvaku a vhaleta vanghana vo biha hi va va nene?