Tsima go hlawuleka go sangula zvigondzo hi Setembro

Hi Setembro, hi ta tira nguvhu kasi ku sangula a zvigondzo zva Bhibhiliya hi ku tirisa a broxura Ti buze hi wutomi kala kupindzuka! ni vanhu vontlhe hi to va kuma kuchumayeleni. A vahuweleli va nga hlawula ku tira wuphayona go vhunetela ga 30 wa tihora. Hi ta gi mahisa kuyini a tsima legi go hlawuleka?

• Ka khati go sangula: Tirisa a kapa ya seno ndzhako ya broxura kasi ku vhuxa kutsakela ka munhu loye u tlhela u zama ku mu komba lezvi a cigondzo ca Bhibhiliya ci mahisiwako zvona. U nga rivali lava va sinako va kombisile kutsakela a ku patsa ni marevhizita. Hambu loku a kale va alile a cigondzo ca Bhibhiliya, kuzvilava zvezvi va nga tsakela a magondzela lawa ya maswa ni broxura. A mabroxura a ma faneli ku siyiwa ka mimiti ku kalako ku nga hi na munhu kutani ku rumelwa ni mapapilo ka vanhu vaku a va se kombisa kutsakela. A Kometi ya Ntiro ya Bandla yi nga maha yin’wani mitlhangano ya ntiro ndzeni ka hweti.

• Ka tin’wani tindlela: Loku a bandla ga n’wina gi tirisa zvikarinyana zva mabhuku kombisa a broxura Ti buze hi wutomi kala kupindzuka!. Byela lava va tsakelako a broxura legi lezvaku gi fambisana ni cigondzo ca Bhibhiliya ca mahala. Ndzeni ka mabhulo ya n’wina, kombisa kutsongwani lezvi a cigondzo leco ci mahisiwako zvona kutani ku mu bhula ku mu tlhangana ka cikhati cin’wani. A muwoneleli wa ntiro a nga maha malulamiselo ya lezvaku a vahuweleli va ringanelwako va ya chumayela a vaxavisi ni ku sangula navo a cigondzo ca Bhibhiliya. U nga sangula a cigondzo ca Bhibhiliya kambe ni vatiri-kuloni kutani vanhu u va tivileko ka wukustumunyu ga citshuketi.

Jesu i hi layile ku hi “maha vapizani” ni ku “va gondzisa”. (Mat. 28:19, 20) Ngha a tsima legi go hlawuleka gi hi vhuna a ku tatisa a kungo legi hi ku tirisa a Ti buze hi wutomi kala kupindzuka!