Matshamela ma nene ya Ti buze hi wutomi kala kupindzuka!

Zva ku tsakisa a ku tirisa a tivhidhio ni zviwutiso zva ku lava ku tiva mawonela zva bhuku Ti buze hi wutomi kala kupindzuka!? Ahanti laha ka ku “A vokari ve”, “T.P.C” ni “Gondza zvin’wani”? Zvini zvin’wani lomu ka bhuku legi, kuzvilava zvi ku vhunileko laha u nga hi ntirweni wa ku maha vapizani? — Mat. 28:19, 20.

Tivhidhio ni tindzima: Loku u hlawula ku fambisa a cigondzo ca Bhibhiliya hi bhuku go gandliwa, u nga zvi kotisa kuyini ku tekela ku kuma a tivhidhio tontlhe ni tindzima tin’wani laha ka kun’we? Lomu ka bhuku ga lomu ka michini, hlawula a cipandze cin’we ka lezvi zva mune zva tshinya. Le magumo, hi le hasi ka laha ku xaxametilweko a tihloko ta mhaka ta zvigondzo, u nga ti kuma laho a tivhidhio tontlhe ni tindzima ta cipandze leco. (Wona mufota 1.)

“Edição Impressa”: Loku u gondza ni munhu na u tirisa legi ga lomu ka michini, kuzvilava zvi nga ku vhuna ku a cikhati leci mu gondzako uta na u thitha laha ka ku “Edição Impressa”. Kwalaho ka cigondzo leci mu nga ka cona, thitha laha ka tiponto tinharu ti nga le hehla ka pajina u gumesa u thitha laha ka ku “Edição Impressa”. Lezvo zvi ta ku vhuna ku u nga rivali lezvi a mahungu lawa mu gondzako ma yelanisako zvona ni mhaka-tshinya ya cigondzo leco. Kasi u cica kambe, thitha kambe laha ka tiponto tinharu ti nga le hehla ka pajina u gumesa u thitha laha ka ku “Edição Digital”.

“Ndzi longile ke?”: A makwadru lawa ma nga kugumeseni ka bhuku ma tlhamusela lezvi zvi lavekako kasi a cigondzani ci chumayela ni bandla ni ku bhabhatiswa. (Wona mufota 2.)

Mitlhamuselo: A cipandze leci ci ni mitlhamuselo xungetano hi timhaka to kari ta lisima. A bhuku ga lomu ka michini gi na ni link magumo ka tlhamuselo wun’we ni wun’wani yi ku tlhelisako laha u nga sukela kona. (Wona mufota 2.)