Wa Tshuka U Tirisa A Xifenengeto Xa Le Nzhako?

A xikhati lexi a vanhu va amukelako a revista, hi tolovelo va cuwukisa a xifenengeto xa seno mahlweni zonake va tekela ku gi hunzulusa va cuwukisa a xifenengeto xa le nzhako. A xifenengeto xa le nzhako xa A Sentinela ga vanhu vontlhe xi na ni ziwutiso zo hlaya ni magezu ma tlhotlhako maalakanyo zinwe ni tinombora ta maphajina lawa ma nga ni mahungu lawo.

Ha zi kota ku tirisa a phajina legi kasi ku kuma maalakanyo ma nene ya ziwutiso hi to maha kasi ku sangula mabhulo. Loku a xipanze xa hina xi tiriwa hi kukhanzakanya, hi nga cicacica a zingheniso za hina hi ku tirisa a ziwutiso zo hambanahambana hweti yontlhe. Loku a nwinyi wa muti a khomekile, hi nga komisa a xingheniso xa hina hi ku mu komba a xinwe xa ziwutiso zi nga ka xifenengeto xa le nzhako zonake hiku, “Loku u tsakela ku tiva a hlamulo wa xona, nzi nga ku siyela a marevista lawa nzi tlhela nzi wuya hi ta bhula hi wona loku u tava ni xikhati.” A vahuweleli vo kari va zi wona na zi hi chukwana a ku sangula mabhulo hi ku komba a nwinyi wa muti a xifenengeto xa le nzhako zonake va mu kombela lezaku a hlawula xiwutiso xi mu kokako nguvu kupima. Hi kulanzela, va mu komba laha a hlamulo wu nga kona va tlhela va gonza a mutsalo wunwe va wu hlawulileko na ka ha hi mahlweni. Kuzilava wa alakanyela a tindlela tinwani ta ku tirisa a xifenengeto xa le nzhako kasi ku kuca vanhu lezaku va tsakela A Sentinela.