‘Ande pela Fé, Não pela Vista’

Xikhatanyana mahlweni ka kuranzelwa ni kuloviswa ka Jerusalema, mupostoli Paule i lo tsala lezaku a maKristu ma fanele ku rinzela zikarato, kota masochwa ya Kristu, ma tlhela ma nga rangisi ku tshamiseka ka wona ni kutitsakisa. (2 Tim. 2:3, 4) Laha ku tshinelako a kuloviswa ka tiko legi go biha, hi fanele kuva ni kukholwa ko tiya kasi hi simama ku veka kupima zilweni za moya. (2 Kor. 4:18; 5:7) Hlalela a vidiyu ‘Ande pela Fé, Não pela Vista.’ (Nghena ka jw.org, u ya laha ka ku PUBLICAÇÕES > VÍDEOS.) Laha u hlalelako, wona lezi a ku ranza titshomba zi mahisileko zona ntlhamu ka Nahama na Abitali. Hi kulanzela, kambisisa a ziwutiso lezi zi lanzelako.

1) Ka zana ga malembe go sangula, ma wa hi yini “a manyalataniso ya mbhangalakasa, lawa ma nga . . . yimile wutshanwini go basa,” niku xiboho muni xa hombe lexi a maKristu ma nga hanya Jerusalema ma nga fanele ku xi maha? (Mat. 24:15, 16) 2) Hikuyini a ku huma doropeni lego zi nga lava kukholwa? 3) Kutikarata muni ku nga laveka kasi ku huma? 4) Hikuyini Nahama na Abitali va nga hlwela ku huma? (Mat. 24:17, 18) 5) Xiringo muni xa kukholwa lexi Rakeli a kumeneko naxo a xikhati lexi a nga huma hi Jerusalema? (Mat. 10:34-37; Mar. 10:29, 30) 6) Etani i nyikisile kuyini xikombiso xi nene xa kukholwa ni ku tsumba Jehova? 7) Zikarato muni lezi a maKristu ma kumeneko nazo le Pela? 8) A kukholwa ka Nahama na Abitali ku mbhelisile kuyini hi kutsongwanikutsongwani? 9) Jehova i khatalelisile kuyini a maKristu lawa ma nga hanya le Pela? (Mat. 6:33; 1 Tim. 6:6-8) 10) Hi nga mu pimanyisisa kuyini Abrahama na Sara laha hi lwisanako ni zikarato za kugumesa ka tiko legi go biha? (Maheb. 11:8-10) 11) Zigelo muni lezi Nahama na Abitali va ti nyikileko kasi ku tlhela Jerusalema, niku hikuyini ku nga hi kutikhohlisa? (Luka 21:21) 12) A wutomi gi wa tshamisile kuyini le Jerusalema a xikhati lexi Nahama na Abitali va nga chikela? 13) Hikuyini hi faneleko ku tiyisa kukholwa ka hina zalezi — na ku nga se chikela a kugumesa ka tiko legi go biha ke? — Luka 17:31, 32; 21:34-36.

A ku famba hi kukholwa zi wula 1) ku tsumba wurangeli ga Jehova, 2) kurangelwa hi wusungukati ga Jehova ka zontlhe hi zi mahako, ni 3) ku komba lezaku ha nyika lisima a zilo za moya ku hunza lezi za nyama. Ngha hi ti yimisela ku famba hi kukholwa, na hi tsumba lezaku “a tiko ga hunza, ni kunavela ka gona; kanilezi loyi a mahako kuranza ka Nungungulu i ta tshama kala kupinzuka.” — 1 Joh. 2:17.