Cicacica gezu

Isaya 24:14

LEZVI U FANELEKO KU MAHA: Tlhamusela a mhaka yi dlunyateka, u hlanganyeta timbilu ta lava u bhulako navo hi ku cicacica vholume, ni ntamu, zvin’we ni zambo ga gezu ga wena.

U TA ZVI MAHISA KUYINI?

• Cicacica a vholume ya gezu ga wena. Engetela a vholume ya gezu ga wena kasi ku dlunyatisa timhaka-tshinya ni ku kuca lava u bhulako navo. Maha lezvo kambe a cikhati leci u gondzako a Mitsalo leyi yi nga ni mahungu ya kulamula. Hungula a vholume ya gezu ga wena loku u lava lezvaku lava u bhulako navo va zvi donela mari lezvi zva ha tako, ni loku u lava ku kombisa kuchava kutani kukarateka.

• Cicacica a ntamu (tom) wa gezu ga wena. Loku zvi vhumeleka ka lirimi la n’wina, engetela ntamu wa gezu ga wena kasi ku kombisa kuchivirika, ni loku u wulawula hi tipimo kutani mipfhuka. Hungula a ntamu wa gezu ga wena kasi ku kombisa kubayisa kutani kukarateka.

• Cicacica a zambo ga gezu ga wena. Hatlisa loku u wulawula hi zvilo zvo tsakisa, u nonoka loku u wulawula hi timhaka ta lisima.