Wulawula hi zvilo zvi khumbako van’wani

Zvini lezvi Jesu a nga maha?

VHIDHIO: Jesu ni wasati laha hloweni

1. Sixtira VHIDHIO, kutani lera Johani 4:6-9. Andzhako ka lezvo, ehleketa hi zviwutiso zvi landzelako:

1. Zvini lezvi Jesu a nga zvi cuwuka na a nga se sangula mabhulo ni wasati wa muSamariya?

2. Jesu i te: “Hi nga ndzi nyika ndzinwa.” Hikuyini leyo yi ngava ndlela ya yinene ya ku sangula mabhulo?

Hi gondza yini ka cikombiso ca Jesu?

2. Zvi nga olova ku hiva ni mabhulo yo tsakisa ni munhu loku hi sangula bhulo hi zvilo zvi mu khumbako.

Pimanyisa Jesu

3. Ti olovise. U nga kurumeti munhu a ku bhula hi lezvi u sinako u longisele a ku bhula hi zvona. Kanilezvi sangula mabhulo hi zvilo lezvi a van’wani va ehleketako hi zvona ka masikwana lawa. Ti wutise lezvi:

1. ‘Mahungu muni ma haxiwako zvezvanyana?’

2. ‘Zvini lezvi a vaakelani va mina, ni vatiri-kulori kutani zvigondzani-kulori va bhulako hi zvona?’

4. Cuwukisisa khwatsi. Ti wutise lezvi:

1. ‘Zvini lezvi a munhu loyi a mahako? Zvini lezvi kuzvilava a zvi pimisako?’

2. ‘A tinguwo leti a munhu loyi a nga boha, ni matshamela yakwe, ni muti wakwe zvi ndzi komba yini xungetano hi lezvi a zvi kholwako kutani mudhawuko wakwe?’

3. ‘A ku leci cikhati cinene ca ku bhula ni munhu loyi?’

5. Mu ingisele.

1. U nga wulawuli nguvhu.

2. Kuca loyi u bhulako naye lezvaku a ti phofula. Loku zvi ringana mu mahe zviwutiso.