Leswi Nga Pfunaka Ka Ntlhanganu Wa Ntirho Wa Nsimu

Ku fana ni mintlhanganu yin’wana leyi hi yi yentxeka, ntlhanganu wa ku huma nsimu i nchumu wa lisima lowu Yehovha a hi nyikaka wona swaku wu hi pfuna. (Heb 10:24, 25) Ntlhanganu wa nsimu wu fanele wu heta 5 ku ya ka 7 minutus. Leswi vulaka swaku mufambisi wa ntlhanganu, a fanele a bula ni vamakwerhu hi leswi nga ha tirhisiwaka loko va chumayela, a yava vamakwerhu, a yava materitoriyu a tlhela a yentxa xikhongelo ndzeni ka 5 ku ya ka 7 minutus. Mufambisi wa ntlhanganu lowu, a fanele a lunghiselela swilo leswi nga ta pfuna vachumayeli. Hi xikombiso, leswi vachumayeli van’wana va kalaka va nga swi koti ku va kona nsin’wini masiku hinkwawu ndzeni ka vhiki, ka ntlhanganu wa nsimu hi Sábado, mufambisi wa ntlhanganu a nga ha bula ni vamakwerhu hileswi va nga ma sungulisaka xiswona mabulu loko va chumayela. I yini swin’wana leswi ku nga buliwaka hi swona ka ntlhanganu lowu?

• Swikombiso swa mabulu leswi nga ka Xibukwana xa Mintlhanganu

• Ndlela ya ku tirhisa mahungu ni swilo leswi humelelaka mugangeni swaku u sungula mabulu hi swona

• Ndlela ya ku hlamula munhu lweyi a zamaka ku tsema bulu

• Leswi hi nga swi yentxaka loko hi kumana ni munhu lweyi a kalaka a nga kholwi swaku Xikwembu xi kona, lweyi a kholwaka swaku a nga kona lweyi a nga yentxa swilo, lweyi a vulavulaka lirimi lin’wana kumbe lweyi a nga ka wukhongeli leli kalaka li nga tolovelekanga ka teritoriyu la hina

• Ndlela ya ku tirhisa swilo leswi nga ka Bibele, ka jw.org ni ka JW Library^®

• Ndlela ya ku tirhisa mabuku ni mavhidiyo lawa hi djondzisaka hi wona

• Ndlela ya ku chumayela hi telefoni, hi makarta, ku chumayela lomu ku nga ni vanhu va vanyingi ni ku yentxa marevhizita kumbe ku fambisa swidjondzo swa Bibele

• Leswi nga mi pfunaka kuva mi ti vhikela loko mi chumayela, ku nga ha va ku titwananisa ni swiyimu, ku hlonipha lava mi va chumayelaka ni ku vona lava mi va chumayelaka va li vanhu lava nga ta tsakela

• Mi nga bula hi pontu ya lisima leyi nga ka broxura leli nge Tinyiketeli Kulerheni ni le Kudjondziseni kumbe vhidiyo leli nga ka broxura leli

• Ndlela ya ku tiyisa ni ku pfuna lweyi u humaka na yena nsimu

• Tirhisa ndzimana ya Bibele leyi vulavulaka hi ku chumayela kumbe ku vulavula hi swilo swa ku tsakisa leswi nga yentxeka ka ntirho wa nsimu