Agostu

Tánguarhikuecharhu, somenchi miátantanhasïnga ambe engaksï Jeoba ka Jesusi úkia juchantsïni jimbo (Rom. 5:8). Juchachi kánikua agradeserikuasïnga, jimbochisï jánguarhintajka pauani pauani májkueni jámani eska Jesusi (2 Kor. 5:14, 15). Ístu, ambe engachi mintsitarhu pʼikuarherajka, úsïndi eskachi kʼéri ambe arhiaka Jeobani enga ísï íntspika imeri Uájperi tsípikuani. Ka ma ambe engachi úaka úni para kʼéri ambe arhini, jindesti mintsita jingoni komentarini tánguarhikuecharhu. Xarhatasïngachi na engachi xáni xénchajka Tata Diosïni ka imeri Uájpani engachi sakrifisiuechani úajka. Parachi úni tánguarhikuecharhu nirani, somenchi jatsisïnga para mámaru járhati sakrifisiuechani úani. Por ejemplu, uánikua kúnguarhikuechaksï inchatiru jatsisïndi tánguarhikuani enga semanarhu jarhajka, engachi jamberi kuataratini jarhajkia ánchikuarhita jimbo. Ka máteru tánguarhikua fin de semana jimbo úkuarhisïndi engaksï kʼuiripuecha mintsikuarhini jarhajka. ¿Kuenta íntskukuarhisïni Jeoba eskachi nirasïnga tánguarhikuarhu nájkirukachi kuataratini jarhajka? Jo. Engachi sánderu jánguarhintaaka, Jeoba sánderu jukaparharaati imani uékperakuani engachi xarhatakujka (Mar. 12:41-44). w19.01 29 párr. 12, 13

Jesusi mismu nitamakuarhiaspti máru uandanhiatechani enga kʼuiripu jatsiapka. Por ejemplu, jamberi familiarhu ma tʼarhexepti engaksï no jatsikuarhiripka. Komu ánchikuarhipka Jose jingoni, ima enga táti jembepka ixú echerirhu, jorhenguarhispti imani ánchikuarhita ambe úni enga uétarhenga uinhapikua (Mat. 13:55; Mar. 6:3). Ka jamberi pʼikuarherapti na enga xáni no sési pʼikuarherakuarhijka uarhiranchani nemani, jimboka a lo mejori Jose jiáni uarhipti ante de ima uénani aianhpini. Ístu, mítispti na enga pʼikuarherakuarhijka familiarichani jatsiani engaksï no májkueni ambe jakajkujka (Juanu 7:5). I ambe ka ístu máteru ambe enga xáni nitamakuarhipka, jarhuataspti para kurhangukuani máteruechani engaksï uandanhiatechani jatsiauenga ka ambe engaksï pʼikuarherenga. Jesusi xarhataspti eska pendienti pásïrenga máteruecha jimbo imani milagruecha jimbo enga úapka. No solu úspti indeni ambe jimboka jatsispka para ísï úni, sino jimboka pʼamojkuasïrenga imechani engaksï kómu nitamakuarhini jarhenga (Mat. 20:29-34; Mar. 1:40-42). Jesusi kurhangukuaspti na engaksï pʼikuarherenga ima kʼuiripuecha ka uékaspti jarhuataani (Mar. 7:32-35; Luk. 7:12-15). w19.03 16, 17 párr. 10, 11

Ima jindespti últimu chúri enga Jesusi Echerirhu japka. Ju je eranhaskani na enga xáni no sési pʼikuarherani japka ima chúri. Uáni kʼuiripu pʼímutantskata uérapirindi enga ima kʼamakʼamasï kurhajchapiringa Jeobani asta uarhikuarhu jamberi. ¿Úpirini ísï úni? (Rom. 5:18, 19). Ka ambe enga sánderu jukaparhakuepka, jindespti eska imeri úkuecha jingoni úpiringa kuájpini o no sési pakatani imeri Tátini (Job 2:4). Últimu senarhu imeri apostulicha jingoni, imechaksï uénaspti “arhijperakua jatsini, jimbokaksï uandasïrenga aberi né sánderu kʼéri ambepirini”. Nájkiruka i ambe úkuarhipka, úsïngachi exeni eska Jesusi no ikiaspka imecha jingoni. Uékperakua jingoni ménderu arhiaspti na engaksï jatsipka para jámani. Tátsekua, ambakiti ambe arhiaspti jimbokaksï no méni jurajkuspka (Luk. 22:24-28; Juanu 13:1-5, 12-15). Úakachi májkueni úni eska Jesusi, nájkirukachi uánikua uandanhiatechani jatsiauaka. Úakachi ísï úni engachi miántaska eskachi juchajtu úsïnga o uandasïnga ambe ma enga no sési pʼikuastajka máteruechani (Prov. 12:18; Sant. 3:2, 5). Ístu, uétarhisïndi sési jásï ambe arhiani máteruechani imani ambakiti ambe jimbo engaksï xarhatajka (Efes. 4:29). w19.02 11, 12 párr. 16, 17

Moisesiri Lei úsïrendi eska nema no ísku jatini chkuanderakua ambe arhinhapiringa. ¿Néna úsïreni? Uénani jámani, ima enga kulparinhani jarhenga, jatsisïrendi para mítini né enga kulparini jarhenga (Deut. 19:16-19; 25:1). Ístu, para kulpabli arhinhani, uétarhisïrendi sikiera tsimani testiguecha paraksï nirani uandantani ambe (Deut. 17:6; 19:15). Peru enga nema no sési niátenga ka máechakuajku testigu jarhani, ¿ambe úkuarhisïreni? Ima enga no sési niátenga, no jatsisïrendi para eratsini eskaksï no ma ambe úkupiringa, jimboka Jeoba iámindu ambe exesïrenga. Jo, Jeobajtsïni ambakiti ejemplu xarhatachisïndi, jimboka méntkisï jurhimbikua jingoni úsïnga iámindu ambe. Újchakuraasïndi imechani engaksï no méni jurajkujka ka engaksï újka ambe enga ima juramujka, peru kastigariuasïndi imechani engaksï no sési kámpijka jimbokaksï juramukua jatsisïnga (2 Sam. 22:21-23; Ezeq. 9:9, 10). Jamberiksï máru no sési jásï ambe újti ka eratsinksï eskaksï no ma ambe úminhaaka, peru Jeoba jiáni jusgariuasïndi enga meru uétarhijka (Prov. 28:13). Ka engaksï no moantajka, nóksï ióndasïndi kuenta íntskukuarhini eska “chérpikueni jásï ambes[ka] para niárani kastigarinhani Diosïri jájkichani jimbo enga tsípitika” (Ebr. 10:30, 31). w19.02 24 párr. 20, 21

Seguruchi jarhaska eska Moisesi andarhierenga Jeobani para jarhuajperata kurhakuni. Moisesi, “uinhapikuarhintasïrendi mintsikaparini Diosïni enga no nema újka exeni, komosieka exeni japiringa” (Ebr. 11:24-25, 27). Ante de tsimani kutsï nitamani engaksï israelitecha uéakuntapkia Ejiptu ka antedeksï Sinai juáta jimbo niárani, kʼéri problema ma úkuarhispti. Israelitechaksï uénaspti uandauandamini, jimboka no jarhaspka itsï ka Moisesi jingonksï kejarikuarhispti. Problema xáni kʼéri úkuarhispti enga Moisesi kómarhipka Jeobani: “¿Ambe uá ini iretani jingoni? ¡Sánderkia ka tsakapkueraatijtsïni!” (Éx. 17:4). Jeoba mókukuntaspti arhiparini ambe enga meru jatsipka para úni: jatsispti para imeri pirimu jingoni uánharhitani Orebi anapu kʼerendani ma, ka ísï úparini kánikua itsï uérapirindi. Biblia seguirisïndi arhini: “Moisesi ísï úspti, Israeliri orhejtsïkuticheri éskuecheri orhepatini jimbo”. Israelitechaksï niáraspti itsïmani na engaksï xáni úpka ka problema sési pénhantasptia (Éx. 17:5, 6). w18.07 13 párr. 4, 5

Máteru ambe enga Jeoba úrajka parajtsïni uékperakua jingoni uinhaperantani, jindesti kúnguarhikua. Engachi xénchaajka erachichani, xarhatasïngachi eskachi xénchasïnga Tata Diosïni. Jánguarhintasïngachi jarhuataani xáni eskachi na xáni uáka paraksï exeni eska Jeoba kánikua jukaparharaasïnga ka eska xénchaasïnga (1 Juanu 4:19-21). Apostuli Pablu arhiaspti kristianuechani: “Mintsita jatsikpera je, ka uinhaperperantani máteru ka máteruni jingoni ísï eskajtsï na úni jaka” (1 Tes. 5:11). Jiájkani, no solu orhejtsïkuticha, sino iáminduechachi uáka uinhaperantaani ka animariuani erachichani, ísï eskaksï na újka Jeoba ka Jesusi (Rom. 15:1, 2). Máru erachicha engaksï pʼamenchakua ma kámajka éjpurhu, jamberiksï uétarhinchajti ambakiti jarhuajperata ka medisina ambe (Luk. 5:31). Orhejtsïkuticha ka ístu máteru erachicha kúnguarhikuarhu anapuecha, mítistiksï eskaksï no doktoricheska engaksï kánikua jorhenaka. Peruksï mítisti na enga xáni jukaparhakueka kumplirini arini juramukuani: “Uinhaperaantani [ja je] imechani engaksï kuatantani jaka, ka mintsita jatsikuantani imechani engaksï debiliika [o engaksï kómu pʼikuarherajka], ka ísï tekaantani jarhani iáminduechani jingoni” (1 Tes. 5:14). w18.09 14, 15 párr. 10, 11

Engachi sánderu sési mítijka Jeobani, niárasïngachi sánderu mintsikani. Ka parachi úni sési mítini, jatsiskachi para Bibliani arhintani ka arhutani tiempu para eratsintani ambe engachi arhintajka. Bibliarhuksï jarhasti istoriecha engaksï meru ísï úkuarhipka ka engaksï xarhatajka na enga ióntki Jeoba kuájchakupka imeri iretani ka engachi jimbo újka mintsikani eskajtsïni kuájchakuaka iásï. Ju je eratsini imani ejempluni enga Isaiasi úrapka parajtsïni jarhuatani kurhanguni na engajtsïni Jeoba kuájchakujka. Karichi eranguti ma jingoni terokutantaspti enga kuidariuajka imeri karichi sapirhatichani. Uandasïndi: “Imeri jájki jimbo tánantaauati karichi sapirhatichani; ka kamanharhitini páuati” (Is. 40:11). Engachi ísï pʼikuarherajka enajkijtsïni Jeoba kamanharhijki, niárasïngachi agustu pʼikuarherani ka kuájchakukata. Ambe engajtsïni jarhuataaka no xáni uandanhiani jarhani, nájkirukachi problemechani jatsiauaka, jindesti eratsintani ambe enga iásï anapu tekstu uandajka. Ísï úparini, uinhapikuachi jatsiaka ka úakachi orhepani uérakuani problemechani engachi no ióni jimbo jatsiauaka. w19.01 7 párr. 17, 18

¿Jánguarhintaxakiri parari kumplirini ma o tsimani metechani? Jamberiri jánguarhintani jaka parari pauani pauani Bibliani arhintani o parari sánderu komentarini tánguarhikuecharhu ka uérani eianhpini. Ambe engari úni jaka, ¿nénari pʼikuarherasïni engari exejka eskari sánderu sési úxaka ambe ma o engaksï máteruecha kuenta íntskukuarhijka ka felisitarinksïni? Seguru eskari kánikua tsípijka. Ka sésisti, jimbokari orheta imani ambe úxaka enga Tata Diosï uéjka antesi de imani ambe enga tʼu tsitijka, ísï eska na úpka Jesusi (Prov. 27:11). Engari jánguarhintaska parari sánderu marhuakuni Jeobani, kánikuari sési pʼikuarheraaka ka tsípikua jingoniri irekaaka. Apostuli Pablu karaspti: “Uinhapinta je ka asï jáma je chérakuarhini, sino méntku jauena je úni Diosïri úkuani, mítiparini eska chári ánchikuarhita no ísku uéraaka juchari Tatani jimbo” (1 Kor. 15:58). Ima kʼuiripuecha engaksï solu jánguarhintajka para ini parhakpini anapu ambe jatsini komu jatsikuarhikua ambe o famosueni, nóksï meru felisisïndi (Luk. 9:25). w18.12 22 párr. 12, 13

Dabidi imani jurhiatikuechanisï arhikuekendi engaksï iáminduecha engaksï Echerirhu irekaaka kumplirhiuauaka Tata Diosïri juramukuechani (2 Ped. 3:13). Isaías 65:22 arhisïndi: ‘Ísï ióni irekaati juchiti ireta, eska anhatapu ma’. I ambe arhikuekasïndi eskaksï kʼuiripuecha mili uéxurhinicha jimbo irekaaka. Jaŋaskuecha 21:1-4 arhisïndi eska uarhikua nóteru jauakia jimbanhi parhakpinirhu, nani enga Tata Diosï újchakurauaka imeri ambakiti marhuarichani. Paraisu enga uénakuarhu japka tsïnchisti, peru no para méntkisï. Tata Diosï aiatspesti eska imecha engaksï Echerirhu irekaaka kóntperata maksï intsïnhaaka. Ka Dabidi, Tata Diosïri jarhuajperata jimbo uandaspti eska Echeri ambakiti kʼuiripuecheriuaka ka jurhimbiticheri ka eskaksï jima irekaaka para méntkisï (Sal. 37:11). Ístu, Isaiasiri profesiechaksï úsïndi eskachi tsípikua jingoni erokani jauaka na enga xáni sési jánhaskuarheaka jiáni enga kumplirikuarhiaka ambe enga Jesusi aiakupka no sési úrini (Is. 11:6-9; 35:5-10; 65:21-23; Luk. 23:43, TNM). Chájtsï uáka irekani indeni Paraisurhu. w18.12 7 párr. 22, 23

Nochi úsïnga meru no ma ambe kurhaani o mítini na engaksï eratsijka i parhakpini anapuecha jimbokachi no uáka kéndikuni ini parhakpini jimbo (1 Kor. 5:9, 10). Asta engachi aianhpini jarhajka, úsïndi eskachi kurhauaka imani jakajkukuechani engaksï no jurhimbitiika. Peru engachi no uáka para meru no kurhaani o exeni ambe engaksï kʼuiripuecha jakajkujka engaksï no marhuakujka Jeobani, ambe engachi kʼóru uáka úni, jindesti no méntku eratsini jarhani imani ambe ka kénditaani juchari eratsikuarhu. Májkueni eska Jesusi, nochi jatsiska para jiókuarhini imani ambe enga Satanasi uéjka eskachi eratsiaka. Sánderu sési, uákachi kuájchakukuarhini para nochi ísku jatini mítini na engaksï eratsijka kʼuiripuecha. Por ejemplu, jatsiskachi para sési erakuani juchari amiguechani. Bibliajtsïni arhisïndi eska engachi imecha jingoni kúnguarhiska engaksï no marhuakujka Jeobani, niárakachi ísï eratsini eska imecha (Prov. 13:20; 1 Kor. 15:12, 32, 33). Ístu, engachi no jiókuarhiska ambe enga jorhentpijka ebolusioni, uarhiperakua ka ísku jándikua ambe, nochi eratsiaka imani ambe enga no terokuntajka “Diosïri mímixekua” jingoni (2 Kor. 10:5, TDU). w18.11 21 párr. 16, 17

¿Ambechi uá parachi méntkisï eratsitini jarhani no méni jurajkuni jurhimbikuani? Ma ambe engachi uáka úni, jindesti jánguarhintani jorhendaani máteruechani Bibliaeri jurhimbikuani. Ísï eska soldadu ma na sési jupikatini jarhenga espadani, juchajtuchi jatsiska para sési jupikatini jarhani Tata Diosïri Karakatani (Efes. 6:17). Iáminduechachi uáka jánguarhintani para sánderu sési jorhentpini ka sési úrani Tata Diosïri Karakatani (2 Tim. 2:15). Engachi úrajka Bibliani para jarhuataani máteruechani jorhenguarhini jurhimbikuani ka no jiókuarhini chkuanderakua ambe i parhakpiniri, sánderuchi úsïnga pérani Tata Diosïri ambe juchari eratsikuarhu ka mintsitarhu. I ambejtsïni jarhuatasïndi parachi no méni uékani jurajkuni jurhimbikuani. Jurhimbikua, ambakiti intsïmperakua máesti engajtsïni íntskujka juchari Táti auandarhu anapu. Indeni ambe jimbo, úsïngachi jatsini ambe ma enga sánderu jukaparhaka: ambakiti pájperakua ma Jeoba jingoni. Iámindu ambe engajtsïni xáni jorhendakia Tata Diosï, apenasi uénani anapu ambesti, jimbokajtsïni aiachiska eskachi seguirini jauaka jorhenguarhini jurhimbikueri ambe para méntkisï. Ísï jimbo, ju je ísï exeni jurhimbikuani komueska perla ma enga kánikua jukaparhaka. Ju je seguirini jorhenguarhini ka no méni jurajkuni (Prov. 23:23). w18.11 8 párr. 2; 12 párr. 15-17

Noeri mensaji, ístu jindespti aianhpini eska nóteru ióndani kʼamajkunhapiringa ambe ma. Ju je exeni ambe enga Jesusi uandapka: “Jimboka enga nótki janoaenga kʼéri janikua, tʼirenhaxapka ka itsïmanhani. Tembuchanhaxapti ka uambuchanhani asta imani jurhiatikua jimbo enga Noe jatapka barkurhu. Ka útasï nótkiksï jánhaskasïrendi [“nóksï kasu úspti”, TNM] astaka úndapka janini, ka iáminduecha ogarinksï. Ka májkueni úkuarhiati enga Uájpa Achatiri junguaka” (Mat. 24:38, 39). Nájkirukaksï kʼuiripuecha no kurhajchenga, Noe kumplirispti ánchikuarhita jingoni de adbertirikuni kʼuiripuni. Iásï, eiangusïngachi kʼuiripuni Reinueri ambe paraksï imecha úni mítini ambe enga Tata Diosï uéjka para kʼuiripuecha. Ísï eska Jeoba, juchajtuchi meru uékasïnga eskaksï kurhauaka ambe engachi eianhpijka ka eskaksï seguiriuaka irekani (Ezeq. 18:23). Ístu, eianhpini kʼumanchikuecharhu ka jimesïsï enga uánikua jánhajka, íntskusïndijtsïni sésikua parachi sánderu uánikuechani eianguani eska no ióndani Tata Diosïri Reinu kʼamajkuaka no sési jásï ambe (Ezeq. 3:18, 19; Dan. 2:44; Jaŋ. 14:6, 7). w18.05 19 párr. 8, 9

Enga gobiernu juramupiringa eskachi nóteru uákia Reinueri ambe eianhpini ka juchari erachicheri ambejtsïni kurhamarhini, ¿jatsiskichi para iámindu ambe eianguani engachi xáni mítika? Ju je eratsintani ambe enga úpka Jesusi enga Roma anapu juramuti kurhamarhikuechani úkuapka. Ima ísï úspti eska na arhijka i prinsipiu: “Jarhasti tiempu para pínasku pakarani ka tiempu para uandani”, ka no ma ambe mókukuntaspti (Ecl. 3:1, 7; Mat. 27:11-14). Enga inde ambe úkuarhiska, jatsiskachi para jingoni jámani parachi no no sési úkuani juchari erachichani (Prov. 10:19; 11:12). ¿Ambechi uá enga juchari amigu ma o familiari ma kʼéri pekadu ma úska ka juchachi mítini ambe enga úkuarhika? Jurhimbitkuchi uandantaaka (Prov. 21:28). Jatsiskachi para eianguani orhejtsïkutichani ambe enga xáni úkuarhika, no ma ambe mójtakuni ni jískani. Orhejtsïkutichaksï jatsisti para iámindu ambe mítini paraksï exeni nénaksï uá jarhuatani imani enga pekarika para ménderu jatsini ambakiti pájperakua ma Jeoba jingoni (Sant. 5:14, 15). w18.10 10 párr. 17, 18

¿Nenachi uá uékperakua jingoni uinhaperantaani máteruechani? Ma ambe jindesti jorhenguarhini kurhaani (Sant. 1:19). Engachi kurhangukuaska máteruechani ambe engaksï pʼikuarherani jauaka, xarhatakuauakachi eskachi xénchaasïnga. ¿Nénachi uinhaperantasïni imani enga kómu pʼikuarherani jauaka? Ju je jánguarhintani eratsini nénachi pʼikuarherapirini jucha engachi imeri lugari jimbo japiringa ka iatsitakuarhu kurhamarhini ambe ma parachi kurhangukuni na enga pʼikuarherani jaka. Juchari kánharhikua jatsisti para xarhatakuni eskachi meru interesi pásïnga imani jimbo ka eskachi xénchasïnga. Engajtsïni nema uékaaka iámindu ambe eiangukuarhini ambe enga nitamakuarhini jaka, ju je tekantskua xarhatakuni ka jurajkuni eska uandaaka. Sánderuchi uáka kurhangukuni na enga pʼikuarherani jaka engachi tekantskua jingoni kurhajchaska. Ístu, imajtsïni sánderu mintsikaati ka sánderu uékaati kurhaani ambe engachi jucha arhiaka. Engachi mintsita jingoni xarhataska eskachi interesi pásïnga máteruecha jimbo, niárasïngachi kánikua uinhaperpentani. w18.09 14 párr. 10; 15 párr. 13

Tiempu, ambe máesti engachi iáminduecha jatsijka para úrani parachi konseguirini jurhimbikuani. Tiempu uétarhisïndi para Reinueri ambe kurhaani, Bibliani arhintani ka publikasionichani, para jatsini estudiu personali, prepararikuarhini para tánguarhikuecha ka para nirani. Para indeni ambe úni, jatsiskachi para máteru ambe jurajkuni enga no xáni jukaparhakueka (Efes. 5:15, 16). ¿Na xáni tiempu uétarhisïni para jorhenguarhini ambe enga orheta uétarhijka mítini Bibliaeri ambe? Seguni na enga xáni uétarhinchaaka nema. Pero nochi méni uáka kʼamarani jorhenguarhini Jeobaeri mímixekueri ambe, na enga jásïka ka ambe enga xáni úkia (Rom. 11:33). Primeru i rebisteri inglesi jimbo, terokutantaspti jurhimbikuani komu “tsïtsïki sapichu ma” ka arhisïrendi: “Asï konformarikuarhi je májku tsïtsïki jurhimbikueri jingoni. Enga májku uétarhipiringa, Tata Diosïjtsïni no xáni uáni íntsaapirindi. Seguiri je konseguiriuani, seguiri je jirinhantaani”. Asta jiáni engachi irekani jauakia para méntkisï, uákachi seguirini jarhani sánderu jorhenguarhini Jeobaeri ambe. Ambe enga sánderu jukaparhakueka iásï, jindesti eskachi sési úraaka juchari tiempuni para jorhenguarhini iámindu imani ambe engachi xáni uáka jurhimbikueri ambe. w18.11 4 párr. 7

Biblia arhiasïndi eskaksï uámbecha jatsiska para kurhangukuani imeri témbechani (1 Ped. 3:7). Parachi úni sési kámani nemani, jatsiskachi para kurhangukuni. Uámba ma enga kurhangutspitika, mítisti eska imeri témba imeri jarhuajpiriska ka eskaksï uánikua ambe jimbo no májkueniska, peru mítisti eska inde ambe no arhikuekasïnga eska témba menosiska (Gén. 2:18). Ísï jimbo, uámba ma exesïndi na enga pʼikuarherani jarhajka imeri témba ka sési kámasïndi ka respetu jingoni. Uámba ma enga kurhangutspitika, ístu no uékasïndi no sési pʼikuastani imeri témbani, jimbosï no méni koketearijti máteru nanakecha jingoni ni interesi ma xarhatakuani enga no sési jaka. Ni redesi sosialicharhu ni Internetirhu (Job 31:1). No enganiarisïndi imeri témbani ka no solu jimboka jukaparharasïnga, sino jimboka xénchasïnga Jeobani ka kurhunhesïnga no sési jásï ambeni (Sal. 19:14; 97:10). w18.09 29 párr. 3, 4

Úkua jukasïndi úni ambe engachi jorhenguarhijka Tata Diosïri Karakatarhu. ¿Andi? Ma rasoni jindesti jimboka ini “últimu jurhiatikuechani” jimbo no fásiliska kaxumbitiini para úni kumplirini. Irekaxakachi kʼuiripuecha jingoni engaksï imechajkumindu uékakuarhijka ka tuminani uékani, engaksï kʼéramakuarhijka ka teparakuarhini ka engaksï no ma ambe jimbo pʼíngukuarhijka (2 Tim. 3:1-3). Máru Tata Diosïri marhuarichaksï úpirindi no jiókuarhini inde jásï jánguani enga xáni xarharajka ka sési exenhani, peru enbidiariuani imechani engaksï ísï xarharajka eska sési nikuasïnga indeni ambe úparini (Sal. 37:1; 73:3). Uátiksï kurhamarhikuarhini sini meru jukaparhakueski orheta pérani máteruecheri ambe ka sini kʼuiripu janhanharhiaua engaksï ísï jámaaka komu “ima enga sánderu sapichitu ambeka”. Jurajkuni eskachi úndaaka ísï jámani eska parhakpini anapuecha engaksï no uandanhiajka máteruecha jimbo, uáti eskachi no sési pájperaaka erachicha jingoni ka eskachi no xarharaaka eskachi kristianueska. Ísï jimbo, kánikuajtsïni marhuachiati estudiarini ka májkueni jámani eskaksï máru ambakiti ejempluecha Bibliarhu anapu. w18.09 3 párr. 1

Enga Jeoba uénapka kueraani ambe ma, jandiajku jarhaspti. Peru enbesi de imajku pendienti pákuarhini jarhani, regalu ma úkuasti tanto espirituechani komu kʼuiripuechani paraksï úni tsípikua jatsini. Ima Tata Diosï máesti enga tsípikua jingoni irekajka ka tsitisïndi ambakiti ambe íntspini (1 Tim. 1:11, TNM; Sant. 1:17). Ístu, uékasïndi eskachi juchajtu tsípikua jingoni irekaaka, jimbojtsïnisï jorhendajti parachi intsïmpitiini (Rom. 1:20). Tata Diosï kuerauasti kʼuiripuechani ísï eska ima na jásïka (Gén. 1:27). O sea, kueraastijtsïni parachi xarhatani na enga jásïika ima. Ísï jimbo, engachi uéjka felisiini ka agustu pʼikuarherani, jatsiskachi para seguirini imeri ejempluni engachi interesi páska máteruecha jimbo ka intsïmpitiinchi (Filip. 2:3, 4; Sant. 1:5). ¿Andi? Jimbokajtsïni Jeoba ísï kueraaska. Nájkirukachi no perfektueka, uákachi intsïmpitiini ísï eska ima. Jeoba uékasïndi eskachi ísïuaka eska ima, ka jimbosï sési pʼikuarherajti engachi sési kámpijka (Efes. 5:1). w18.08 18 párr. 1, 2; 19 párr. 4

Xarhatasïngachi eskachi kurhajchasïnga Jesusi no solu kurhandiparini imeri uandakuechani, sino úni ambe enga ima uandajka. Nochi uékasïnga “sánderu tsitini iásï anapu ambe” (Luk. 21:34). Sánderu sési, exesïngachi eska sánderu jukaparhakueska ambe enga Jesusi juramuka, asta engachi úkua jukanchajka. Peru juchari erachichaksï no jurajkusïndi Jeobani ambe uéjki úkuarhini. Máteru ambe engachi úaka úni para xarhatani eskachi kurhajchasïnga Jesusini, jindesti jarhuataani imechani enga ima erakuaka parajtsïni orhechipani (Ebr. 13:7, 17). Últimu uéxurhinicha jimbo, Tata Diosïri organisasioni uánikua ambe mójtakusti. Por ejemplu, jimbanhi ambejtsïni arhistachesti ka íntskuni para aianhpikuarhu. Ístu mójtakusti na enga úkuarhenga tánguarhikua enga semana jimbo jarhajka ka na engaksï úajkia Kʼumanchikuechani Reinueri, sési jájkuantani ka kuidariuani. ¿A no eskachi jukaparharasïnga eskajtsïni xáni uékperakua jingoni arhistachiaka ka jánhaskakua jingoni? Úakachi seguru jarhani eskajtsïni Jeoba újchakuraaka engachi jánguarhintani jaka ísï úni eska organisasioni na uandajka. w19.03 10, 11 párr. 11, 12

Informasioni enga no iámindu ambe ísïika, uátijtsïni enganiarini. Ju je exeni ambe enga úkuarhipka ióntki Israeli, Josueri jurhiatikuechani jimbo (Jos. 22:9-34). Israelitecha engaksï irekapka imani ladu jimbo enga jurhiata andarajka, kʼéri altari maksï úspti. Ima informasioni ísïspti, peru no iámindu ambe. Imani informasioni jingoni, imecha engaksï imani ladu jimbo japka enga jurhiata inchajtsïkujka, eratsisptiksï eskaksï imecheri ermanuecha jurajkuspkia Jeobani (Jos. 22:9-12). Peru xáni sési engaksï orheta axaapka máru kʼuiripuechani engaksï mintsinharhikuepka paraksï iámindu ambe inbestigarini. Eiangunhasptiksï eska imecheri ermanu jembechaksï no úspka altarini paraksï kéjtsïtakuechani uáni. Sánderu sési, jindespti monumentu ma paraksï iáminduecha míteni eskaksï Jeobani marhuakusïrenga. Seguru eskaksï israelitecha engaksï ima ladu jimbo japka enga jurhiata inchajtsïkujka, kánikuaksï tsípipka engaksï iámindu ambe sési inbestigaripka ka nóksï niárani uándikuani ermanu jembechani. w18.08 5 párr. 9, 10

Eska Pablu na uandapka, asta imecha engaksï Tata Diosïni marhuakujka, uátiksï no sési ambe úni. Imecha engaksï no sési ambe niátajka, jamberiksï eratsijti eskaksï útasï seguirixaka ambakiti pájperakua ma jatsini Jeoba jingoni. Peru enga kʼuiripu ma uéjka Tata Diosïri amigueni o uandani eska sési marhuakuxaka, no méntkisï arhikuekasïndi eska Jeoba meru jeiapanhintasïnga (1 Kor. 10:1-5). Israelitechaksï no aguantarispti enga Moisesi ióndani japka kʼuanhatsitani Sinai uératini. Sáno májkueni, kristianuechachi úpiringa kuatantani jimbokachi úpiringa eratsini eska ima jurhiatikua enga Jeoba jusgarpiaka ka jimbanhi parhakpini ióndaxakia janoni. Jamberichi uáka eratsini eska útasï kánikua kuerataxaka para inde ambe kumplirikuarhini o eska jukari ambakiti ambeska komu para niárani ísï úkuarhini. Engachi no jingontku jámaska, ísï eratsini, uáti eskachi orheta péraaka parhakpinirhu anapu ambe, enbesi de imani ambe enga Jeoba uéjka. Tiempu jingoni, úpiringachi jarharini Tata Diosïni ka imani ambe úni engachi no méni eranhaskapka eskachi úpiringa. w18.07 20, 21 párr. 17, 18

Uákachi uánikua kóntperatechani jatsiani engajtsïni Jeoba niáraaka míteni. Peru ¿ambechi uá úni parajtsïni Tata Diosï ísï exeni komueska amigu ma? Xénchani ka aiakuni juchari tsípikuani (1 Kor. 8:3). Joperuchi jatsiska para kuidarini juchari pájperakua Jeobani jingoni. Májkueni eskaksï ima kristianu Galasia anapuecha enga Pablu karakuapka, nochi jatsiska para “janhanharhini uénani anapu jorhenguani enga débiliika ka enga nómindu marhuajka”, i ambejtu arhikuekasïndi no uékani eskajtsïni i parhakpini kʼéri ambe exeaka (Gal. 4:9). Ima kristianuechaksï niáraspti mítikateni Tata Diosïni jimbo. Peru Pablu uandaspti eskaksï ima erachicha kʼuanhatsintaxapka imani ambe úni enga no marhuajka. O sea, arhiaxapti: “Iásï engajtsï xáni progresarikia, ¿andijtsïsï kʼuanhatsintani jaki imani ambe úni engajtsï jurajkukia ka enga no ma ambe marhuajka?”. w18.07 8 párr. 5, 6

Kánikuachi no sési nitamakuarhisïnga engachi no kurhajchajka Tata Diosïni, peru nochi jatsiska para inde ambe nitamakuarhini parachi mítini eska inde ambe no sési jarhaska. Uákachi jorhenguarhini indeni ambe arhiantaparini Bibliarhu máru ejempluechani kʼuiripuecheri engaksï no sési jásï ambe úpka ka eratsintani indeni ambe. Ini ambe Jeobajtsïni jorhendasïndi ka no jarhasti sánderu ambakiti jorhentperakua. Por ejemplu, ju je eratsintani na enga xáni sufriripka Dabidi enga no kurhajchapka Jeobani ka ísku jándikua ambe niátani Bat-seba jingoni (2 Sam. 12:7-14). Engachi arhintani jauaka ini karakatani, uákachi eratsiantani máru kurhamarhikuechani komu ari: “¿Ambe úpirini Dabidi para no no sési jásï ambe nitamakuarhini? Engani i jásï tsʼéjkukua ma jatsipiringa, ¿ambe úpirini ji? ¿Sïpakuarhipirini ísï eska Jose o ísku jándikua ambe niátapirini eska Dabidi?” (Gén. 39:11-15). Engachi eratsintaaka na enga xáni no sési jásï ambe úkuarhijka pekadu jimbo, sánderuchi kurhunhiaka no sési jásï ambeni (Amós 5:15). w18.06 17 párr. 5, 7

Enga kʼuiripu exejka eska no jurhimbitku úkuarhixaka ambe ma, úsïndi eskaksï sánderu inchamukuaka politikarhu. Jesusiri jurhiatikuecha jimbo, impuestu meiampini kʼéri problema máespti. Iámu ima kʼuiripu enga Romaeri gobiernu jimbo japka, asta Jesusiri chúxapaticha, jatsisptiksï para uánikua impuestuechani meiampiani, por ejemplu, echericheri ambe ka nani engaksï irekapka. Ka komu ima engaksï kontribusioni kobrarpenga nóksï jurhimbitku jámenga, kʼuiripu eratsisïrendi eska meiampini karga máespka. Ménisï, kontribusioni kobrarpitichaksï meiamuasïrendi gobiernueri ánchikuarhirichani paraksï puestu ma intsïnhani ka tátsekuaksï úrasïrendi imani juramukuani paraksï riku úkuarhini. Sakeu enga jefepka kontribusioni kobrarpiticheri jini Jeriko, riku úkuarhispti jimboka tumina euakuarhisïrenga kʼuiripuni (Luk. 19:2, 8). Ka jamberi no imajkuepti enga imani ambe niátenga. Jesusiri enemiguechaksï uékasïrendi eska ima problemarhu ma inchamukupiringa enga impuestueri ambepka. Paraksï tsʼéjkuni, kurhamarhisptiksï ‘kontribusioniri’ ambe, impuestu ma engaksï jatsipka para ma denariu meiampini iámindu ima engaksï Romaeri gobiernu jimbo japka (Mat. 22:16-18). I ambespti enga sánderu ikiatauenga judiuechani, jimboka xarhatasïrenga eskaksï Romaeri gobiernu jimbo jarhaspka. w18.06 5, 6 párr. 8-10

Noambakiti jingoni úkuarhini, méntkisï sánderu no sési ambe úkuarhisïndi ka eska sési ambe (Job 21:7-17; Gal. 6:8). ¿Nénajtsïni marhuachisïni mítini na enga xáni juramukua jatsika Satanasi? Ma ambe, úsïndi eskachi kurhanguaka eska Jeoba uékasïnga eskachi janhanharhiauaka juramutichani ka gobiernuechani (1 Ped. 2:17). Jeoba uékasïndi eskachi méntkisï kumpliriuaka gobiernueri leichani, mientrasi enga terokuntaaka Tata Diosïri juramukuecha jingoni (Rom. 13:1-4). Peru ístuchi mítiska eskachi no jatsiska para partiduni ma apoiarini o imani enga politikani orhejtsïkujka (Juanu 17:15, 16; 18:36). Ka máteru ambe, mítini na enga xáni juramukua jatsika Satanasi, úsïndi eskachi niuaka eianhpini. Jimbokachi exesïnga ambe enga uéjka úni Tata Diosïri nombri jingoni ka na enga jásïka Jeoba, úsïndi eskachi sánderu uékaaka aianguani máteruechani jurhimbikua ambe Jeobaeri. Úrasïngachi imeri nombrini ka sésichi pʼikuarherasïnga ísï úni. Mítiskachi eska xénchani Tata Diosïni, sánderuchi kóntperatechani jatsiasïnga ka eska tuminani uékani ka jatsikuarhikua ambe (Is. 43:10; 1 Tim. 6:6-10). w18.05 24 párr. 8, 9

¿Jindepirini rasoni ma paraksï temungurhiricha jurajperani jiáni engaksï problemechani jatsiapiringa? Biblia no arhisïndi uanikua ambe engaksï jimbo uáka jurajperani. Pablu karaspti: “Enga ma uarhiiti jakajkutiri uámba no jakajkutiika, peru enga uékajka irekani imani jingoni, asï jáme jarharintani” (1 Kor. 7:12, 13). I prinsipiu seguirixati marhuani asta iásï jamberi. Ju je miáni eska ménisï niáraska úkuarhini enga ‘uámba no jakajkuti’ xarhataka eska nóteru uékasïngia témba jingoni irekani. Jamberi xáni no sési kámendi témbani enga jamberi ima úpiringa eratsini eska uámba niárapiringa uándikuni. Jamberi no uékendi mantenerini témbani ni familiarhu anapuechani o nóteru jurajkunia témbani para Jeobani marhuakuni. Enga i jásï ambe úkuarhijka, máru kristianechaksï niárasïndi eratsini eska achati xarhataxaka eska nóteru uékasïngia paraksï májku kʼéri irekani ka eska sánderu sésiska jurajperani. Peru máru pirenchicha engaksï májkueni jásï ambe nitamakuarhijka nóksï ísï eratsisïndi. Tekantaxatiksï ka jánguarhintani paraksï úni sánderu sési irekani. w18.12 13, 14 párr. 14, 16, 17

Ilustrasionirhu jatsintstiri enga Lukasʌ 8:5-8, 11-15 jaka, Jesusi uandaspti eska semiia jindeska “Diosïri uandakua”, o sea Reinueri ambe. Echeri jindesti kʼuiripuecheri mintsita. Semiia enga ambakiti echerirhu andatserapka, andaraspti ka “jukaspti frutu asta mándani sientuchani”. Uákachi uandani eskaksï semiiani ambakiti echerirhu jatsikuspka. Semiia seguirispti kʼéni astaka listu japkia para jukani frutu. ¿Náki? Ísï eska planta ma na jimbanhi semiiechani jukaajka, no jimbanhi plantechani, juchajtuchi no jimbanhi disipuluechanisï uájka, sino jimbanhi semiiechani Reinueri. ¿Nénachi úsïni ini ambe? Engachi Reinueri ambe eianhpijka. Méntkisï engachi eianguajka máteruechani Tata Diosïri Reinueri ambe, ísïsti komuchi imani jásï mísmu semiia etsakuni jarhani enga juchari mintsitarhu tsikiranhaka (Luk. 6:45; 8:1). Ísï jimbo, i ilustrasionijtsïni jorhendasïndi eskachi uáka tekantskua jingoni jukani frutu engachi seguiriska eianhpini. w18.05 14 párr. 10, 11

Pablu no solu uékasïrendi uinhaperantaani imeri ermanuechani, sino sánderu ambe úni. Arhiaspti: “Kánikua tsípikua jingoni úraaka juchiti ambe ka íntspini asta juchiti tsípikuani jamberi chári almechani jimbo” (2 Kor. 12:15). Májkueni eska Pablu, orhejtsïkutichaksï no solu jatsisti para uandakuecha jingoni uinhaperantaani erachichani ka sési pʼikuastantaani, sino ístu úkuecha jingoni. Ísï úparini, xarhatanksï jarhasïndi eskaksï meru uandanhiasïnga imecha jimbo (1 Kor. 14:3, TDU). Para uinhaperantaani erachichani, orhejtsïkutichaksï ménisï jatsisïndi para konseju íntsaani. Peru engaksï uéjka eska konseju uinhaperantauaka erachichani, jatsistiksï para miáni ambe enga jorhentpejka Biblia. Jesusi ambakiti ejemplu ma íntspespti enga tsíntapkia, jiáni enga jatsipka para xukaani máru kúnguarhikua Asia Menor anapuechani. Efesu, Pérgamu ka Tiatira anapu kúnguarhikuani, uékperakua jingoni felisitariuaspti ante de konseju íntsaani (Jaŋ. 2:1-5, 12, 13, 18, 19). Orhejtsïkutichaksï jánguarhintasïndi májkueni úni eska Kristu engaksï konseju íntspini jámaaka. w18.04 22 párr. 8, 9

Táticha, seguru eskajtsï kánikua jánguarhintajka paraksï chári sapiicha no pʼamenchakua ambe kérekuarhini. Por ejemplu, limpiujtsï jatsisïnga chári kʼumanchikuani ka kénditasïngajtsï iámindu imani ambe enga úpiringa úni eskaksï chári sapiicha pʼamenchaaka. Májkueni, jatsiskajtsï para kuájchakuani pelikulecheri, telebisioniri anapu programecheri, bideojueguecheri ka Internetiri anapu pájinecheri engaksï úpiringa Satanasiri eratsikuechani jorhendaani. Jeobaksïni íntskusti responsabilidadi parajtsï jorhendaani chári sapiichani Jeobaeri ambe (Prov. 1:8). Ísï jimbo, asï ché je jatsikukuani reglechani engaksï Bibliaeri prinsipiuecharhu jupindaskata jauaka. Arhia je chári sapiichani ambe engaksï úaka exeni ka ambe nómbe, ka jarhuataa je paraksï kurhanguni andijtsïsï ísï arhiajki (Mat. 5:37). Eskaksï na kʼérani jauaka, jorhendaa je paraksï imecha mismu úni exeni ambe enga sési jaka ka ambe nómbe, seguni Tata Diosïri juramukuecha (Ebr. 5:14). Ka asï mirikurhi je eskaksï chári sapiicha kánikua jorhenguarhiaka imani ambe jingoni engajtsï cha uandaaka, peru sánderu imani ambe jingoni engajtsï cha úaka (Deut. 6:6, 7; Rom. 2:21). w19.01 16 párr. 8

Tumbichaksï uáti jánguarhintani pendienti jarhani erachicha jimbo engaksï jatirikia. Uátiksï arhiani eskaksï aianguauaka experiensiauechani. Ini ambe jingoni, tumbiicha ka erachicha engaksï jatirikia, sésiksï pʼikuarheraati ka jánguarhintaatiksï meremerejkuni jurhimbikueri tʼíntskua. Ístu, iáminduechachi uáka jánguarhintani sési erokaani imechani engaksï Kʼumanchikua Reinuerirhu jurhajka. Ima engaksï orhejtsïkuajka tánguarhikuechani para uérani eianhpini, uátiksï jarhuajpini paraksï erachicha engaksï jatirikia, seguiriuaka meremerejkuni imecheri tʼíntskua. Jatsistiksï para asegurarikuarhini eskaksï territoriu ma jatsiaka nani engaksï imecha uáka jámani. Ménisïksï uáti kurhakuni nemani enga sánderu sapichku jaka eska imecha jingoni uéraaka ka eska jarhuatauaka. Ístu, jatsistiksï para kurhangukuani imechani engaksï no káni újka eianhpini, jimbokaksï pʼamenchasïnga o máteru problema ma jimbo. Engaksï pʼamojpitiuaka, jarhuajpeatiksï para iáminduecha tsípikua jingoni eianhpini, ia seaksï, tumbiini oksï jatirinia, jimbanhini oksï ióni marhuakunia Jeobani (Lev. 19:32). w18.06 23, 24 párr. 10-12

Jatsiskachi para méntkisï jukaparharani enga Jeoba úka eskachi nóteru jántspiriuakia pekadueri ka uarhikueri, jimbokachi tata Jesukristueri uarhikua jimbo, úsïnga pímbinhasï konsiensia ma jingoni marhuakuni Jeobani (Sal. 40:8). Aparte dechi agradeserini, jatsiskachi para sési úrani juchari libertadini. Apostuli Pedru uandaspti eskachi no úrapiringa juchari libertadini para no sési jásï ambe úni. I adbertensiajtsïni imani ambe miátantasïndi engaksï israelitecha úkuarhinchapka desierturhu. Ka juchajtuchi iásï uétarhinchasïnga ini adbertensiani ka asta sánderu eskaksï ima. Satanasi ka imeri parhakpini, sánhani arhixatiksï mámaru jásï takusï ambe aiatspini, akua ambe, tsípikuarhita ka máteru jásï ambe. Ima enga jorhenaka ini ambe atarantani, sési járhati kʼuiripuechani úraasïndi parachi jucha eratsini eskachi jatsiska para piáni ambe ma nájkirukachi no uétarhinchani jauaka. Kánikua fásilisti ísï eratsini ka no sési úrani juchari libertadini. w18.04 9, 10 párr. 7, 8