Abrili

Aristarku ambakiti amigu máespti apostuli Pablueri. Ima Tesalonika anapuespti, ireta ma enga Masedonia japka. Primeru xanhari enga Biblia uandajka Aristarkueri ambe, jiánispti enga Pablu jingoni japka jini Éfesu enga apostuli imeri terseru biaji úni jámaenga para aianhpini. Jiniksï máru kʼuiripuecha jupikaspti Aristarkuni (Uku. 19:29). Engaksï jurajkupkia, no eratsespti sïpakuarhini, sánderu sési, no jurajkuspti Pabluni ka jima pakaraspti imani jingoni. Máru kutsï tátsekua jini Gresia, Aristarku útasï Pablu jingoni jámaxapti engaksï máru kʼuiripuecha uékenga uándikuni Pabluni (Uku. 20:2-4). Uéxurhini 58 jimbo ísï, engaksï Pabluni jupikakata pápka paraksï Roma ónhani, Aristarku imani jingoni niraspti nájkiruka xáni iauanipka ka márkuksï no sési nitamakuarhispti marirhu engaksï barkurhu nirani jápka (Uku. 27:1, 2, 41). Ka peeka Pablu jingoni pakarapka ma tiempu jini Roma, nani enga ima ónhakata japka (Kol. 4:10). Jamberi jimbosï Pablu xáni sési pʼikuarherendi imeri amigu jingoni enga no méni jurajkupka. Uákachi ambakiti amigu máeni ísï eska Aristarku engachi juchari erachicha jingoni jauaka jiáni engaksï sési nitamakuarhini jauaka ka ístu jiáni engaksï uandanhiata ambe jatsiaka. w20.01 9 párr. 4, 5

Ima kristianu enga erakunhajka, jamberi ísï pʼikuarherajti eska no jukanchaska xáni kʼéri kóntperata ma intsïnhani, peru meru seguru jarhasti eska Jeoba erakuska. Enga eratsejka ambe enga erokuarhini jaka, kánikua tsípisïndi ka jukaparharani indeni kóntperatani (1 Ped. 1:3, 4).¿Arhikuekasïni i ambe eskaksï erakukatecha uékasïnga uarhini? Apostuli Pablu mókuntasïndi ini kurhamarhikuani, ima uandaspti: “Ísï jimbochisï uandanhiaparini uerajka jucha engachi irekani jaka ini kuerpuni jimbo, no jimbokachi uékapiringa nómbe kuerpu jatsini, sino jimbokachi uékasïnga jatsini jimbanhi kuerpuni paraka tsípikua jimbo andanhaaka inde ambe enga uarhijka” (2 Kor. 5:4). Jimajkani, no arhikuekasïndi eskaksï erakukatecha kuatantaskia ixú irekani ka eskaksï uékasïnguia sóntku uarhini. Sánderu sési, kánikuaksï tsípikua jingoni irekaxati ka uékasïndiksï pauani pauani sési marhuakuni Jeobani imecheri familiaricha ka amiguecha jingoni. Peru no arhiparini ambe engaksï úni jaka, méntkisïksï miáni jarhasïndi ambakiti erokuarhikuani engaksï jatsika (1 Kor. 15:53; 2 Ped. 1:4; 1 Juanu 3:2, 3). w20.01 23 párr. 12, 13

Parajtsïni arhistachini, juchari Táti uékpitijtsïni jurhimberantasïndi jiáni enga uétarhijka. Para ísï úni, mámaru ambe úrasïndi. Por ejemplu, ambe engachi Bibliarhu arhintaaka o ambe engachi tánguarhikuarhu kurhauaka, jarhuataatijtsïni exeni eskachi jatsiska para mójtakuni na engachi jámajka o eratseni. Ístu, Jeoba uáti orhejtsïkutichani úraani parajtsïni jarhuatani. Ambe uéjki úrani parajtsïni jurhimberantani, Jeoba méntkisï ísï úsïndi jimbokajtsïni xénchasïnga (Jer. 30:11). Jeobajtsïni jarhuatasïndi tekaantani engachi tsʼéjkukuechani jatsiajka. Juchari Táti auandarhu anapu pendienti jarhasïndi jiáni engachi no sési nitamakuarhini jarhajka ísï eska na újka táti ma enga xénchaajka imeri uájpechani. Imeri espiritu santu jingontsïni jarhuatasïndi parachi no méni jurajkuni imani (Luk. 11:13). Ístu, Jeobajtsïni jarhuatasïndi engachi no sési pʼikuarherani jarhajka. Por ejemplu, ambakiti erokuarhikuajtsïni ma íntskusïndi para sánderu orhepani ka i ambejtsïni jarhuatasïndi tekaantani uandanhiata ambe jimbo. Ju je eratseni ini ambe: ambe uéjkichi no sési nitamakuarhini, juchari Táti uékpiti sési péntaati iámindu ambe. Tsʼéjkukuechaksï niáraati kʼamakurhini, peru kóntperatecha engajtsïni Jeoba íntsauaka jindeuatiksï para méntkisï (2 Kor. 4:16-18). w20.02 5 párr. 14, 15

Engachi jánguarhintaska, uákachi nóteru enbidia pʼikuarherania . Ju je exeni Joséri ermanuecheri ejemplu. Uánikua uéxurhini tátsekua engaksï xáni no sési kámapka, ménderuksï exejperantaspti jini Ejiptu. Peru José no jirejiresï aianguaspti néspi ima, orheta úspti ambe ma para exeni sinksï mójtakurhispkia. Tʼirekua ma úspti para ermanu jémbecha, peru juramuspti eskaksï sánderu kánikua tʼirekua íntskupiringa Benjaminini enga jindepka imeri ermanu sánderu sapichu (Gén. 43:33, 34). Peru no nani arhisïndi eskaksï ermanu jémbecha enbidia pʼikuarherapiringa. Sánderu sési, kánikuaksï pendienti jarhaspti Benjaminini jimbo ka imecheri táti Jakobu jimbo (Gén. 44:30-34). Joséri ermanuechaksï nóteru enbidiarpisïrendia ka indeni ambe jimbo, úsptiksï eska iámindu familia ménderu sési pájperapiringa (Gén. 45:4, 15). Májkueni, engachi no jurajkuska eskachi uénaaka pʼikuarherani enbidia, jarhuajpiakachi para iámindu juchari familia sési pájperani ka ístu kúnguarhikuarhu anapuecha. Jeoba uékasïndi eskachi kánikua jánguarhintaaka parachi no enbidiarpini ka eskachi jarhuajpiaka parachi iáminduecha sési pájperani. Engachi kaxumbitiska ka engachi jukaparharajka ka sésichi pʼikuarherani imani ambe jingoni engachi jatsika, nóchi pʼikuarheraaka enbidia. w20.02 19 párr. 17, 18

Ma ambe engajtsï uáka úni para xarhatakuni Jeobani eskajtsï jukaparharasïnga imeri uékperakua, jindesti kómarhini. Niáraakajtsï sánderu xénchani Jeobani engajtsï aiangukuarhiska chári uandanhiatechani ka grasiasi íntskuntani iámindu ambe jimbo enga újka chánksïni jimbo. Ka engajtsï exeaka eska ima mókuantaasïnga chári kómarhikuechani, uákajtsï ambakiti pájperakua ma jatsini imani jingoni. Niáraakajtsï kurhanguni eskaksïni Tata Diosï kurhanguchesïnga. Peru parajtsï útasï sánderu andarhierani Jeobani, uétarhisïndi eskajtsï kurhanguaka na enga ima eratsejka ka ambe enga uéjka eskajtsï uáka. Ka uákajtsï ini ambe úni engajtsï jorhenguarhiaka imeri Karakatani enga jindeka Biblia. Ísï jimbo, jorhenguarhi je jukaparharani. Bibliajkusï jorhentpejti ambe enga jurhimbitkueka Jeobaeri ambe ka ambe enga ima eratseni jaka úni para cha. ¿Nénajtsï uá xarhatani eskajtsï jukaparharasïnga Bibliani? Arhintaparini pauani pauani, prepararikuarini para jiáni engajtsï Bibliaeri ambe jorhendanhajka ka ísï úni eskajtsï na jorhenguarhini jaka (Sal. 119:97, 99; Juanu 17:17). ¿Arhintasïntsï Bibliani pauani pauani? w20.03 5 párr. 8, 9

Engajtsï no újka iauani xanharani, jiájkantsï úpiringa jimesïsï uaxakani enga uáni kʼuiripu jámajka ka Biblaeri ambe uandontskuarheni imecha jingoni. Ístujtsï úpiringa telefonu jimbo predikarini, karta jimbo o nani uéjki engajtsï jámani jauaka. Uánikua aianhpiricha engaksï no újka predikarini kʼumanchikuecha jimbo, jimbokaksï kʼéri pʼamenchakua ma kámasïnga o máteru problema jimbo, sésiksï pʼikuarherasïndi ka agustu engaksï újka máteru ambe úni para predikarini. Ísï jimbo, uákajtsï jánguarhintani sési úni chári ánchikuarhitani aianhpikuarhu, nájkirukajtsï pʼamenchakua ambe kámaaka. Pablu uandaspti: “Parani úni iámindu ambe, uinhapikua jatsiska imani jimbo engarini uinhaperantajka” (Filip. 4:13, TNM). Pablu uétarhinchaspti indeni uinhapikuani enga pʼamenchapka imeri biajiru ma. Arhiaspti Galasia anapuechani: “Jimbokajtsï cha míteska na engani xáni malu japka jimajkani engaksïni uénaka aianguni ambakiti eianhperakuani” (Gal. 4:13). Májkueni, engajtsï pʼamenchani jauaka jamberijtsï uáka aianguani Reinueri ambe doktorichani, enfermeruechani ka máteruechani engaksïni atenderijka. Uánikua i kʼuiripuechaksï ánchikuarhini jarhasïndi engachi nirajka imechio predikarikuani. w19.04 4, 5 párr. 10, 11

Uéxurhini 2018 jimbo, jukari 223,000 aianhpirichaksï irekaxapti imani lugaricha jimbo engachi no jatsipka sésikua para úni juchari ánchikuarhitani. I ambejtsïni no ísku pakatasïndi. Míteskachi eskachi ambakiti kristianuecha no sési kánhaaka. No arhiparini nani engachi irekani jaka, juramutichajtsïni uáti ma repentku arhini eskachi nóteru kómarhiakia Jeobani. Engachi nóteru jurajkunhakia úni juchari ánchikuarhitani, úpiringachi eratseni eskajtsïni Jeoba nóteru jaiapanhentasïngia. Peru inde ambe no ísïsti. Ju je exeni apostuli Pablueri ambe. Ísïsti, Jeoba kánikua jaiapanhentasïrendi. Intsïnhaspti kʼéri kóntperata para karaani 14 kartechani engaksï Karakata Griegaecharhu jaka ka apostulispti para no Israeli anapuecha. Nájkiruka indeni kóntperatechani intsïnhaapka, kánikua no sési kánhaspti (2 Kor. 11:23-27). Ambe enga Pablu nitamakuarhipka, jorhendasïndijtsïni eska Jeoba jurajkusïnga eskaksï imeri ambakiti marhuaricha no sési kánhaaka. w19.07 8 párr. 1, 3

Ma ambe enga sánderu jukaparhakueka enga Jeoba újka parajtsïni xarhatacheni eskajtsïni xénchasïnga ka eska pendienti pásïnga juchantsïni jimbo, jindeesti eskajtsïni jarhuatasïnga no jiókuarhini juchari enemiguecheri ambe. Engajtsïni sánderu ikiachijka, jindeestiksï Noambakiti ka demoniuecha. Jeobajtsïni aiangusïndi na engaksï xáni no sési útspijka ka íntskusïndijtsïni ambe engachi uétarhinchajka parajtsïni no támisï jánhastani (Efes. 6:10-13). Engachi jurajkuska eskajtsïni jarhuataaka ka iámu mintsita jingonchi mintsikani, uákachi uinhamu anhaxurhikuni Noambakitini. Uákachi májkueni seguru pʼikuarherani eska apostuli Pablu enga karapka: “Enga Diosï juchantsïni jingonika, jimajkani ¿néjtsïni uá no sési úchini?” (Rom. 8:31). Kristianu jurhimbitichachi no méntku uékani jarhasïnga Noambakitiri ambe míteni ni demoniuecheri ambe. Sánderu sési, sánderuchi uékasïnga Jeobaeri ambe jorhenguarhini ka marhuakuni (Sal. 25:5). Peru jatsiskachi para míteni ambe enga újka Noambakiti parachi no jurajkuni eskajtsïni támisï jánhastaaka (2 Kor. 2:11). w19.04 20 párr. 1, 2

Engachi kurhajchajka imani enga no sési pʼikuarherani jaka, ¿jingontkuchi kurhajchasïni? I ambe no solu arhikuekasïndi no ma ambe uandani ka no ma ambe úni. Uákachi xarhatakuni eskachi pʼamojkusïnga engachi jingontku kurhajchani jauaka. Ménisï, engachi ambakiti ambe arhiska, uáti eska míteaka ambe engachi pʼikuarherajka. Uákachi arhini: “Xáni no sési ambe engari nitamakuarhika”. Ka parachi úni míteni eskachi meru kurhangukuxaka ambe engajtsïni aianguni jaka, jamberichi úpiringa arhini: “Engarini ini ambe aianguka, ísï kurhanguska..., ¿ísïski?”. Ini ambe kurhamarhini, xarhatakuakachi eskachi jingontku ka xénchperakua jingoni kurhajchaxaka ka eskachi jánguarhintaxaka kurhangukuni (1 Kor. 13:4, 7). Peru jatsiskachi para ióndani mókukuarhini o no sóntku uandani ambe ma. Nóchi jatsiska para jiáni íntskuni konseju ma o jurhimberantani enga ima uandani jauaka. Ka ju je tekaantskua xarhatani. Ju je no jirejiresï arhiani ambe engaksï jatsika para úni, sánderu sési, ju je xarhatakuani eskachi pʼamojkuasïnga ka xénchaani (1 Ped. 3:8). w19.05 17, 18 párr. 15-17

Familiarhu, acheetichaksï jatsisti para xénchaani témbechani ísï “eska Kristu na uéajka imeri jakajkutichani” (Efes. 5:28, 29). Ísïksï úsïndi engaksï sánderu pendienti pájka ambe engaksï témbecha uétarhinchajka ka tsitini, antede imecheri ambe. Máru acheetichaksï úkua jukanchasïndi xarhatani inde jásï uékperakua, jamberi jimbokaksï familiarhu ma tʼarhexeska engaksï no xarhatakuauenga uékperakua ka nóksï jurhimbikua jingoni kaani máteruechani. Ka nájkirukaksï úkua jukanchaaka jurajkuani imecheri pʼindekuechani, jatsistiksï para mójtakurhini paraksï úni kumplirini Kristueri mandamientuni. Acheeticha engaksï sánderu uéajka témbechani, úsïndiksï eskaksï témbecha janhanharhiauaka. Ka táticha engaksï meru xénchaajka uájpechani, nóksï méni no sési úkuasïndi uandakuecha o úkuecha jingoni (Efes. 4:31). Sánderu sési, xarhatakuasïndiksï eskaksï xénchaasïnga ka jaiapanheantani enga újka paraksï sapiicha seguru pʼikuarherani. Ísï, sapiichaksï xénchaasïndi ka mintsinharhiani táti jémbechani. w19.05 6 párr. 21

¿Ambe kurhangupi Maria enga ánjeli Gabrieli indeni ambe arhipka? ¿Eratsepi eska nóteru Erodesi juramutipiringuia sino Jesusi o eska ísï tátsekua niárapiringa juramutiini Israeli? Enga ísïpiringa, ¿eranhaskapi eska ima jindeepiringa reiri amamba ka eska imeri familia kʼéri kʼumanchikuarhu irekapiringa? Biblia no nani arhisïndi eska Maria uékapiringa ambakiti lugari ma jimbo niárani Reinurhu. Maria kʼuiripu máespti enga kánikua kaxumbipka. Ju je miáni eska ambe engachi jimbo estudiarijka Tata Diosïri Karakatani ka juchari publikasionichani, jindeeska parachi sánderu andarhierani Jeobani. Peru ístuchi uékasïnga kuenta íntskukuarheni na engachi jásï kʼuiripu máeka ka ambechi jatsiski para mójtakuni parachi sési pʼikuastani Tata Diosïni (Sant. 1:22-25; 4:8). Ísï jimbo, méni engachi estudiariuaka Bibliani, jukaparhakuesti eskachi kurhakuaka Jeobani imeri espiritu. Ístu, uétarhisïndi eskachi kómarhiaka parajtsïni jarhuatani ambakiti ambe jorhenguarhini ka parachi ísï exekuarhini eskajtsïni ima na exejka. w19.05 31 párr. 18, 19

Menisïjtsïni uánikua problemecha ambe uandanhiatasïndi májku tiempu jimbo. Ju je exeani arini ejempluechani. Erachi ma enga Juanu arhinhajka pʼamenchakua ma kámasïndi éjpurhu (esclerosis múltiple), kánikua no sési pʼikuarheraspti enga témba jurajkupka, jiáni engaksï tʼuini diesinuebe uéxurhini páni japkia temungurhirini. Tátsekua, imeri tsimani uájpechaksï nóteru uékasptia marhuakuni Jeobani. Bob ka Linda enga temungurhiri máeka, no sésiksï nitamakuarhisti máteru járhati problemecha jimbo. Tsimarhanksï nóteru jatsisptia ánchikuarhita ka sánderu tátsekuaksï tsïtaspti imecheri kʼumanchikuani. Ístu, Lindanksï pʼamenchakua ma exekuntaspti mintsitarhu enga úpiringa uándikuni ka ístu artritis kámasïrendi. Uákachi seguru jarhani eska Jeoba, juchari Kuerajpiri ka Táti uékpiti, kurhanguchisïngajtsïni na engajtsïni xáni no sési úchijka kómu nitamakua. Ka uékasïndijtsïni jarhuatani parachi orhepani uérani problemecha jimbo (Filip. 4:6, 7). Imeri Karakatarhu, uánikua relatuechanchi exeantasïnga engaksï uandajka na engaksï imeri marhuaricha orhepani uérakuapka problemechani ka uandantanksï na enga Jeoba jarhuataapka. w19.06 14 párr. 2, 3

Imecha engaksï nóteru jatsikia témbani o uámbani, sánderuksï uétarhinchaasïndi ambakiti amiguechani. ¿Nénachi uá xarhatakuani eskachi imecheri amigueska? Sapichitu ambe úparini imecha jimbo, xarhatakuauakachi eskachi xénchaasïnga. Jamberichi uáka pʼímarhiani para tʼireni, ma ratu imani jingoni jarhani o májku kʼéri uérani aianhpini. Ístuchi úpiringa ménisï pʼímarhiani familieri jorhenguarhikuarhu. Engachi ísï úska, sésichi pʼikuastaaka Jeobani, jimboka ima no iauani jarhaska imecha jingoni engaksï no sési pʼikuarherajka ka kuájchakuasïndi tsïndichani (Sal. 34:18; 68:5). No ióni jimbo, enga Tata Diosïri Reinu juramuni jauakia ixú Echerirhu, mirikurhiauakachi iámindu ióntki anapu uandanhiatechani. Kánikuachi uékaxakaia eska niáraaka ima tiempu enga “nóteru miánhantaa[kia] no sési jásï ambe enga ióntki japka ka i ambe nóteru no sési pʼikuastaatia mintsitani” (Is. 65:16, 17). Astaka niáraaka ísï úkuarhini, ju je jarhuajperani iáminduecha ka uandakuecha ka úkuecha jingoni xarhatani eskachi uékaasïnga iámindu erachichani ka pirenchichani (1 Ped. 3:8). w19.06 25 párr. 18, 19

Iónistia enga rebista Aianhpiri uandapka: “Ima enga sánderu sési míteaka Jeobani, ima jindeuati enga sánderu mintsikaaka Tata Diosïni jiáni enga tsʼéjkukua ambe jatsiaka”. Ka i ambe ísïsti. Parachi úni tekaantani engachi no sési kánhaaka, jatsiskachi para xénchani Jeobani ka iámu mintsita jingoni mintsikani (Mat. 22:36-38; Sant. 5:11). Ju je pauani pauani arhintani Bibliani parachi sánderu andarhierani Jeobani (Sant. 4:8). Engachi arhintani jauaka, ju je exeni na enga jásï Tata Diosï máeka. Ju je kuenta íntskukuarheni na enga xáni uékpijka imani ambe jimbo enga uandajka ka úni (Éx. 34:6). Máruksï úkua jukanchajti eratseni eska Jeoba uékaasïnga jimboka no nema xarhatakuasïnga uékperakua. Engachi jucha ísï eratsejka, ¿andichisï no karajki pauani pauani na engajtsïni Jeoba xarhatacheka pʼamojperakua ka ambakiti ambejtsïni íntskuni? (Sal. 78:38, 39; Rom. 8:32). Jamberichi niáraaka uánikua ambe karani engachi eratsentaska ambe engachi xáni nitamakuarhikia ka ambe engachi arhintaka Bibliarhu. Engachi sánderu jukaparharaska ambe enga Jeoba újka, sánderuchi jatsiaka ambakiti pájperakua ma imani jingoni (Sal. 116:1, 2). w19.07 2, 3 párr. 4, 5

Jeobajtsïni no íntskusti sésikua parachi jucha arhiani máteruechani ambe engaksï jatsika para úni. Ima enga ísku jatini juramujka ambe ma, no kuájchakuani jarhasïndi erachichani, sino mínguarhini jarhasïndi erachicheri jakajkukuani. Noambakiti méntkisï no sési káuati Jeobaeri ambakiti marhuarichani (1 Ped. 5:8; Jaŋ. 2:10). Ima ka ístu iáminduecha engaksï imeri jájki jimbo jaka, jánguarhintaatiksï parajtsïni no jurajkuni úni juchari ánchikuarhitani. Peruchi seguiriuaka marhuakuni Jeobani nájkirukajtsïni uékaaka chérani (Deut. 7:21). Jeoba juchantsïni jingoni jarhasti ka seguiriuatijtsïni jarhuatani nájkirukachi nóteru jatsiakia sésikua para úni juchari ánchikuarhitani (2 Crón. 32:7, 8). Ju je májkueni úni eskaksï juchari erachicha primeru siglurhu anapuecha, engaksï arhiapka juramutichani: “Tantiarichka je sési, si enga sánderu sésiika Diosïni japarini chánksïni janhanharhini ka eska para Diosï janhanharhini, jimboka jucha nómindu uáka no uandantani [ambe] engachi exeka ka kurhandini” (Uku. 4:19, 20). w19.07 13 párr. 18-20

Engachi aianhpini jámaaka, jatsiskachi para jánguarhintani kurhanguni andisï kʼuiripu ísï eratsejki. Apostuli Pablu judiuespti, ísï jimbo, jatsipti para exeni néna predikarikuani no judiuechani engaksï no ma ambe o kasi no ma ambe mítepka Jeobaeri ni Karakatecheri ambe. Engachi uéjka kurhangukuani na engaksï eratsejka ka pʼikuarherani juchari territoriurhu anapu kʼuiripuechani, jamberichi jatsiaka para informasioni jirinhantani juchari publikasionicharhu (1 Kor. 9:20-23). Ambe engachi uéjka úni, jindesti exeantani imani kʼuiripuechani engaksï jukanchaka kurhaani ambe engachi aianhpijka (Mat. 10:11). Para ísï úni, jatsiskachi para jarhuatani kʼuiripuni uandani ambe enga eratsejka ka jingontku kurhajchani. Inglaterra anapu erachi ma kurhamarhiasïndi kʼuiripuechani ambe uétarhijki úni para temungurhiri ma sési irekani, sési tʼarhexeraani sapiichani o néna orhepani uérani engachi no jurhimbikua jingoni kánhajka. Enga kʼuiripu na mókuntajkia, ima kurhamarhisïndi: “¿Nájtsï exesïni arini konsejuni enga jukari dos mili uéxurhinikia enga karanhaka?”. Jiájkani, no uandaparini eska Bibliarhu ísï arhisïnga, imeri telefonurhu uératini exeraasïndi máru karakatechani. w19.07 21, 22 párr. 7, 8

¿Na xánchi jatsiski para xénchani Tata Diosïni? Jesusi mókuntaspti ini kurhamarhikuani enga arhipka fariseuni ma: “Uékaakari chíti Tata Diosïni méntku iámindu chíti mintsita jingoni, ka iámindu alma jingoni, ka iámindu chíti eratsekua jingoni” (Mat. 22:36, 37). Uékasïngachi iámindu juchari mintsita jingoni xénchani Jeobani. Eskachi pauani pauani sánderu xénchaaka. Ka para ísï úni, jatsiskachi para míteni. Biblia arhisïndi: “Ima enga no uékpijka, no mítesti Diosïni jimboka Diosï jindeeska uékperakua” (1 Juanu 4:8). Apostuli Pablu uandaspti eskachi sánderu xénchasïnga Jeobani engachi mítejka ambe “enga ísïka” Jeobaeri ambe ka sésichi kurhanguni na enga exejka ima ambe ma (Filip. 1:9). Engachi uénapka Bibliani estudiarini, jorhenguarhispkachi máru ambe Tata Diosïri ka inde ambe úspti eskachi xénchapiringa imani. Peru sánhani arhispkachi sánderu ka sánderu xénchani engachi sánderu jorhenguarhipka imeri ambe ka na enga jásï Tata Diosï máeka. Ísïsti, kánikua jukaparhakuesti para jucha seguirini jorhenguarhini Tata Diosïri Karakateri ambe ka eratsintani ambe engachi arhintajka (Filip. 2:16). w19.08 9 párr. 4, 5

Engajtsï chá jimbanhi ánchikuarhita ma intsïnhaka máteru nánisï, uétarhisïndi eskajtsï jimbanhi amiguechani jatsiauaka ka miá je eska parajtsï úni amiguechani jatsiani jatsiskajtsï para ambakiti amigu máeni. Aiangua je sési jásï ambe engajtsï nitamakuarhika paraksï máteruecha exeni na engachi xáni tsípikua jingoni irekajka engachi marhuakujka Jeobani. Engachi iásï máteru ánchikuarhita intsïnhakia Jeobaeri kúnguarhikuarhu jimboka juchari uarhiiti o acheeti pʼamenchaska, ju je no imani kulparini. Ka engachi jucha jindeeka engachi pʼamenchaka, ju je no no sési pʼikuarherani ni eratseni eskachi no úska apoiarini juchari acheetini o uarhiitini. Ju je miáni eskachi májku kuerpueska ka eskachi aiakuska Jeobani eskachi tsimarhani kuidarperaaka ambe uéjkichi nitamakuarhini jarhani (Mat. 19:5, 6). O engachi máteru ánchikuarhita intsïnhakia Jeobaeri kúnguarhikuarhu jimbokachi sapini ma kánguarhiska, ju je arhini sapini eska ima sánderu jukaparhakueska para jucha ka eska nani engachi marhuani japka. Ju je someni arhini eska ima Jeobaeri intsïmperakua máeska (Sal. 127:3-5). Ístu, ju je aianguni sési jásï ambe engachi nitamakuarhika jima engachi marhuani japka, inde ambe uáti para imajtu uékani tiempu kompletueri marhuani, ísï eskachi jucha. w19.08 22 párr. 10, 11

Kʼéri Babiloniani engaksï interu parhakpini anapu no jurhimbiti relijionicheka kánikua no sési pakatastia Tata Diosïri nombrini. Chkuanderakua ambe jorhentpisti Jeobaeri ambe ka ísï jámasïndi komueska uarhiiti ísku jándi ma, jimboka jarhuataasïnga parhakpini anapu juramutichani ka no kurhajchasïndi Jeobani. Relijioni no jurhimbiti úrasti imeri juramukuani para tumina euakuarhiani kʼuiripuechani. Ka uáni kʼuiripuni uandikusti, ístu Tata Diosïri marhuarichani (Jaŋ. 18:24; 19:2). Jeoba “diesi sïuanguechani” úrauati ‘animali charhapitiri ma’ para kʼéri ísku jándini kʼamajkuni. I animali, grupuni ma arhikuekasïndi engaksï uánikua paisicha kúnguarhitini jaka (Organización de las Naciones Unidas) ka diesi sïuanguechaksï juramutichani arhikuekaasïndi engaksï iásï apoiarini jaka Kʼéri Babiloniani. Na enga jatini Tata Diosï uandaaka, i juramutichaksï no sési úkuati imani ísku jándini enga Babiloniani arhikuekajka. “Nóteruksï presia uátia, ka patsïki jásï jurajkuatiksï” euakuarhiparini iámindu ambe enga jatsikuarhipka ka uandantaatiksï ambe enga xáni no sési úka (Jaŋ. 17:3, 16). Na enga sóntku kʼamajkunhaaka, komu ma jurhiatikua jimbojku, xáni arhatatini pakatauati imechani engaksï apoiariuenga, jimboka ima méntkisï kʼéramakuarhiska uandaparini: “No méni niáraaka no sési pʼikuarherakua jatsini” (Jaŋ. 18:7, 8). w19.09 10 párr. 10, 11

Jesusi iámindu kʼuiripuechani pʼímarhiasïndi. Ima jiókuarhiasïndi iáminduechani engaksï uéjka mintsita jingoni marhuakuni Tata Diosïni (Juanu 6:37, 38). Iámindu kristianuechachi jatsiska kóntperata para imani ánchikuarhitani úni enga Jeoba Jesusini íntskuka. Uákachi seguru jarhani eskajtsïni Jesusi méntkisï jarhuataaka úni ini ánchikuarhitani (Mat. 28:18-20). Kʼuiripuecha engaksï kaxumbitipka, tsitisïrendiksï Jesusini andarhierani (Mat. 19:13, 14; Luk. 7:37, 38). ¿Andi? Ju je eratseni na engaksï xáni ménderuenipka fariseuecha. Ima relijioniri orhejtsïkutichaksï no sáni uékpisïrendi ka kʼéramakuarhinksï (Mat. 12:9-14). Peru Jesusi uékpisïrendi ka kaxumbitiini. Fariseuechaksï kánikua tsitisïrendi jatsikuarhikua ambe ka kʼéramakuarhini paraksï mítekateni, peru Jesusi jorhendaasïrendi imeri chúxapatichani paraksï no xáni tsitini jatsikuarhekua ambe, kaxumbitinksï ka paraksï jarhuataani máteruechani (Mat. 23:2, 6-11). Kʼuiripuechaksï kurhajchaasïrendi fariseuechani jimbokaksï chérhiasïrenga (Juanu 9:13, 22). Peru Jesusi sési pʼikuastantaasïrendi jimboka sési kaasïrenga ka sési jásï ambe arhiani. ¿Jorhenguarhiskichia ini ambe Jesusiri? w19.09 20 párr. 1; 21 párr. 7-9

Tánguarhikuechajtsïni jarhuatasïndi sánderu andarhierani Jeobani. Na engachi exeajka tánguarhikuechani, xarhatasïndi sinchi tekantaa o nómbe jiáni engachi no sési kánhaaka (Ebr. 10:24, 25). Ju je exeni andi. Engachi iásï jurajkujka eskajtsïni sapichitu ambe ójkutaaka parachi no nirani tánguarhikua ma jimbo, ¿ambe úkuarhia jiáni enga kánikua úkua jukaaka parachi erachicha jingoni tánguarhini? Peru engachi eratsetini jaka no kueratani tánguarhikuecharhu, imecha engajtsïni no sési kámajka, nóksï uáti úni eskachi no tánguarhiaka. Ísï jimbo, iásïsti engachi jatsika para tsitini tánguarhini. Engachi ísï úska, sánderuchi kurhajchaaka Tata Diosïni ka eska kʼuiripuechani nájkirukajtsïni no sési kámaaka ka ístu engajtsïni juramuticha nóteru jurajkuakia tánguarhini (Uku. 5:29). Ju je memoria jimbo jorhenguarhiani Bibliaeri karakatechani engachi sánderu tsitiajka (Mat. 13:52). Jamberichi no újka méntku iámindu ambe miáni jarhani, peru Jeoba uáti úrani imeri espirituni enga xáni uinhapitiika parajtsïni jarhuatani miáuantani (Juanu 14:26). Ima karakatechajtsïni jarhuataati no mirikurhini Jeobani ni jurajkuni. w19.07 3 párr. 5; 4 párr. 8, 9

Engachi 1914 ísï tátsekua andajpenuka, irekaskachi iámindu “últimu jurhiatikuechani jimbo” ini parhakpiniri. Iáminduechachi notisiarhu ísï kurhaasïnga imani ambe enga Jesusi uandapka eska úkuarhipiringa ini jurhiatikuecha jimbo: guerra ambe, kʼarhingua, kʼérati jenchekuechani, kʼérati pʼamenchakua ambe, sánderuksï uáninia no sési úricha ka no sésiksï kaani Tata Diosïri marhuaricha ka máteru ambe (Mat. 24:3, 7-9, 12; Luk. 21:10-12). Ístuchi exesïnga eska kʼuiripu ísï jámasïnga eska apostuli Pablu na uandapka. Tata Diosïri marhuarichachi seguru jarhaska eskachi irekaxaka imani tiempu jimbo engaksï kʼamakurhiakia últimu jurhiatikuecha (Miq. 4:1). Jimboka ióni nitamaskia desde 1914 uératini, axuterku jarhastia paraksï últimu jurhiatikuecha kʼamakurhini. No ióni jimbo, no sési úrichaksï kʼamajkunhaati, ísï jimbo ju je mókuantani tsimani kurhamarhikuechani engaksï jukaparhakueka: ¿Ambe úkuarhia engaksï kʼamakurhini jauakia últimu jurhiatikuecha? Ka ¿ambe uékasïni Jeoba eskachi úni jauaka enga jamberi ísï úkuarhiaka? w19.10 8 párr. 1, 2

Para tekaantani, no uétarhisïnga eska iámindu ambe sési jauaka, sino eskachi mintsikaaka Jeobani (Rom. 12:12). Ambe engajtsïni Jesusi aiachijka, arhikuekasïndi eskachi jatsiska para méntkisï marhuakuni Jeobani náki uéjki uandanhiatachi jatsini. Desde iásï tekaantani, uátijtsïni sánderu uinhaperantani para jiáni enga kʼéri mískuarhita janoaka. Jimbochisï jatsika para mintsikani Jeobani para úni tekaantani. ¿Ambechi uá úni parachi sánderu mintsikani Jeobani? Pauani pauani arhintani Bibliani ka eratsentani néna jarhuataaspi Tata Diosï imeri marhuarichani ióntki (Sal. 68:20; 2 Ped. 2:9). Engajtsïni kʼuiripuecha uénaaka no sési kámani kʼéri mískuarhitarhu, jatsiakachi para balori jukani ka sánderu mintsikani Jeobani eska no méni (Sal. 112:7, 8; Ebr. 13:6). Engachi iásï mintsinharhiska Jeobani, nóchi chéaka engajtsïni Gog uénaaka no sési kámani. Jimbokachi seguru jarhaska eskajtsïni Jeoba kuájchakuaka (1 Kor. 13:8). w19.10 18 párr. 15, 16

Noambakiti juramuxati parhakpinirhu ka úrasïndi indeni ambe parachi sánderu jukaparharani ambe engachi tsitijka ka eskachi úkua jukanchaaka pʼíngukuarhini imani ambe jimbo enga no sési jaka (Efes 3:1-3). Ambe enga uéjka Noambakiti, jindesti eskachi no Jeobantku marhuakuaka. Enga apostuli Pedru karapkia na enga kʼamajkunhaaka Noambakitiri parhakpini ka enga jimbanhi parhakpini jauakia, uandaspti: “Juchiti ermanuecha engaksïni ji xáni uékajka, engajtsï ísï erokuarhini jaka iámindu ini ambe, jimajkani jánguarhi je mintsita jingoni sési jámani, parakajtsï nómbe kʼamanharhintskua jingoni exenunguanhaaka, ka ístu no ma ambe jimbojtsï kʼuratsekueni uérani, ka parakaksïni ima pínandikua jingoni exenunguaka” (2 Ped. 3:14). Engachi ísï úska eska i karakata na uandajka ka jánguarhintanchi na engachi xáni uáka ísï irekani ka kómarhini Tata Diosïni eska ima na jaiapanhintajka, xarhatanchi jauaka eskachi Jeobantkusï marhuakujka. Noambakiti ka imeri parhakpinijtsïni seguirini jauati tsʼéjkuni parachi sánderu jukaparharani máteru ambe (Luk. 4:13). Peru náki uéjki uandanhitachi jatsini, nóchi jurajkuaka eska juchari mintsita sánderu xénchaaka nemani o ambe ma ka eska Jeobani. Eratsitixakachi úni ambe enga solu Jeobajku jukanchaka: imantkuchisï jatsika para marhuakuni. w19.10 26 párr. 4; 31 párr. 18, 19

No no sési jarhasti engachi uandanhiajka máru ambe jimbo, por ejemplu, engachi uéjka eskajtsïni Jeoba ka Jesusi jaiapanhintaaka (1 Kor. 7:32). Ka engachi no sési ambe niátajka, kánikuachi uandanhiasïnga parachi ménderu úni ambakiti pájperakua ma jatsini Jeoba jingoni. Ístu sési jarhasti eskaksï temungurhiricha uékaaka sési pʼikuastani imeri acheetini o uarhiitini, ka iáminduechachi uékasïnga eska juchari familia ka ístu erachicha sési jauaka (1 Kor. 7:33; 2 Kor. 11:28). Peru jukari uandanhiani, uáti eskachi méntku uandanhiani jauaka eskajtsïni no kueratachiaka tʼirekua ka xukuparhakua (Mat. 6:31, 32). Ísï uandanhiani, uáti eskachi solu uékaaka jatsikuarhikuekani. Enga i ambe úkuarhiska, nóteruchi xáni mintsikaakia Jeobani ka ístuchi nóteru ambakiti pájperakua ma jatsinia imani jingoni (Mar. 4:19; 1 Tim. 6:10). Ístujtsïni úpirindi kánikua uandanhiatani ambe engaksï eratsejka máteruecha juchari ambe. Inde ambe úpirindi úni eskachi nóteru chépiringia no sési pʼikuastani Jeobani ka sánderuchi chéni na engajtsïni máteruecha arhinchajka o no sési kámani. ¿Nénachi uá kuájchakukuarhini inderi ambe? Kómarhiparini Jeobani parachi sánderu mintsikani ka balori kurhakuni parachi úni orhepani uérani (Prov. 29:25; Luk. 17:5). w19.11 15 párr. 6, 7

Máru ambe engachi erakukia úni, nóchi méni uáka mójtakuni. Por ejemplu, méntkisïchi uékasïnga marhuakuni Jeobani ka nóchi méni uékasïnga enganiarini juchari uarhiitini o acheetini (Mat. 16:24; 19:6). Peru jimbokachi no méntkisï májkueni nitamakuarhisïnga, jamberichi jatsiaka para mójtakuni ambe engachi eratsetini japkia úni. ¿Ambejtsïni jarhuataa ambakiti ambe erakuni úni? Kurakuni Jeobani eskajtsïni jánhastaaka, jimbokachi ménisï no jánhaskasïnga ambe úni, ísï jimbo, ju je kurhakuni Jeobani eskajtsïni jarhuataaka jiáni engachi erakuni jámaaka úni ambe ma ka ístu engachi exeaka sinchi mójtakua ambe engachi eratsetini japkia úni. Engachi ísï úska, Jeobajtsïni jarhuataati ambakiti ambe erakuni. Sési inbestigarini. Ju je exeni ambe enga arhijka Tata Diosïri Karakata, arhiantani Jeobaeri kúnguarhikueri publikasionichani ka uandontskuarheni nema jingoni engajtsïni uáka ambakiti konsejuechani íntsaani (Prov. 20:18). Kánikua jukaparhakuesti ini ambe úni engachi eratseni jauaka máteru ánchikuarhita jirinhani, máteru nani ísï nirani irekani o ambechi estudiariua parachi úni mantenerikuarhini ka seguirini jarhani marhuakuni Jeobani. w19.11 27 párr. 6-8

Xáni sési enga Jeoba úka ambe enga xáni uétarhienga parajtsïni pʼímutantani pekadueri. Jesusini jimbo, úsïngachi pʼímutantskata uérani. Jukari 700 uéxurhini ante de Jesusi jurhani Echerirhu, profeta Isaiasi uandaspti eska sánderu orhepani japiringa sánderu kʼéri pʼímutantskua ma. Inde pʼímutantskua sánderu ambakiti ambe úpirindi eska ima enga imani Uéxurhini jimbo úkuarhienga engaksï israelitecha Pʼímutantanhenga. Profeta Isaiasi karaspti: “Juchari Juramuti Jeoba, íntskuxatirini imeri espiritu, jimbokarini Jeoba jíndeni erakuska parani ambakiti ambe aianguani kaxumbitichani. Axastirini parani sési pʼikuastantaani imechani engaksï no sési pʼikuarherani jaka mintsitarhu, parani aianguani imechani engaksï jupikakata pánhaka eskaksï jurajkunhaaka ka parani petaantani imechani engaksï ónhakata jaka” (Is. 61:1). ¿Néni arhikuekaxapi i profesia?Inde xáni ambakiti profesia, ísï tátsekua uénaspti kumplirikuarhini enga Jesusi uénapka aianhpini. Nasareti anapu sinagogarhu, ireta nani enga ima tʼarhexepka, arhikuantaspti Isaiasiri profesiani imani judiuechani engaksï jima tánguarhitini japka. Ka uandaspti eskaksï inde uandakuecha imanisï arhikuekani japka (Luk. 4:16-19). w19.12 9, 10 párr. 6-8

Parachi úni orhepani uérani, jatsiskachi para balori jukani. ¿Ambechi uá úni engachi exejka eskachi no xáni balori jukaska? Ju je miáni eska para balori jukani no imani jimboesïnga na engachi xáni iójtarhaka, uinhapeni o ambe engachi újka úni. Ju je exeni Dabidiri ambe. Enga ima tumbi máepka Goliati jingoni uarhiperaspti enga kánikua iójtarhapka. Dabidi no xáni iójtarhaspti ka uinhapeni eska ima filisteu. Ístu, no ma ambe kámaxapti para uarhipeni ni espada ma. Peru kánikua balori jukaspti ka niraspti uarhipeni imani xáni iójtarha jingoni enga xáni kʼéramakuarhienga. ¿Andisï Dabidi xáni balori jukapi? Jimboka meru seguru jarhaspka eska Jeoba jarhuatapiringa (1 Sam. 17:37, 45-47). Dabidi no exespti na enga xáni kʼéripka Goliati imani jingoni, sino na enga xáni kʼéripka Jeoba Goliati jingoni. Ma ambechi jorhenguarhisïnga iri ambe: nóchi chéaka engachi mintsikaska eskajtsïni Jeoba jarhuatasïnga ka engachi seguru jarhaska eska imecha engajtsïni ikiachijka, méntku no ma ambeska juchari Tata Diosï jingoni enga iámindu ambe újka úni (2 Crón. 20:15; Sal. 16:8). w19.07 5 párr. 11-13

Tíkiku, jindespti para apostuli Pablu amigu ma enga kánikua mintsinharhikuepka (Uku. 20:4). Uéxurhinisï 55 jimbo, apostuli Pablu úspti eska tumina tánanhapiringa para Judea anapuechani jarhuataani ka jamberi Tíkikuni arhipti eska jarhuatapiringa indeni ánchikuarhita jingoni (2 Kor. 8:18-20). Tátsekua, primeru uelta enga Pablu ónhakata japka jini Roma, Tíkiku paasïrendi apostuli Pablueri karakatechani imani kúnguarhikuecharhu engaksï Asia japka, ka enga uinhaperpintenga imani ambe jingoni enga Pablu uandenga (Kol. 4:7-9). Tíkiku, seguirixapti ambakiti amigu máeni Pablueri (Titu 3:12). Imani jurhiatikuecha jimbo, nóksï iámindu kristianuecha xáni mintsinharhikuespti eska Tíkiku. Por ejemplu, enga apostuli Pablu ménderu Roma ónhakata japka, uéxurhini 65 ísï, karaspti eska uánikua Asia anapu kristianuechaksï no uékasïrenga imani jingoni kúnguarhini, jamberi jimbokaksï chérhiasïrenga imechani engaksï no jiókuarhienga jurhimbikueri ambe (2 Tim. 1:15). Peru mintsinharhisïrendi Tíkikuni ka jimbosï íntskupti máteru ánchikuarhita (2 Tim. 4:12). Xarharasïndi eska apostuli jukaparharasïrenga ambakiti amiguni ma jatsini komueska Tíkiku. w20.01 10 párr. 7, 8

Jamberijtsï kurhamarhikuarhijka sinksïni Jeoba chánksïni erakuski espiritu santu jimbo. Enga ísïka, eratsianta je arini kurhamarhikuechani: ¿kánikuajtsï tsitisïni úni ambe enga Jeoba uéjka?, ¿kánikua tsípikua jingontsï aianhpisïni?, ¿kánikuajtsï tsitisïni Bibliani estudiarini ka jorhenguarhini asta imani ambe “enga sánderu úkua jukaka”?, ¿exesïntsï eskaksïni Jeoba újchakurasïnga na engajtsï xáni jánguarhintajka aianhpikuarhu?, ¿ísïjtsï pʼikuarherasïni eskajtsï jatsiska para máteruechani jarhuataani paraksï ambakiti pájperakua ma jatsini Jeoba jingoni?, ¿exesïntsï eskaksïni Jeoba jarhuataskia mámaru ambe jimbo? Engajtsï mókuantaska eska jo, ¿arhikuekasïni i ambe eskajtsï erakunhaskia para auandarhu nirani? Nómbe, jimboka iámindu Jeobaeri marhuaricha uátiksï májkueni pʼikuarherani eska cha. Engajtsï no seguru jaka eskajtsï espiritu santu jimbo erakunhaska, inde ambe arhikuekasïndi eskajtsï no erakukateska. Imecha engaksï erakukateka, nóksï kurhamarhikuarhisïndi sinksï erakukateski o nómbe; ¡imechaksï meru seguru jarhasïndi! w20.01 23 párr. 14