Juniu

Jorhentpirichaksï jatsisti para pendienti páni imecheri jorhenguarhiricha jimbo. No ióni jimboksï uáti jindeni juchari erachicha ka pirenchicha. Para imecha, úkua jukasti jurajkuani amiguechani engaksï no marhuakujka Jeobani ka mójtakuni máru ambe enga uétarhijka para úni marhuakuni Jeobani. Ambakiti jorhentpirichaksï mítetaraasïndi jorhenguarhirichani ambakiti erachichani engaksï kúnguarhikuarhu jaka, parakaksï imechajtu jarhuatauaka sánderu andarhierani Jeobani. Ísï úparini, kúnguarhikuarhu anapu erachichaksï jarhuatauati parakaksï sánderu sési pájperaaka Jeobani jingoni ka jarhuataani jiáni engaksï uandanhiatechani jatsiauaka. Uékasïngachi eska mándani jorhenguarhiri sési pʼikuarheraaka ka eska niáraaka exeni eska kúnguarhikua jingoni kuenta úkuarhisïnguia. Engachi jarhuataska jorhenguarhirini para tsitini erachicha ka pirenchicha jingoni jarhani, sánderu fásiliuati jurajkuani imeri amiguechani engaksï no jarhuatajka para xénchani Jeobani (Prov. 13:20). Engaksï imecheri amiguecha nóteru uékaakia kúrhini, uáti mintsikani eska uáka jatsiani ambakiti amiguechani kúnguarhikuarhu (Mar. 10:29, 30; 1 Ped. 4:4). w20.10 17 párr. 10, 11

Jatsiskachi para Jesusiri amigueni parachi úni ambakiti pájperakua ma jatsini Jeoba jingoni. ¿Andichisï ísï uandajki? Ju je exeni tsimani ambe. Orheta, Jesusi arini ambe arhiaspti imeri chúxapatichani: “Jimbokaksïni mismu Diosï Táti uékasïnga chánksïni, jimboka chájtsïni uékasïnga jíndeni” (Juanu 16:27). Ka ístu uandaspti: “No nema jurhasïndi andarherani Diosï Tátini enga no jíndeni” jimboeuaka (Juanu 14:6). Uékani Jeobaeri amigueni ka no jindeni Jesusiri ambakiti amigu ma, ísïsti komu kʼumanchikuarhu ma uékani inchani peru no puertarhu ísï. Jesusi sáno májkueni jásï ejemplu ma úraspti enga uandapka eska ima jindespka “puerta jima engaksï karichicha inchantajka” (Juanu 10:7). Tsimani úni jámani, jindesti jimboka ima sési xarhataska na enga jásïka imeri Táti. Arhiaspti imeri chúxapatichani: “Ima engarini exeka jíndeni, exesti Diosï Tátini” (Juanu 14:9). Ísï jimbo, niáraakachi Jeobani míteni engachi Jesusini míteska. Engachi sánderu jorhenguarhiaka Jesusiri ambe, sánderuchi xénchaaka. Ka engachi sánderu andarheraaka Jesusini, sánderuchi xénchaaka imeri Tátini. w20.04 21, 22 párr. 5, 6

Imecha engaksï no újka jauarani o engaksï siia de rueda jimbo jámajka oksï nóteru uinhajtarhania oksï no úni exeni, ¿uáksï marhuakuni Jeobani imecha jingoni engaksï sapichku jaka ka nóksï pʼamenchani? Jo. Uánikua erachicha engaksï jatirikia ka máteruecha engaksï pʼamenchani jaka, uiriixatiksï ini karrera jimbo enga tsípikuarhu pájpijka, peru no imecheri uinhapikua jimbo, sino imani uinhapikua jimbo enga Jeoba íntsaajka. Telefonu jimboksï kurhaasïndi tánguarhikuechani o Interneti jimboksï exeani. Úsïndiksï ánchikuarhitani para disipuluechani uáni, engaksï aianguajka Tata Diosïri ambe familiarichani, doktorichani ka enfermerechani. Ju je no méni jurajkuni eskajtsïni no sési pʼikuastaaka ambe engachi nóteru újkia úni para Jeobani marhuakuni ni eratseni eskachi nóteru uákia uiriini ini xanharu jimbo enga tsípikuarhu pájpijka. Jeobajtsïni xénchasïndi jimbokachi imani mintsikasïnga ka imani ambe jimbo engachi xáni úkia para imani marhuakuni. Jiáni engachi ini ambe nitamakuarhini jarhajka, sánderuchi uétarhinchasïnga Jeobaeri jarhuajperata ka imajtsïni no méni jurajkuati (Sal. 9:10). Sánderu sési, imajtsïni sánderu andarheraati. w20.04 29 párr. 16, 17

¿Ambeerichi úpirini uandontskuarheni kʼuiripu ma jingoni enga jatsikia imeri relijioni? Ju je jánguarhintani imeri ambe uandontskuarheni enga kʼuiripu ka jucha májkueni exejka. Jamberi ima kʼuiripu, ma Tata Diosïntku kómarhijti, jiókuarhini eska Jesusi jindeska kʼuiripuecheri Pʼímutantspiti o jakajkuni eska no ióni jimbo iámindu no sési jásï ambe kʼamajkunhaaka. Ju je úrani ambe engachi májkueni jakajkujka parachi úni eska kʼuiripu uékaaka kurhaani Bibliaeri ambe. Ístu, ju je miáni eska jamberi kʼuiripu no iámindu ambe jakajkusïnga ambe enga imeri relijioni jorhentpijka. Ísï jimbo, engachi na míteakia náki relijionirhu jarhaski, ju je jánguarhintani míteni ambe jakajkusïni. Erachi ma enga kʼamakʼamasï marhuajka, uandantasïndi eska máru engaksï jakajkujka trinidadiri ambe, nóksï meru jakajkusïnga eska Táti, Uájpa ka espiritu santu májku Tata Diosïska. Ka i erachi ístu uandasïndi: “Ini ambe míteni, jarhuatasïndikini exeni amberiri uandontskuarhea kʼuiripuecha jingoni”. Ísï jimbo, ju je jánguarhintani míteni ambeksï meru jakajkusïni kʼuiripuecha. Ka májkueni eska apostuli Pablu, niáraakachi iámindu jásï kʼuiripuni terukukuntani (1 Kor. 9:19-22). w20.04 10 párr. 9, 10

Danieli ka Juanu, uandasïndiksï eska Jeoba ka Jesusi kuájchakuauaka imeri marhuarichani jiáni enga kʼéri mískuarhita úkuarhini jauaka. Ísï jimbo, nóchi jatsiska para chéni ambe uéjki úkuarhini. Danieli uandasïndi eska imecheri nombri engaksï xáni pʼímutantskata uéraaka ‘librurhuksï karakata jauaka’. ¿Ambechi jatsiska para úni paraka juchari nombri indeni librurhu karakata jauaka? Jatsiskachi para xarhatani eskachi mintsikasïnga Jesusini, Tata Diosïri Karichi sapichuni (Juanu 1:29). Jatsiskachi para aiakukuarheni Tata Diosïni ka itsï atakuarhini (1 Ped. 3:21). Ístu, uétarhisïndi eskachi Tata Diosïri Reinu jingoni kuenta úkuarhiaka engachi jánguarhintaaka na engachi xáni uáka para máteruechani jarhuataani Jeobani míteni. Iásïsti engachi jatsika para sánderu mintsikani Jeobani ka ístu imeri kúnguarhikuani. Iásïsti parachi Tata Diosïri Reinu jingoni kuenta úkuarhini. Engachi ísï uáka, pʼímutantskatachi uéraaka jiáni enga Tata Diosïri Reinu kʼamajkuaka nortirhu anapu reini ka surirhu anapu reini. w20.05 16 párr. 18, 19

Adani ka Eba mítesptiksï Jeobaeri nombrini ka uánikua máteru jukaparhakua ambe, por ejemplu, eska ima jindeska Kuerajpiri ka enga tsípikua íntsaapka, sési jásï Paraisu ma para irekani ka ambakiti temungurhirikua ma (Gén. 1:26-28; 2:18). ¿Peruksï jánguarhintani japirini eratsentani iámu ambe enga Jeoba íntsaapka? ¿Jánguarhintanksï japirini sánderu xénchani Jeobani ka jukaparharani ambe enga ima úpka imecha jimbo? Ambe engaksï úpka jiáni enga Noambakiti tsʼéjkuapka mókuantaasptiksï ini kurhamarhikuechani. Akuitsini ma úraparini, Noambakiti kurhamarhispti Ebani: “¿Meru ísïski eskaksïni Tata Diosï arhiska eskajtsï no jatsiska para arhani iámindu anhatapuecheri engaksï jardinirhu jaka?” (Gén. 2:16, 17; 3:1). Ini ambe jingoni, Noambakiti chkuanderakua ambe uandaspti Tata Diosïri ambe ka Eba uénaspti no sési ambe eratseni. Ambe enga Tata Diosï uandapka, jindespti eskaksï úpiringa akuni iámindu anhatapuecheri frutani, peru máechakueri nómbe (Gén. 2:9). Ísï jimbo, imani ambe jingoni enga Noambakiti kurhamarhipka Ebani, uénaspti chkuanderani ka ísï, uandaspti eska Tata Diosï no intsïmpitispka. Jamberi Eba eratsepti eska Tata Diosï no íntskuxapka ambakiti ambe. w20.06 3, 4 párr. 8, 9

Jarhastiksï máru Jeobaeri marhuaricha engaksï no sési pʼikuarherajka jimbokaksï eratsesïnga eska máteru erachi no sési pʼikuastaaska. Ísïsti, apostuli Pablu uandaspti eska ménisï jauaka ambe ma engachi jimbo uáka uandani eskajtsïni máteruecha no sési pʼikuastaska. Jamberichi no jurhimbikua jingoni kánhaka. Peru engachi no jingontku jámaska, úpiringachi jatanhikuani jarhani erachichani ka sánhani arhinchi jurajkuni Jeobaeri iretani. Erachi ma enga Sudamérica anapueka ka enga Pablo arhinhajka, ískuksï jatini arhispti eska no sési ambe niátaspka ka indeni ambe jimbo, nóteru úsptia úni ánchikuarhita ma Jeobaeri kúnguarhikuarhu. ¿Ambe úspi? Erachi uandasïndi: “Kánikua ikiaxapka ka sánhani arhispka jarharini kúnguarhikuani”. Imecha engaksï ióntki kʼéri kʼamanharhintskua ma úpka, jamberiksï útasï no sési pʼikuarherajti ka eratsenksï eskaksï no jukanchaska eska Tata Diosï xénchauaka. Ka nájkirukaksï móantapkia ka pʼamojperakua xarhataminhani, jamberiksï ísï pʼikuarherajti eskaksï nóteru jukanchaskia Tata Diosïri iretarhu jarhani. w20.06 19 párr. 6, 7

Jatsiskachi para exeni ambe engajtsïni úpiringa no sési úchini ka kéndikukuarhinchi (Ebr. 5:14). Por ejemplu, jatsiskachi para sési erakuni ambe jingonchi tsípikuarhia. Sáno méntkisï enga telebisionirhu xarharajka ka pelikulecharhu, ísku jándikueri ambesïndi. Kristianuechachi no tsípikuarhisïnga ini ambe jingoni jimboka sánhani arhini úpiringa úni eskachi nóteru xénchapiringuia Jeobani. Míteskachi eska Tata Diosï kurhunhisïnga ísku jándikua ambe ka eska ima kʼuiripuecha engaksï indeni ambe újka, jandiajkuksï no sési ambe úkuarhinchasïnga ka ístuksï máteruechani no sési úkuasïndi (Efes. 5:5, 6). Ístuchi, jatsiska para kurhanguni eska kánikua no sési útspisïnga ima informasioni engaksï apostatecha etsakujka, imechaksï jánguarhintasïndi parakachi nóteru xáni mintsikaakia Jeobaeri kúnguarhikuani (1 Tim. 4:1, 7; 2 Tim. 2:16). I chkuanderakua ambe úpirindi úni eskachi sánhani arhipiringa nóteru mintsikania Jeobani. Ju je no jakajkuni indeni ambe, jimbokaksï kʼuiripuecheriska “engaksï no sési jásï eratsekua jukaka ka engaksï no mindu míteka ambe enga sési jimboeka” ka engaksï uéjka eskachi no sési arhijperaaka ka eskachi no sési pájperaaka (1 Tim. 6:4, 5). Imechaksï uékasïndi eskachi jakajkuaka imecheri chkuanderakua ambe ka eskachi no mintsikauaka juchari erachichani. w20.09 29 párr. 13, 15

Acheeti ka uarhiiti jatsistiksï para uékperakua ka janhanharhikua jingonksï kámberani (Efes. 5:33). Bibliajtsïni jorhendasïndi eska sánderu jukaparhakueska íntspini ka eska intsïnhani ambe ma (Uku. 20:35). Para uékperakua ka janhanharhikua xarhatatsperani, tsimarhanksï jatsisti para kaxumbitini. Uánikua temungurhiricha engaksï Jeobani marhuakujka, sánderuksï tsípikua jingoni irekasïndi jimbokaksï kaxumbitiska. Por ejemplu, erachi ma enga Steven arhinhajka, uandasïndi: “Engaksï jorhenguarhiaka márku ánchikuarhini, uátiksï jarhuajperani ka sánderia enga uandanhiata ambe jauaka. Nóksï eratseati ‘¿ambe sánderu sésiski para ji?’, sánderu sési eratseati ‘¿ambe sánderu sésiski para jucha?’”. Imeri témba enga Stephanie arhinhajka, sáno májkueni eratsesïndi. Ima uandasïndi: “No nema uékasïndi irekani nema jingoni enga no újka sési pájperani. Engachi no úni jarhajka terukuntani ambe ma jimbo, jánguarhintasïngachi exeni andi. Jiájkani, kómarhisïngachi Jeobani, jirinhantasïngachi informasioni ka uandontskuarhesïngachi. Jánguarhintasïngachi sési péntani uandanhiatani ka no jucha arhijperani jarhani”. Temungurhirichaksï uáti tsípikua jingoni irekani enga acheeti ka uarhiiti no kʼéri ambe exekuarhiska. w20.07 4 párr. 5, 6

Engachi marhuakujka Jeobani nóchi jatsiska para juchari uinhapikuani mintsikani o ambe engachi xáni jorhenaka úni. Apostoli Pablu sési jorhendakata jarhaspti jimboka imeri jorhentpiri jindespka Gamalieli, judiuecheri orhejtsïkuti ma enga kánikua mítekatepka (Uku. 5:34; 22:3). Ka Pablujtu niáraspti kʼéri ambeni para judiuecha (Uku. 26:4). Peru inde ambe no úspti eska imajku mintsinharhikuarhipiringa. Pablu mintsita jingoni jurajkuspti imani ambe enga uénga eskaksï kʼuiripuecha kʼéri ambe exepiringa (Filip. 3:8). Peru kʼóru jatsispti para uánikua ambe nitamakuarhini jimboka Kristueri chúxapati úkuarhispka. Imeri iretarhu anapuechaksï niáraspti kurhunhini (Uku. 23:12-14). Ka ístu, Roma anapuechaksï niáraspti atani ka kárselirhu ónhani (Uku. 16:19-24, 37). Ístu kánikua no sési pʼikuarherasïrendi jimboka mítespka eska kʼamanharhintstispka ka úkua jukanchani imani ambe úni enga sési japka (Rom. 7:21-25). Peru no jurajkuspti eska inde ambe ni imeri ikiatspiticha úpiringa eska ima nóteru Jesusiri chúxapatipiringuia. Sánderu sési uandaspti: “Jimbosïni xáni tsípijka engani débili pʼikuarherajka”. ¿Andisï ísï uandapi? Jimboka enga débili pʼikuarherenga, exesïrenga na enga Tata Diosïri uinhapikua jarhuatenga (2 Kor. 4:7; 12:10). w20.07 16 párr. 7, 8

Ini jurhiatikuecha jimbo, jatsiskachi para kánikua jánguarhintani ambakiti ambe aianhpini Reinueri. Jesusi uandaspti eskaksï imeri chúxapaticha seguiripiringa aianhpini enga ima na uarhipiringuia ka sánderu uápurisï. Enga na tsíntapkia, Jesusi úraspti imeri uinhapikuani parakaksï máru chúxapaticha uánikua kuruchechani pʼítamaapiringa. Enga indeni ambe úpka, ístu arhiaspti imeri chúxapatichani eska aianhpini sánderu jukaparhakua ambeska eska náki uéjki ánchikuarhita (Juanu 21:15-17). Ante de ima auandarhu karhanchintani, arhiaspti imeri chúxapatichani eska ima ánchikuarhita enga ima uénapka no solu Israeli úkuarhipiringa sino sánderu iauanisï jamberi (Uku. 1:6-8). Máru uéxurhini tátsekua, exeraspti apostuli Juanuni janhaskakua ma jimbo ambe enga úkuarhipiringa “Táteri jurhiatikua jimbo”. Juanu exespti eska ánjelicheri jarhuajperata jimbo, iámindu nasionicha ka tribuecha ka imecha engaksï táchani jásï idioma uandajka ka iámindu kʼuiripuecha aiangunhaxapkaksï ambakiti aianhperakua enga jindeka para méntkisï (Jaŋ. 1:10; 14:6). Xarharasïndi eska Jeoba uékasïnga eskachi uáka ini xáni kʼéri ánchikuarhitani asta kʼamarani. w20.09 9 párr. 5

Abraaniri familia niáraspti kʼérati uandanhiatechani jatsiani. Sara, imeri uarhiiti enga ima xáni xénchenga, no úsïrendi sapiichani kánguarhiani. Iónksï jamberi kómu pʼikuarheraspti indeni ambe jimbo. Tátsekua, Sara íntskuspti Abraanini imeri jántspirini Agarini para imeri témbeni. Ka ísïksï úpirindia sapiichani kánguarhiani Agarini jimbo. Peru enga Agari mítepka eska Ismaelini kánguarhipiringuia, uénaspti kánikua no sési kámani Sarani. Niárasptiksï xáni no sési pájperani enga jamberi Sara úpka eska Agari máteru nanisï nipiringa irekani (Gén. 16:1-6). Tátsekua, Sara kánguarhispti tataka sapichuni ma ka Abraani arhiraspti Isaaki. Abraani xénchaasïrendi imeri sapiichani, Ismaelini ka Isaakini. Peru jimboka Ismaeli no sési kámaspka Isaakini, Abraani chúntaspti imani ka Agarini (Gén. 21:9-14). Uánikua uéxurhini tátsekua, Jeoba arhispti Abraanini eska kéjtsïtapiringa Isaakini para ima (Gén. 22:1, 2; Ebr. 11:17-19). Ini tsimani xanhari, Abraani jatsispti para mintsikani eska Jeoba kumpliripiringa ambe enga aiakupka imeri sapiicheri ambe. w20.08 4 párr. 9, 10

Ju je eranhaskani na engaksï xáni tsípiaka imecha engaksï tsíntaaka engaksï mójtakurhiaka ka ísïksï irekani eska Tata Diosï na juramujka. Imecha engaksï uáka ini ambe, uátiksï irekani para méntkisï Paraisurhu. Peru imecha engaksï no kurhajchaaka Tata Diosïni, nóksï jiárhitanhaati paraksï no sési ambe úni Paraisurhu (Is. 65:20; Juanu 5:28, 29). Enga Tata Diosïri Reinu juramuni jauakia, iámindu imeri marhuarichaksï exeati eska ísïska ambe enga Proverbios 10:22 uandajka: “Jeobaeri kóntperata uánikua ambakiti ambe juásïndi, ka indeni ambe jingoni no jurhasïndi kómu pʼikuarherakua ambe”. Jeobaeri espiritueri jarhuajperata jingoni, kʼuiripuechaksï sánhani arhiati ísï eratseni ka jámani eska Kristu ka sánhani arhiatiksï perfektueni (Juanu 13:15-17; Efes. 4:23). Pauani pauanksï sánderu ambakiti kʼuiripu máeuati ka imecheri kuerpu sánderu uiuinhasïati. ¡Xáni engaksï tsípikua jingoni irekaaka! (Job 33:25). w20.08 17 párr. 11, 12

Jatsiskachi para miáni eskaksï máru kristianuecha erakusïnga no tembuchani ni uambuchani. Máteruechaksï kʼóru uékapirindi tembuchani o uambuchani peruksï no exentaxati né jingoni. Ka máteruechaksï tsïndi pakarasti. Néna uéjkini, nóchi jatsiska para kurhamarhiani andiksïsï no tembuchani o uambuchani jaki ni arhiani eskachi jarhuatauaka paraksï exentani nemani. Ju je sési eratsentani nénachi pʼikuastapirini engachi arhipiringa eskachi jarhuataaka (1 Tim. 5:13). Juchari erachicha ka pirenchicha engaksï no tembuchatika o uambuchatini, kánikuaksï sési pʼikuarherasïndi engachi jukaparharajka imani ambakiti ambe jimbo engaksï xarhatajka ka no engachi lástima uájka. Ju je jukaparharaani jimbokaksï sési marhuakuxaka Jeobani. Engachi ísï úska, nóchi méni ísï pʼikuastauaka enajkichi arhiapirini “Jíkini no uétarhinchasïnga” (1 Kor. 12:21). Sánderu sési, exeatiksï eskachi janhanharhiasïnga ka eskachi jukaparharaasïnga kúnguarhikuarhu. w20.08 29 párr. 10; 30 párr. 14

Tátsekua, Jesusi ístu xarhakuspti apostuli Pabluni (1 Kor. 15:8). Pablu enga ístu Saulu arhinhenga, Damasku niraxapti enga kurhaapka eska Jesusi uandajpaspka ka enga auandarhu exepka jánhaskakua ma jimbo (Uku. 9:3-5). Ambe enga Pablu nitamanchapka, jindeespti máteru ambe enga xarhatapka eska Jesusi tsíntaska (Uku. 26:12-15). Uánikuechaksï kánikua tsitipirindi kurhaani apostuli Pabluni jimboka ima ióntki no sési kaasïrenga kristianuechani. Peru enga seguru japkia eska Jesusi tsíntaspka, jánguarhintaspti úni ambe ma parakaksï máteruechajtu jakajkupiringa. Enga aianhpini jámenga eska Jesusi tsíntaspka, kánikua no sési kánhaspti, ónhanhaspti ka uánikua xanhari sáno uarhispti marirhu (1 Kor. 15:9-11; 2 Kor. 11:23-27). Xáni seguru jarhaspti eska Jesusi tsíntaspka enga kuájpipka imani ambe enga jakajkuenga nájkiruka niárapiringa uarhini. ¿A no eska i ambe úsïnga eskachi juchajtu jakajkuaka eska Jesusi tsíntaska? ¿Ka eska úsïnga eskachi sánderu jakajkuaka tsíntskuani? w20.12 3 párr. 8-10

Ju je kurhamarhikuarhini: “¿Jánguarhintasïni no méni kueratani tánguarhikuecharhu?”. Tánguarhikuechajtsïni jarhuatasïndi parachi seguirini marhuakuni Jeobani ka sésichi pʼikuarherasïnga juchari erachicha jingoni jarhani (Mat. 11:28). Ístu, ju je kurhamarhikuarhini: “¿Jánguarhintasïni méntkisï jandiajkuni jorhenguarhini Bibliani?”. Ka engachi familia jingoni irekaka, ¿jatsisïnchi mándani semana familieri jorhenguarhikuani? O engachi jandiajku irekaka, ¿arhutasïnchi tiempu parachi estudiarini ísï eskachi na úpiringa familia jingoni? ¿Jánguarhintasïnchi na engachi xáni uáka aianhpini ka jorhendaani máteruechani Tata Diosïri ambe? ¿Andichisï jatsi para ini ambe kurhamarhikuarhini? Jimboka Biblia uandasïnga eska Jeoba exesïnga ambe engachi eratsejka ka ístu ambe enga juchari mintsitarhu jaka. Ísï jimbo juchajtuchi jatsiska para ísï úni (1 Crón. 28:9). Engachi exejka eskachi jatsiska para mójtakuni imani ambe engachi jucha uékani jaka úni, juchari jángua o na engachi eratsejka, ju je kurhakuni Jeobani eskajtsïni jarhuataaka. Iásïsti engachi jatsika para úni ambe ma para úni orhepani uérakuani tsʼéjkukuechani engachi sánderu orhepani nitamakuarhiauaka. w20.09 19 párr. 19, 20

Jesusi tsimani ejempluechani úraaspti para jorhentpini ambe enga jatsika para úni ima enga uéjka imeri chúxapatini. Uandaspti kʼuiripueri ma enga kʼéri kʼumanchikua ma uéjka úni ka juramutiri ma enga uéjka nirani máteru juramuti jingoni uarhipeni. Uandaspti eska ima enga uéjka kʼéri kʼumanchikua ma úni, jatsisti para ‘kuenta úntani sentabu para exeni abersienga andangutaaka para kʼamarani’ ka eska juramuti jatsiska para orheta exeni sinksï imeri soldaduecha uá andani (Luk. 14:27-32). Jesusi mítespti, eska sáno májkueni, imecha engaksï uékaaka imeri chúxapatini, jatsistiksï para sési eratsentani ambe engaksï jatsika para úni paraksï niárani imeri chúxapatini. Paraka jorhenguarhiri uáka ísï úni eska Jesusi na uandapka, jatsiskachi para pʼímarhini para mándani semana jorhenguarhini. Kánikua jukaparhakuesti eska jorhentpiri sési prepararikuarhiaka méni enga niuaka Bibliaeri ambe jorhentpini. Jorhenguarhirini eratseparini, exe je nénajtsï uá eksplikarikuni informasionini paraka ima sési ka sóntku kurhanguaka ka para ísï úni eska na jorhenguarhiaka (Neh. 8:8; Prov. 15:28a). w20.10 7 párr. 5; 8 párr. 7

Jesusi klaru uandaspti eskachi jatsiska para jorhendani kʼuiripuni ambe enga ima juramuka. Joperu, ju je no mirikurhini eska Jesusi no solu uandaspka: ‘Jorhendaa je iámindu imani ambe engaksïni ji juramuchika’. Sánderu sési, ima arhiaspti: ‘Jorhendaa je eskaksï patsaaka [o úni] iámindu ambe engaksïni ji juramuchika’. Engachi uéjka ísï úni, jatsiskachi para jorhendaani juchari jorhenguarhirichani ambe engaksï jatsika para úni, joperu ístu néna engaksï uáka ísï úni ¿Nénachi uá jorhendani nemani para úni ambe enga tata Jesukristu juramuka? Engachi jorhendani jarhajka kʼuiripuni ma Bibliaeri ambe, jorhendasïngachi ambe enga Tata Diosï erokuarhijka eskachi uáka. Joperu no inde ambejkusï uétarhijti. Jatsiskachi para jorhendani ísï úni eska na jorhenguarhini jauaka (Juanu 14:15; 1 Juanu 2:3). Juchari ejemplu jingoni, uákachi xarhatakuni néna úraani Bibliaeri karakatechani enga eskuelarhu jauaka, ánchikuarhitarhu o enga uékaaka tsípikuarhini. Ka engachi kómarhikua úni jauaka jorhenguarhiri jingoni, uákachi kurhakuni Jeobani eska jarhuataaka imeri espiritu santu jingoni (Juanu 16:13). w20.11 2, 3 párr. 3-5

Jesusiri ambakiti chúxapatichaksï mámaru ambeksï nitamakuarhispti. Por ejemplu, soluksï namunitu kopiechani jatsiaspti Tata Diosïri Karakateri ka nóksï jatsiaspti publikasionichani enga jarhuataapiringa paraksï jorhenguarhini, ísï eska iásï. Ka jatsisptiksï para aianguani uánikua kʼuiripuechani engaksï máteru jásï idioma uandenga. Nájkirukaksï uánikua ójkutakuecha japka, Jesusiri chúxapatichaksï úspti úni imani ambe enga ísï xarharenga enajkiksï no úpirini úni: ma treinta uéxurhini jimbojku, iápuru parhakpinirhuksï aianhpispti ambakiti ambe (Kol. 1:6, 23). Ini jurhiatikuecha jimbo. Jeoba seguirixati orhejtsïkuni ka uinhapikua íntskuni imeri iretani. Ísïsti, íntskusïndijtsïni jarhuajperata imeri Karakata jimbo. Bibliarhu karakata jarhasti ambe enga Jesusi aianhpipka ka ambe enga juramukuapka imeri chúxapatichani paraksï seguirini úni imani ánchikuarhitani enga ima uénapka (Mat. 28:19, 20). Jeoba iáminduechani májkueni kaasïndi, ka uandaspti eska ambakiti aianhperakua aianhpinhapiringa “iámindu nasionicharhu ísï, ka tribuechani, ka imechani engaksï táchani jásï idioma uandajka ka iámindu kʼuiripuechani” (Jaŋ. 14:6, 7). Jeoba uékasïndi eskaksï iámindu kʼuiripuecha míteaka ini ambakiti ambe Reinueri. w20.10 21 párr. 6-8

Rei Dabidi, achamasï ma jindespti enga tsitienga “Jeobaeri leini” (Sal. 1:1-3). Dabidi mítespti eska Jeoba pʼímutantaasïnga kaxumbitichani joperu eska no jiókuarhiasïnga imechani engaksï kʼéramakuarhijka. Jimbosï jiókuarhipti eska Tata Diosïri juramukua jarhuatapiringa para mójtakuni na enga eratsenga. Karaspti: “Kʼéri ambe arhiaka Jeobani, engarini íntsaaka konsejuechani. Asta chúrikuechani, ima ambe engani iauani incharinisï pʼikuarhinhijka jurhimberantasïndirini” (Sal. 16:7). Engachi kaxumbitiska, jiókuarhiakachi eska Biblia jurhimberantauaka juchari eratsekuechani antedechi no sési ambe niátani. Ísïuati enajkijtsïni Tata Diosïri Karakata arhini jaua: “I jindesti xanharu. Jimini jáma”. Aianguatijtsïni engachi uénaaka imani ambe úni enga no sési jaka (Is. 30:21). Kánikuajtsïni sési nicheati engachi kurhajchaaka Jeobani (Is. 48:17). Por ejemplu, nóchi kʼuratsekua jingoni pakaraaka engajtsïni nema jurhimberantaaka. Ka sánderuchi andarhieraaka Jeobani jimbokachi míteska eska ima uandanhiasïnga juchantsïni jimbo ísï eska táti uékpiti ma (Ebr. 12:7). w20.11 20 párr. 6, 7

Máru Korintu anapu kristianuechaksï niáraspti ísï eratseni (1 Kor. 15:12). Ístu, máteruechaksï jamberi eratsendi eska tsíntskua, jindeespka ambe ma enga no meru úkuarhipiringa. Eratsesïrendiksï eska antedeksï kristianu úkuarhini, pekadu jimboksï ísïspka komu uarhirini jarhani; peru engaksï kristianu úkuarhienguia ka puáminhantaksï pekaduechani, ísïspka komueska tsíntani. Ambe uéjki jimboeni, engaksï no jakajkupiringa tsíntskuani, imecheri jakajkukua no ma ambe marhuasïrendi. Enga Tata Diosï no tsítantapiringa Jesusini, no maianhpinhapirindi euajpintskua ka imecheri pekaduechaksï no úpirindi puáminhantani. Ísï jimbo, para imecha engaksï no jakajkuenga tsíntskuani ískuepirindi imecheri jakajkukua (1 Kor. 15:13-19; Ebr. 9:12, 14). Apostoli Pablu mismu exespti eska tata Jesukristu ‘tsíntaspka uarhiricharhu’. Imeri tsíntskua sánderu ambakitispti eska imecheri engaksï antesi tsíntapka, jimbokaksï imecha ménderu uarhiska. Pablujtu uandaspti eska Jesusi ‘uénaspka tsíntani ka eska iámindu imecha engaksï uarhikia’. Ima jindeespka primeru enga tsítanhantapka komueska espiritu ma ka enga orheta nípka auandarhu (1 Kor. 15:20; Uku. 26:23; 1 Ped. 3:18, 22, TNM). w20.12 5 párr. 11, 12

Primeru siglurhu, grupu enga orhejtsïkuenga iámindu kúnguarhikuechani enga Jerusaleni japka, májku kʼériksï ánchikuarhisïrendi paraka iámindu ambe sési úkuarhipiringa ka pínandikua jarhani Tata Diosïri iretarhu (Uku. 2:42). Por ejemplu, uéxurhini 49 jimbo, engaksï uénapka sirkunsisioniri ambe uandani, grupu enga orhejtsïkuenga iámindu kúnguarhikuechani exespti ini ambe espiritu santueri jarhuajperata jingoni. Enga kúnguarhikua arhukukata pakarapiringa, nóteruksï úpirindia sési aianhpini. Nájkirukaksï apostulicha ka orhejtsïkuticha judiuepka, nóksï jurajkutakuarhispti eskaksï pʼindekuecha o imecha engaksï indeni ambe jorhentpienga támisï jánhastaapiringa. Sánderu sési, úrasptiksï Tata Diosïri Karakatani ka kurhakusptiksï imeri espiritu santu paraka jarhuataapiringa (Uku. 15:1, 2, 5-20, 28). Jeoba újchakuraspti ambe engaksï erakupka úni ka kúnguarhikua májku kʼéri jarhaspti ka pínandikua jingoni ka seguirisptiksï aianhpini (Uku. 15:30, 31; 16:5). Ini jurhiatikuecha jimbo. Jeobaeri kúnguarhikua jánguarhintaxati paraka iámindu ambe sési úkuarhiaka ka pínandikua jarhani Tata Diosïri iretarhu. w20.10 23 párr. 11, 12

Jamberichi uékapiringa jatsini ánchikuarhita ma parachi sánderu marhuakuni Jeobani. Joperu jati uánikua ambe engachi jimbo no intsïnhajka, komu na engachi xáni jatirikia, pʼamenchakua ambe jimbo o máteru ambe jimbo. Engachi indeni ambe nitamakuarhini jauaka, rei Dabidiri ejemplujtsïni uáti kánikua jarhuatani. Ambe enga ima sánderu uékenga, jindeespti Tata Diosïri templuni úni; joperu enga mítepka eska no imasï erakunhapka para indeni ambakiti ánchikuarhitani úni, kánikua jarhuataspti imani enga erakunhapka para ísï úni, íntskuspti kánikua oru ka plata para templuni úni. ¡Xáni ambakiti ejemplu engajtsïni íntskuka! (2 Sam. 7:12, 13; 1 Crón. 29:3-5). Francia anapu erachi ma enga Hugo arhinhajka, nóteru orhejtsïkutistia pʼamenchakua ma jimbo. Nóteru úsïrendi ni sapichitu ambe úni imeri kʼumanchikuarhu. Ima karasti: “Uénakuarhu kánikua no sési pʼikuarheraspka, enajkini para no ma ambe marhuaueni. Joperu ísï tátsekua, kurhanguspka eskani no no sési pʼikuarherapiringa imani ambe jimbo engani nóteru uéngia úni ka tsípini imani ambe jimbo engani uénga úni parani Jeobani marhuakuni. Ísïska eska Gedeoni ka imeri 300 kʼuiripuecha engaksï imani jingoni jámenga: nájkirukani kuatarakia, seguiriuaka orhepani uérani” (Juec. 8:4). w20.12 25, 26 párr. 14, 15

Apostoli Juanu méntku úndaspti uandani eskachi kristianuecha jatsiska para uékperani. Asta imeri Ebanjeliu jimbo sánderu uánikua xanhari uandasïndi uékperakueri ambe eska máteru tanimu Ebanjeliuecha jimbo. Ambe enga Juanu karaka xarhatasïndi eska ma uékperakua jimbosï jatsika para úni ambe ma (1 Juanu 4:10, 11). Joperu asta Juanu sáni ióndaspti ini ambe jorhenguarhini úni. Enga Juanu tumbiipka, no méntkisï uékperakua xarhataspti. Ma xanhari enga Jesusi ka imeri chúxapaticha Samaria teruakuni japka paraksï Jerusaleni nirani, ireta sapichu ma jimbo jini Samaria nóksï sési eronhaspti. Ísï jimbo, Juanu uékaspti úni eska auandarhu uératini uékorhipiringa chpiri para kʼamajkuani iámindu iretarhu anapuechani (Luk. 9:52-56). Máteru xanhari jimbo, Juanu ka imeri ermanu jémba Santiagu, úsptiksï eska imeri amamba kurhakupiringa Jesusini parakaksï uaxakapiringa imani jingoni auandarhu imeri Juramukuarhu. Engaksï máteruecha mítepka indeni ambe kánikuaksï ikiaspti (Mat. 20:20, 21, 24). Nájkiruka Juanu úpka ini ambe enga no sési japka, Jesusi xénchasïrendi (Juanu 21:7). w21.01 8, 9 párr. 3, 4

Jeoba imani ambe eratseparini úsïndi ambe ma enga sánderu marhuakuauaka máteruecha. Por ejemplu, kueraasti tsípikuani, no para imantku marhuakuni, sino parachi jucha tsípikua jingoni irekani. No nema arhispti paraka axapiringa Uájpani para uarhini juchantsïni jimbo, úspti indeni ambe parajtsïni jarhuatani. Ístu, Jesusi erakuspti úni ambe ma para máteruechani jarhuataani. Por ejemplu, jiáni enga kánikua kuataratini japka, uánikua kʼuiripuechani jarhuataaspti enbesde mintsikuarhini (Mar. 6:31-34). Ambakiti familieri orhejtsïkuti ma, mítesti eska úkua jukaska erakuni imani ambe úni enga marhuakuaka imeri familiani, peru i ambe kánikua jukaparhakuesti para ima. Jánguarhintasïndi no ísku jatini úni ambe ma. Sánderu sési, jurajkusïndi eska Jeoba jorhendaaka, ka ísï uáti exeni néna marhuakuauaka máteruechani ambe enga erakuaka úni ka no solu imantku (Prov. 2:6, 7; Filip. 2:4). Enga uámba, jánguarhintaaka ísï úni eska Jeoba ka Jesusi, ambakiti familieri orhejtsïkuti máeuati. w21.02 7 párr. 19-21

Enga rei Asá tumbipka, kaxumbitispti ka balori jukaspti. Enga imeri táti jémba Abíasi uarhipkia, ka ima niárani reiini, uénaspti diosï úkatechani kénditaani paisirhu. Ístu, “arhispti Judáni eska jirinhapiringa Jeobani, imecheri ióntki anapu parienticheri Tata Diosïni, ka eska úpiringa iámindu ambe enga Juramukua arhijka” (2 Crón. 14:1-7). Ka enga Etiopía anapu Séra, inchaakupka Judá ma miioni soldaduecha jingoni, Asá sési erakuspti úni ambe ma ka kurhakuspti Jeobani eska jarhuatapiringa. Mintsita jingoni kómarhispti: “Oh, Jeoba, tʼuri úsïnga májkueni jarhuataani imechani engaksï uinhapitika ka imechani engaksï débilika. Jarhuatajtsïni Jeoba, juchari Tata Diosï, jimbokaksïni tʼungini mintsikasïnga”. Íksï sési járhati uandakuecha xarhatasïndi eska Asá mintsikasïrenga eska Jeoba pʼímutantapiringa imani ka imeri iretani. Asá mintsikaspti imeri Táti auandarhu anapuni ka “Jeoba andaaspti Etiopía anapuechani” (2 Crón. 14:8-12). Meru úkua jukapti uarhipeni ma miioni soldaduecha jingoni. Joperu Asá mintsikaspti Tata Diosïni ka ísï jimbosï sési nikupti. w21.03 5 párr. 12, 13

Bibliarhu uandasïni uánikua kʼuiripuecheri engaksï xarhatatsperapka uékperakua. Ju je exeni Jonataniri ka Dabidiri ejemplu. Biblia arhisïndi eska “Jonatani ka Dabidi uénasp[ka]ksï kánikua sési pájperani, ka Jonatani uénaspti ísï xénchani eska imajkumindu na xénchakuarhienga” (1 Sam. 18:1). Jeoba, Dabidini erakuspti para reiini enga na Sauli, Jonataniri táti jémba nóteru reipiringia. Sauli xáni ikiaspti ka enbidiarini enga uékenga Dabidini uandikuni, joperu Jonatani no jarhuataspti para ísï úni. Jonatani ka Dabidi uandasptiksï eskaksï méntkisï amiguepiringa ka eskaksï jarhuajperapiringa (1 Sam. 20:42). Na engaksï xáni sési pájperenga Jonatani ka Dabidi ískujtsïni pakatasïndi jimboka uánikua ambe jarhaspka engaksï jimbo no úpiringa ambakiti pájperakua ma jatsini. Por ejemplu, Jonatani 30 uéxurhini sánderu kʼérispti Dabidi jingoni. Ísï jimbo, úpirindi eratseni eska no úpiringa pájperani nema jingoni enga sánderu sapichuepka ka enga nótki xáni ambe mítienga. Nájkiruka ísïpka, no méni ísï exespti ni kámani enajki ima sánderu kʼéri ambepi eska Dabidi. w21.01 21, 22 párr. 6-7

Jesusi aiakuaspti imeri chúxapatichani eskaksï meru tsípikua jingoni irekapiringa. Joperu, ístu arhiaspti eskaksï no sési nitamakuarhipiringa iámindu imecha engaksï xénchapiringa imani (Mat. 10:22, 23; Luk. 6:20-23). Kánikuachi sési pʼikuarherasïnga Kristueri chúxapatini. Joperuchi néna pʼikuarherasïni enga juchari familia uéjka úni eskachi nóteru marhuakuakia Jeobani o engajtsïni no sési kámajka juramuticha o engaksï eskuelarhu o ánchikuarhitarhu anapu kompanieruecha uéjka eskachi no sési ambe uáka. Engachi ísï kánhajka, úpirindijtsïni kánikua uandanhiatani. Kasi no nemani tsíperasïndi enga no sési kánhajka. Joperu, Tata Diosïri Karakatajtsïni arhisïndi eskachi jatsiska para tsípini. Santiagu karasti eskachi no jatsiska para uandanhiani engachi problemechani jatsiauaka, sánderu sési eskachi jatsiska para tsípini (Sant. 1:2, 12). Ka Jesusi uandaspti eskachi jatsiska para tsípini asta jiáni engachi no sési kánhani jauaka (Mat. 5:11). Jeoba úspti eska Santiagu karakuapiringa ini kristianuechani para arhiani ambeksï úpirini úni paraksï seguiri tsípikua jingoni irekani nájkirukaksï uandanhiatechani jatsiapiringa. w21.02 26 párr. 1, 2; 27 párr. 5

Timoteueri jurhiatikuechani jimbo, máru kristianuechaksï no jukaparharaspti imani kóntperatani paraksï Tata Diosï jingoni ánchikuarhini. Máruksï jindeespti Demasi, Fijelu, Ermójenesi, Imeneo, Alejandru ka Filetu (1 Tim. 1:19, 20; 2 Tim. 1:15; 2:16-18; 4:10). Íksï kʼuiripuecha, niáraspti xénchani Jeobani, peruksï nóteru jukaparharasptia ambe engaksï intsïnhapka. ¿Ambe úrasïni Noambakiti parachi nóteru jukaparharania ambe engajtsïni Jeoba íntskuka? Ju je exeni máru ambe. Imani ambe úrasïndi enga jindeka para tsípikuarhini, telebisioni, pelikulechani, Interneti, periodikuechani, ka máteru ambe para úni eskachi ménderueni eratseaka ka jámani ka niáranchi jurajkuni jurhimbikuani. Ístu, úraasïndi máteru kʼuiripuechani parajtsïni chérani o no sési kámani ka parachi nóteru aianhpinia. Ka jánguarhintasïndi parachi jakajkuni apostatecheri “jorhengua arhikatani” ka jurajkunchi jurhimbikuani. Engachi no jingontku jámaska, úpiringachi sánhani arhini jurajkuni jurhimbikuani (1 Tim. 6:20, 21). w20.09 27 párr. 6-8

¿Niáraskijtsïni amigu ma o familiarhu anapu ma traisionarini? Enga ísïka, kánikuajtsïni marhuacheati miántani ambe enga Biblia uandajka Absaloniri, rei Dabidiri uájpa ma (2 Sam. 15:5-14, 31; 18:6-14). Miáparini ambe engachi arhintaaka, jatsiskachi para kómarhini Jeobani ka aiangukuarhini na engachi meru pʼikuarherajka indeni ambe jimbo engajtsïni úchika (Sal. 6:6-9). Ju je eranhaskani na enga pʼikuarherapka Dabidi. Ima xénchasïrendi Absalonini ka mintsikasïrendi Aitofelini, joperuksï imecha no sési pʼikuastaspti, astaksï uékasïrendi uándikuni. Dabidi úpirindi eratseni eskaksï máteru imeri amiguecha, ístuksï Absaloni jingoni niáraspka úkuarhini o jandiajku sïpakuarhini máteru paisi jimbo. Kurhakuspti Jeobani eska jarhuatapiringa ka ístu imeri amiguechani. Ka no jurajkuspti eska chétapu jimbo no jánhaskapiringa ambe úni. Ka seguirispti mintsikani Jeobani ka ístu imeri amiguechani. w21.03 15 párr. 7, 8; 17 párr. 10, 11