Agostu

Enga Jesúsi ísï uandapka, jamberi Roma anapu sondaduechani arhikuekani japti engaksï chájkupka ka chándukuni. Jesúsi no jurajkuspti eska imani ambe jimbo enga úminhapka jatanhetspipiringa ka ikiani pakarani (1 Ped. 2:23). Májkueni eska Jesúsi, juchajtuchi jatsiska para puákuantani máteruechani (Kol. 3:13). Jamberi máru kʼuiripuecha —asta juchaari familiariicha— úpirindijtsïni no sési kámani jimbokaksï no kurhangusïnga ambe engachi jakajkujka ka na engachi irekajka. Jamberijtsïni chkuanderakua ambe jauatacheati, máteruechani japarintsïni kʼuratsetani, publikasioniichantsïni karukucheani o astajtsïni arhini eskajtsïni no sési ambe úchiaka. Enbesdechi jatanhekuani, uaakachi kurhakuni Jeobani eska jarhuatauaka parakaksï jiókuarhiaka jurhimbikueri ambe (Mat. 5:44, 45). Ménisï úkua jukasïndi puátspentani, ka sánderia engachi no sési kánhajka. Joperu, engachi ikiani pakaraska ka jatanhetspini, juchajkuminduchi no sési úkuarhini jauaka (Sal. 37:8). Engachi puátspentajka, úsïndi eskachi no ikiani pakaraka imani ambe jimbo engachi úminhajka (Efes. 4:31, 32). w21.04 8, 9 párr. 3, 4

Enga nema petanhantajka kúnguarhikuarhu uératini, imeeri familia kánikua no sési pʼikuarherasïndi. Ju je eratsentani na enga pʼikuarherapka Tata Diosï Jeoba enga exeapka uánikua ánjeliichani engaksï imeeri familiarhu anapuepka eskaksï nóteru kurhajchasïreengia (Jud. 6). Ka úsïnchi eranhaskani na enga xáni no sési pʼikuarherapka engaksï israeliteecha, imeeri iretani enga ima xáni xéncheenga, mémindu no kurhajcheenga (Sal. 78:41). Enga nema engajtsï kánikua xénchajka jurajkujka Tata Diosï Jeobani, uaakajtsï seguru jarhani eska juchaari Taati auandarhu anapu engajtsïni xáni xénchajka, ístu no sési pʼikuarherasïnga. Ima sési kurhangusïndi na engajtsï no sési pʼikuarherani jaka, pʼamojkuatiksïni, uinhaperantaatiksïni ka nóksïni méni jurajkuati. Enga sapi ma jurajkujka Tata Diosï Jeobani, uánikua taatiichaksï kurhamarhikuarhisïndi ambeksï no úski sési úni parakaksï imeeri sapiicha seguiripiringa marhuakuni Tata Diosï Jeobani. Erachi ma uandaspti: “Eratsesïreenga eskani ji kulpa jatsispka. Chúrikuechani no sési tsánharhisïreenga”. Pirenchi ma enga májkueni nitamakuarhipka, uandasïndi eska méntkisï eratsesïreenga: “¿Ambe no úski sési úni juchiiti sapi jingoni? Ísï pʼikuarherasïreenga eskani ji no káni jánguarhintaspka parani jarhuatani juchiiti sapini para ima no jurajkuni Tata Diosï Jeobani”. w21.09 26 párr. 1, 2, 4

Uáni kʼuiripu uandasïndi eskachi no uaaka Biblieri ambe jorhentpini jimbokachi no niraska kʼérati eskueleecharhu engaksï Biblieri ambe jorhentpijka. Joperu uétarhisïndi eskaksï ima kʼuiripuecha sési míteaka iámindu ambe. I ambesï úpti Lukasï. Antede karani imeeri Ebanjeliuni, jánguarhintaspti sési inbestigarini eska námindu “jurhimbikueka desde ueenakuarhu”. Uékasïreendi eska imeecha engaksï arhintapiringa imeeri karakatani, mítepiringa ‘eska sési jimboespka’ ambe engaksï kurhaapka Jesúsiiri ambe (Luk. 1:1-4). Ka májkuenksï úspti Berea anapu judiuecha. Engaksï primeru xanhari kurhaapka ambakiti aianhperakuani Jesúsiiri ambe, terukutantasptiksï Karakata Ebreaecha jingoni paraksï míteni eska inde ambe ísïispka (Uku. 17:11). Sáno májkueni, uétarhisïndi eskajtsï terukutantaaka ambe engaksïni jorhendajka Jeobaeri testiguecha imani ambe jingoni enga Biblia arhijka. Ístu, sési jauati eskajtsï jorhenguarhiaka ambe engaksï újka ini jurhiatikuecha jimbo Jeobaeri testiguecha. Engachi sési inbestigariska, nóchi no sési ambe eratseaka nijtuchi jakajkuni imani ambe enga uandanhajka Jeobaeri testiguecheri. w21.05 3 párr. 7, 8

¿Jarhaski nema juchaari kúnguarhikuarhu engachi úpiringa pʼímarhini juchiiniu? Jarhastiksï máru jurhiatikuecha engaksï erachiicha sánderu jukaparharapiringa parachi jucha imeecha jingoni jarhani. Para máru erachiicha, úkua jukasïndi ima jurhiatikuecha engaksï familiariicha engaksï no Testiguejka kʼuínchikuechani uaantajka. Para máteruecha, jarhasïndiksï máru jurhiatikuecha engaksï sánderu no sési pʼikuarherajka, komu ima jurhiatikua engaksï uarhiranchapka nemani. Engachi tiempu arhutajka para i erachiicha jingoni jarhani, xarhatakuasingachi eskachi meru uandanhiasïnga ícha jimbo (Filip. 2:20). Mámaru ambe jarhasti engachi jimbo úpiringa jandiajku pʼikuarherani. Peruchi no jatsiska para mirikurhini eska Tata Diosï Jeoba sési míteska na engachi pʼikuarherajka. Ka sáno méntkisï, úraasïndi juchaari erachiichani parajtsïni íntskuni ambe engachi uétarhinchajka (Mat. 12:48-50). ¿Nénachi uaa xarhatani eskachi jukaparharasïnga i ambe? Engachi jánguarhintaska jarhuataani juchaari erachiichani. No arhiparini na engachi pʼikuarheraaka ménisï, nóchi méni jandiajku jauaka, jimboka Tata Diosï Jeoba juchantsïni jingoni jarhaska, imajtsïni no méni jurajkuati. w21.06 13 párr. 18-20

Jesúsi seguirispti tsípikua jingoni aianhpini nájkirukaksï máru kʼuiripuecha no uékapka kurhajchani. ¿Andisï ísï uéni? Jimboka mítespka eskaksï kʼuiripuecha jatsispka para míteni jurhimbikuani ka uékasïreendi xáni uáni kʼuiripuechani jarhuataani na enga xáni úpiringa. Ístu mítespti eskaksï tátsekua niárapiringa jiókuarhini Tata Diosïiri Juramukueri ambe ima kʼuiripuecha engaksï antesi no uékeenga. Ka inde ambesï úkuarhipti imeeri familia jingoni. Ima tanimu uéxurhini ka terujkani enga Jesúsi aianhpini jámapka, no ma imeeri ermanuti jámasïreendi chúxapani (Juanu 7:5). Joperu tátsekua enga Jesúsi na tsíntapkia, jiáni kʼóruksï kristianu úkuarhisptia (Uku. 1:14). Nóchi míteska né niáraa jorhenguarhini Biblieri ambe engachi jorhentpijka. Máru kʼuiripuechaksï ióni jimbo niárasïndi míteni jurhimbikuani, asta imeecha engajtsïni no uékajka kurhajchani exesïndiksï juchaari ambakiti jánguani ka eskachi tsípikua jingoni jámasïnga ka jamberiksï tátsekua niáraati kʼéri ambe arhini Tata Diosïni. w21.05 18, 19 párr. 17, 18

Enga Jesúsi Echerirhu japka, arhiaspti imeeri chúxapatiichani eskaksï tsimani ambe úpiringa ánchikuarhitarhu enga íntsaapka. Arhiaspti eskaksï aianhpepiringa ambakiti aianhperakuani Tata Diosïiri Juramukueri ka exeraaspti na engaksï úpiringa (Luk. 8:1). Ka arhiaspti ambe engaksï úpiringa enga nema uékapiringa kurhaani Tata Diosïiri Juramukueri ambe ka ambe engaksï úpiringa engaksï no uékapiringa (Luk. 9:2-5). Ístu, uandaspti asta nani jamberi aianhpinhapirini, jimboka aiakuaspti imeeri chúxapatiichani eskaksï “iápuru parhakpinirhu” aianhpepiringa (Mat. 24:14; Uku. 1:8). Ístu, arhiaspti eskaksï jorhendaapiringa kʼuiripuechani paraksï úni iámindu ambe enga Jesúsi juramupka. Jesúsi uandaspti eska i ambakiti ánchikuarhita asta juchaari jurhiatikuecha jimbo úkuarhini japiringa, astaka jamberi “kʼamaraaka parhakpini” (Mat. 28:18-20). Ka enga jánhastapka Juanuni, uandaspti eska uékasïreenga eskaksï iámindu imeeri chúxapatiicha jarhuataapiringa kʼuiripuechani parakaksï jorhenguarhipiringa Tata Diosï Jeobaeri ambe (Jaŋ. 22:17). w21.07 2, 3 párr. 3, 4

Ini parhakpini jimbo, uánikua kʼuiripuechaksï jánguarhintasïndi úni ambe enga uétarhiaka paraksï xarhatani eskaksï sánderu kʼéri ambeeska eska máteruecha. Pori ejemplu, achamasï ma enga negosiu ma jatsika, úpirindi no sési úkuani máteruechani nomasi para imeeri negosiu sánderu kʼéni. O chʼanari ma úpirindi no sési úkuni máteru chʼanarini nomasi para úni andani. Ka ístu tumbi ma enga uékajka ambakiti unibersidadirhu ma inchani, úpirindi trampa úni para úni imani unibersidadini jimbo nirani enga uéjka. Kristianuechachi míteska eska i ambe no sési jarhaska jimboka jindeeska “mintsita tamapueri úkuecha” (Gal. 5:19-21). Joperu, ¿úpirini úkuarhini eskaksï máru Tata Diosï Jeobaeri marhuariicha sánderu kʼéri pʼikuarherapiringa ka úni eskaksï máteruecha májkueni pʼikuarheraaka no kuenta íntskukuarheparini? Jukaparhakuesti eskachi mókuntaaka ini kurhamarhikuani, jimboka inde ambe úpiringa úni eskachi no uaaka sési pájperani kúnguarhikuarhu. Kánikua sési japirindi eskachi jorhenguarhiaka ambe engaksï úpka máru ióntki anapu ambakiti kʼuiripuecha engajtsïni xarhatacheaka na engaksï imeecha no méni uékapka sánderu kʼéri ambeeni eska máteruecha. w21.07 14 párr. 1, 2

Ambakiti uékperakua úsïndi eskachi jarhuatauaka imeechani engaksï kómu pʼikuarherani jarhajka. Uánikua ambakiti erachiichaksï jarhasti engaksï no jurajkuajka imeechani engaksï kómu pʼikuarherani jarhajka. Xénchaasïndiksï erachiichani ka uékasïndiksï jarhuataani xáni eskaksï xáni uaaka (Prov. 12:25, nota; 24:10). Ísïksï úsïndi eska apostoli Pablu na uandapka: “Uinhaperaantani imeechani engaksï kuatantani jaka, ka mintsita jatsikuantani imeechani engaksï débiliika, ka ísï tekaantani jarhani iáminduechani jingoni” (1 Tes. 5:14). Para úni jarhuatani erachini ma enga kómu pʼikuarherani jarhajka, mémindu, nomasi uétarhisïndi kurhajchani ka arhini eskachi xénchasïnga, Tata Diosï Jeoba exesïndi na engachi xáni jánguarhintajka para jarhuatani imeeri karichini ma. Proverbios 19:17 uandasïndi: “Ima enga pʼamojperakua xarhatakujka imani enga uétarhinchani jaka ambe ma, Tata Diosï Jeobanisï kuánetani jati ka ima maiamuntaati indeni ambe jimbo”. w21.11 10 párr. 11, 12

¿Ambechi uaa úni iásï parachi sési preparadu jarhani para ima ambe enga úkuarhiaka sánderu orhepani? Jatsiskachi para sési pʼikuarherani imani ambe jingoni engachi jatsikuarheka ka ístuchi tsípini jarhani jimbokachi Tata Diosï Jeobaeri amigueska. Engachi sánderu mintsikaska Tata Diosïni, sánderuchi seguru jauaka eskajtsïni ima uaaka kuájchakuni jiáni engajtsïni Gog de Magog uékaaka no sési úchini. Ambe enga arhijka iásï anapu tekstu xarhatachesïndijtsïni andisï Dabidi mítepi eska Tata Diosï Jeoba úpiringa kuájchakuni imani. Méntkisï mintsinharhispti imeeri Tata Diosïni ka ima méntkisï kuájpispti. Jiáni enga Dabidi tumbiipka, uarhipespti Filistea anapu sondadu jiganti ma jingoni enga Goliati arhinheenga ka Dabidi arhispti: “Ini jurhiatikua jimbo, Tata Diosï Jeobakini juchiiti jájki jimbo jurajkuati” (1 Sam. 17:46). Ísï tátsekua, enga Dabidi marhuakuni japka rei Saúlini, Saúli uánikua xanhari uékaspti uándikuni, peru “Tata Diosï Jeoba, Dabidi jingoni jarhasp[ti]” (1 Sam. 18:12). Jimboka Dabidi mítespka na enga Tata Diosï Jeoba kuájchakuenga, mítespti eska seguiriini japiringa jarhuatani. Juchantsïntu inde ambe uaati jarhuatani parachi preparadu jarhani ka úni orhepani uérakuani tsʼéjkukuechani. w22.01 6 párr. 14, 15

Méntkisï enga Tata Diosï Jeoba újka ambe ma, tekaantskua jingoni úsïndi ka xáni tiempu úrasïndi eska xáni uétarhiaka. Ka úsïndi i ambe para kʼéri ambe arhinhani imeeri nombri ka para sési marhuakuani máteruechani. Ju je exeni na enga Tata Diosï Jeoba úpka ini Echerini parakaksï kʼuiripuecha úpiringa irekani. Enga Biblia íri ambe uandajka, uandasïndi eska Jeoba exespka na enga xáni kʼépiringa, eska sési uaxastaspka, ka eska peeraspka tsakapuni enga jingoni ueenapiringa (Job 38:5, 6). Asta niáraspti eratsentani na enga pakarani japka imeeri ánchikuarhita (Gén. 1:10, 12). ¿Úsïnchi eranhaskani na engaksï pʼikuarhereenga ánjeliicha engaksï exeni japka ambe enga kueraani japka Tata Diosï Jeoba? Kánikuaksï sési pʼikuarherapti, jimbokaksï niáraspka “kʼéri ambe arhini uinhachaparini”. ¿Ambechi jorhenguarhisïni? Eska Tata Diosï Jeoba uánikua uéxurhini úraaska para kueraani Echerini, jóskuechani ka iámindu ambe enga tsípiti jaka, ka enga exepka na enga pakarapka ambe enga kueraapka, uandaspti eska ‘kánikua ambakiti ambeespka’ (Gén. 1:31). w21.08 9 párr. 6, 7

Ejemplurhu enga Jesúsi uandantapka, acheetiiri ma uandaspti, enga biaji ma úpka. Antesi de nirani, uandajpaaspti imeeri jántspiriichani ka íntsaaspti talentuechani parakaksï ánchitaapiringa, mándani arhini xáni íntskuaspti seguni na engaksï xáni úpiringa úni. Máechakuani sinko talentu íntsaaspti, máteruni tsimani ka máteruni máechakua. Orheta tsimani jántspiriichaksï kánikua ánchikuarhispti paraksï sánderu sentabu andani para imeecheri patroni jémba. Joperu últimu, no ma ambe úspti imani talentu jingoni enga intsïnhapka, ísï jimbo, imeeri patroni chútantaspti. Primeru jántspiri ka ístu máteru, kánikuaksï jánguarhintaspti úni imani ánchikuarhitani engaksï intsïnhapka ka kánikuaksï ánchikuarhispti para imeeri patroni. Ísï úparini, máteru tsimani talentuechanksï andaaspti. Patroni kánikua jaiapanheantaspti engaksï ísï xáni jánguarhintapka, ka sánderu ánchikuarhita íntsaaspti. w21.08 21 párr. 7; 22 párr. 9, 10

Tata Diosï Jeoba kánikua tekaantaxati ini últimu jurhiatikuecha jimbo. Ima no uékasïndi eska nema kʼamajkunhaaka (2 Ped. 3:9). Tiempu íntskuaxati kʼuiripuecha paraksï móantani. Joperu ima no méntkisï tekaantani jauati. Imeecha engaksï no uékaaka Tata Diosïiri Reinuni apoiarini, májkuenksï úkuarhinchaati eska faraoni enga Moisésiiri jurhiatikuechani jimbo irekapka. Tata Diosï Jeoba arhispti: “Jíkeni úpiringa juchiiti jájki jingoni ióntki kastigarini ka ístu chiiti iretani kʼéri pʼamenchakua ma jingoni ka tʼuri nóteru japiringia echerirhu. Joperu arini ambe jimbojkukinisï tsípiti jurajkuka: parakeni exerani juchiiti uinhapikuani ka paraka juchiiti nombri mítenhaaka iámu parhakpinirhu” (Éx. 9:15, 16). Ka últimu, iámindu ireteechaksï jatsiati para míteni eska Jeobajkusï jindeeka Tata Diosï enga jurhimbitiika (Ezeq. 38:23). I ambe enga uaratanhaka, enga iásï anapu tekstu uandajka, arhikuekasïndi eskaksï kʼamajkunhaaka para méntkisï imeecha engaksï ísïika eska faraoni, engaksï no jiókuarhijka eska Tata Diosï Jeobajkusï sésikua jatsika para juramuni. w21.09 18, 19 párr. 17, 18

¿Kánikuajtsï no sési pʼikuarheraxaki jimboka nema engajtsï chá kánikua xénchajka jurajkuskia Jeobani? ¿Ka ambejtsï uaa úni engaksïni erachi ma arhiska ambe ma engaksïni sánderu no sési pʼikuastaaka? Nóchi uaaka erokuarhini eskaksï erachiicha méntkisï uandaaka ambe engachi meru uétarhinchajka (Sant. 3:2). Iáminduchi imperfektueska, ísï jimbo, nóchi ísku pakaraaka enga ménisï erachi ma no míteaka ambejtsïni arhia o engajtsïni no sési pʼikuastaaka no uékaparini. Miá je ambe enga uandapka apostoli Pablu: “Ka tekaatsperanta je ka puátsperantani enga nema jatsika arhijperakua máteruni jingoni” (Kol. 3:13). Ju je seguiriini uinhaperantaani imeeri familiani enga petanhantaka kúnguarhikuarhu. Imeechaksï iásïsï uétarhinchajti eskachi xarhatakuaka eskachi xénchaasïnga ka eskachi uinhaperantauaka (Ebr. 10:24, 25). Ménisï, imeechaksï exesïndi eskaksï máru erachiicha nóteru uandajpaasïngia enajkiksï imeechajtu petanhanta. Ju je no méni úni ini ambe. Tumbiicha engaksï jatsikuarheaka taatiichani engaksï petanhantaka kúnguarhikuarhu, sánderuksï uétarhinchasïndi eskachi uinhaperantauaka ka eskachi felisitariuauaka. w21.09 29 párr. 13, 14; 30 párr. 16

Enga tumbi ma uandontskuarhejka erachi ma jingoni enga jatiriikia, tsimarhanksï uinhaperperantasïndi (Roma 1:12). Tumbi sánderu míteati eska Tata Diosï Jeoba no méni jurajkuauaka imeechani engaksï marhuakujka imani ka erachi enga jatiriikia pʼikuarheraati eskaksï uékasïnga ka tsípiati uandantani na enga Tata Diosï Jeoba jarhuatakia imeeri irekuarhu. Sáno méntkisï, enga tiempu nitamani jarhajka, ma úndasïndi nóteru xáni sési jáxenia. Joperu mándani uéxurhini enga nitamajka Tata Diosï Jeoba sánderu sési jásï exeasïndi imeeri marhuariichani engaksï no méni jurajkujka (1 Tes. 1:2, 3). Jimbokaksï iámindu inde tiempu jimbo jurajkuska eska Tata Diosïiri espiritu santu mójtakuauaka ka sánderu ambakiti kʼuiripu uaani. Engachi sánderu sési míteauaka juchaari erachiichani engaksï jatiriikia, sánderuchi ísï exeauaka eska sánderu jukaparhakua ambe. Kúnguarhikua no solu uinhapiti jarhasïndi engaksï tumbiicha jukaparharajka jatiriichani, sino ístu engaksï jatiriicha jukaparharajka tumbiichani. w21.09 7 párr. 15-18

Ju je no jukari uinhamu jusgarpini ka jánguarhintani ísï pʼamojpitiini eska juchaari Tata Diosï (Efes. 2:4). Pʼamojperakua sánderu ambeesti eska nomasi pʼikuarherani ambe ma. Arhikuekasïndi eskachi jatsiska para úni ambe ma máteruecha jimbo. Ísï jimbo, iáminduchi uaaka eratsentani nemani engachi uaaka jarhuatani juchaari familiarhu, kúnguarhikuarhu o jima engachi aianhpijka. Uánikua ambe jauati engachi jimbo uaaka xarhatani eskachi pʼamojkuasïnga. ¿Míteskichi nemani enga uétarhinchani jaka eskachi uinhaperantaaka? ¿Úpirinchi tʼirekua sáni pákuni nemani o jarhuatani máteru ambe ma jimbo? ¿Úpirinchi uinhaperantani o sési pʼikuastantani erachini ma enga apenasi kʼuanhatsentaka kúnguarhikuarhu? ¿Úpirinchi aianguani Biblieri ambe máteruechani? (Job 29:12, 13; Rom. 10:14, 15; Sant. 1:27). Engachi jingontku jarhaska, exeakachi eskachi uaaka uánikuechani pʼamojperata xarhatakuani, engachi ísï úska, kánikuachi sési pʼikuastaaka juchaari Tata Diosï auandarhu anapuni, Tata Diosïni enga kánikua pʼamojpejka. w21.10 13 párr. 20-22

Salmo 23 jimbo, Dabidi uandaspti imani ambe enga meru jukaparhakueka: kʼérati kóntperatechani enga Tata Diosï Jeoba íntskuka jimboka ima jindeeska imeeri karichi eranguti. Tata Diosï Jeoba úspti eska imani xanharuecha jimbo nipiringa nani enga jurhimbikua jingoni úkuarhijka ambe ma, no jurajkuspti ka méntkisï jarhuataspti. Dabidi uandaspti eska nájkiruka Tata Diosï Jeoba jimeesïsï paapka enga “kánikua uitsakua jukaka”, seguiripiringa uandanhiateechani jatsiani. Jamberi asta ménichani chkétakuarhitini pʼikuarherapti, enajki terujkani ísï jámani japirini imani juáteecha jimbo enga “pápkʼandeka” ka uandaspti eska jatsiauapiringa enemiguechani. Joperu jimboka Tata Diosï Jeoba jindeespka imeeri karichi eranguti, Dabidi uandaspti: “No ma ambe jimbo chésïnga”. Joperu, ¿ambe jimbo no ma ambe kueratanchaspi Dabidi? No ma ambe kueratanchaspti Tata Diosïiri ambe. Ima no tsípini pʼikuarherasïreendi jatsikuarhekua ambe jimbo. Sánderu sési, ima sési pʼikuarherasïreendi imani ambe jimbo enga Tata Diosï Jeoba íntskuenga. Para Dabidi ambe enga sánderu jukaparhakuepka, jindeespti eska Tata Diosï újchakurapiringa ka kuájchakuni. Dabidiiri uandakuechajtsïni jorhendasïndi eska kánikua jukaparhakueska ísï exeni jatsikuarhekua ambe eska Tata Diosï na exejka. w22.01 3, 4 párr. 5-7

Desde iónisïa, uánikuecha engaksï marhuakuka Tata Diosï Jeobani aianhpistiksïa, joperuksï uánikuecha no uékaspti kurhaani. Pori ejemplu, Noé kʼuiripu máespti enga “jurhimbitku uandajtsïkpienga” ka jamberi ióni aianhpipti Tata Diosïiri ambe (2 Ped. 2:5). Ima erokuarhiendi eskaksï kʼuiripuecha kurhajchapiringa, joperu Tata Diosï Jeoba no méni arhispti eska ísï úkuarhipiringa. Sánderu sési, enga arhipka eska úpiringa arkani, ístu juramukuspti: “Jatsiskari parari arkarhu inchani chiiti sapiicha jingoni ka chiiti uarhiiti jingoni ka chiiti uájpeecheeri uarhiitiicha” jingoni (Gén 6:18). Ka engachi eratsentaska na enga xántku kʼépiringa arka, jamberi Noé kuenta íntskukuarhepti eskaksï no uánikuechepiringa engaksï kurhajchapiringa (Gén 6:15). Ka ísï úkuarhispti. No ma kʼuiripu ima jurhiatikuecheri enga xáni no sési jánhaskuarhipka, uékaspti kurhajchani Noéni (Gén 7:7). ¿Eratsespi Tata Diosï Jeoba eska no marhuaspka Noéri ánchikuarhita? Nómbe, no ísï eratsespti. Para ima, Noéri ánchikuarhita kánikua marhuaspti, jimboka Noé iámindu ambe ísï úspka eska na juramuminhapka (Gén 6:22). w21.10 26 párr. 10, 11

¿Eranhaskasïnchi na enga pʼikuarherapka Ruti enga imeeri suegra i ambe uandapka? Ruti uánikua ambe úspti para jarhuatani Noemíni, ueraspti imani jingoni, sési pʼikuastantaspti ka uánikua jurhiatikua xanharaspti imani jingoni. Nájkiruka ísï úpka, Noemí uandaspti: “Tata Diosï Jeoba ústi eskani no ma ambe jingoni kʼuanhatsentapiringa”. Nájkiruka Ruti imani jingoni japka, ísï xarharasïreendi enajki Noemí no jukaparharani japi imeeri jarhuajperatani. Seguru eska i ambe kánikua no sési pʼikuastapka Rutini. Peru ima no jurajkuspti Noemíni (Rut 1:3-18). Úpirindi úkuarhini eska pirenchi ma enga chkétakuarhitini jaka, arhiakajtsïni ambe ma engajtsïni no sési pʼikuastaaka, nájkirukachi jucha jánguarhintani jauaka jarhuatani. Peru, ju je no eratseni eska ima jatsiska ambe ma juchantsïni jingoni. Nóchi jurajkuaka ka kurhakuakachi Tata Diosï Jeobani eskajtsïni jarhuataaka parachi míteni nénachi uaa sési pʼikuastantani (Prov. 17:17). Pirenchi ma úpirindi no jiókuarhini jarhuajperata enga uétarhinchani japiringa. Nájkiruka ísï úkuarhiaka, ambakiti uékperakuajtsïni jarhuataati parachi no jurajkuni (Gal. 6:2). w21.11 11 párr. 17-19

Bibliarhu, uandakuecha pímbinhasï ka pímbinhasïtiini, arhikuekasïndiksï eska kʼuiripu ma limpiu jarhaska imeeri jánguecha jingoni ka Tata Diosï jingoni. Ístu, i uandakuechaksï úpirindi arhikuekani arhutakata jarhani para Tata Diosïni marhuakuni. Ísï jimbo, uaakachi pímbinhasïini engachi limpiu jauaka juchaari jánguecha jingoni, engachi ísï kómarhiska Tata Diosï Jeobani eska ima na uéjka ka engachi ambakiti pájperakua ma jatsiska imani jingoni. Ískuchi pakarasïnga engachi eratsentajka eskachi jucha engachi imperfektueka, uaaka Tata Diosï Jeobaeri amigueni, enga kánikua pímbinhasïika. Tata Diosï Jeoba iámindu ambe jimbo pímbinhasïisti. Indeni ambeksïsï uandapti máru ánjeliicha engaksï serafini arhinhajka ka engaksï Tata Diosï Jeobaeri tronurhu no iauani jaka, uandasptiksï: “Pímbinhasï, pímbinhasï, pímbinhasïisti Tata Diosï Jeoba ejersituecheeri” (Is. 6:3). Ísïisti, paraksï úni xáni ambakiti pájperakua ma jatsini Tata Diosï jingoni, imeechaksï jatsisti para pímbinhasïini ka ísïistiksï. w21.12 3 párr. 4, 5

Erakuni ambe enga sánderu sési jaka, jindeesti ambe ma enga kánikua uandanhiataajka tumbiichani, jimbokaksï jamberi eskuelarhu ka parienticha engaksï no Testigueka arhiajti eskaksï karrera ma jupikaaka paraksï niárani ambe máeni parhakpinirhu. Joperu i ambe úpirindi kánikua tiempu euaani. Ístu, taati jémbeecha ka kúnguarhikuarhu anapu erachiichaksï úpirindi arhiani eska sánderu sési japiringa marhuakuni Tata Diosï Jeobani. ¿Ambe jarhuataa tumbini enga xénchajka Tata Diosï Jeobani imani ambe erakuni úni enga sánderu sési jaka? Uaati arhintani ambe enga arhijka Efesu 5:15-17. Ka tátsekua para eratsentani ambe enga jima uandajka uaati kurhamarhikuarhini: “¿Ambe uékasïni Tata Diosï Jeoba eskani uaaka? ¿Jaiapanhentaa ambe engani erakuaka úni? ¿Néna uaa sánderu sési úrani juchiiti tiempuni?”. Ju je miáni eskaksï i “jurhiatikuecha xáni malueska” ka eska i parhakpini enga Satanási juramuni jaka, nóteru ióndani kʼamajkunhaakia. w22.01 27 párr. 5

¿Káni niáraspi Santiagu, Jesúsiiri chúxapati úkuarhini? Ísï tátsekua enga na Jesúsi tsíntapkia xarhakuspti Santiaguni ka tátsekua iámindu apostoliichani (1 Kor. 15:7). Enga Jesúsi na xarhakupkia Santiaguni, jiáni niáraspti Jesúsiiri chúxapati úkuarhini. Ima jima jarhaspti apostoliicha jingoni tánguarhitini kuarturhu karhakua ma jimbo jini Jerusaléni engaksï espiritu santu intsïnhapiringa (Uku. 1:13, 14). Ísï tátsekua Santiagu niáraspti jarhani Grupurhu enga Orhejtsïkuajka iámindu kúnguarhikuechani primeru siglurhu (Uku. 15:6, 13-22; Gal. 2:9). Ka ante de uéxurhini 62 jimbo, Tata Diosï úspti eska karapiringa karta ma para kristianu erakukateecha. Inde karta iásï jamberijtsïni marhuachesïndi no arhiparini nani engachi irekaaka auandarhu o ixú Echerirhu (Sant. 1:1). Istoriadori Josefo enga orheta siglurhu irekapka karaspti eska k’éri saserdoti judiu Anáni, uándikutarkuarhispka Santiaguni. Santiagu no méni jurajkuspti Tata Diosï Jeobani astaka na kʼamakupka imeeri ánchikuarhitani ixú Echerirhu. w22.01 9 párr. 3, 5

Ma ambe engachi jorhenguarhijka iásï anapu tekstueri, jindeesti eskachi no jatsiska para erokuarhini eskajtsïni Jeoba kuájchakuaka engachi tsʼéjkukuechani jatsiauaka. Májkueni eska Jesúsi jatsiskachi para listu jarhani parachi no méni jurajkuni Jeobani asta uarhikuarhu jamberi enga niárapiringa ísï úkuarhini (Mat. 16:24, 25). Joperuchi míteska eska Tata Diosï no jurajkuaka eskachi jukari tsʼéjkunhaaka engachi jamberi nóteru uaakia tekaantani (1 Kor. 10:13). Ístuchi jorhenguarhisïnga eska májkueni eska Jesúsi, jamberichi juchajtu niáraaka no sési kánhani (1 Ped. 2:19, 20). Engajtsïni máteruecha no sési kámajka no jindeesti jimbokachi no sési ambe niátaska, sino jimbokachi no parhakpinirhu anapueska ka jimbokachi aianhpisïnga jurhimbikueri ambe (Juanu 17:14; 1 Ped. 4:15, 16). Jesúsi kurhangusïreendi andisï Jeoba jurajkuni japi eska no sési nitamakuarhipiringa. Joperu, máru Jeobaeri ambakiti marhuariicha engaksï no sési nitamakuarhika kurhamarhikuarhistiksï andisï Jeoba jurajkupi eskaksï ísï nitamakuarhipiringa (Hab. 1:3). Jimboka Jeoba pʼamojpitiiska ka tekantstiini, kurhangukuasïndi eska no jindeesïnga jimbokaksï no mintsinharhisïnga imani sino eskaksï uétarhinchasïnga eska ima uinhaperantauaka (2 Kor. 1:3, 4). w21.04 11 párr. 9, 10

Tata Diosï Jeoba jiókuarhiati na engachi kʼéri ambe arhijka engachi ísï úska eska ima na uékajka ka enga xénchperakua ka janhanharhikua jingoniuaka. Uékasïngachi kʼéri ambe arhini Tata Diosï Jeobani jimbokachi kánikua xénchasïnga ka jimbokachi míteska eska ima jukanchaska eskachi kʼéri ambe arhiaka. Ka ma ambe engachi uaaka úni para kʼéri ambe arhini jindeesti kómarhini. Biblia ísï terukutantasïndi kómarhikuani komueska insiensu enga kánikua sési únheenga ka enga tabernakulurhu kéjtsïtanheenga ka ísï tátsekua templurhu. Tata Diosï kánikua jaiapanhentasïreendi i insiensu. Sáno májkueni, engachi mintsita jingoni uaajka juchaari kómarhikuechani, kánikuachi sési pʼikuastasïnga Tata Diosïni (Prov. 15:8; Deut. 33:10). Tata Diosï Jeoba kánikua tsitisïndi engachi arhijka na engachi xáni xénchajka ka na engachi xáni agradesidu jaka imani jingoni. Ima uékasïndi eskachi aianguaka ambe engachi tsitijka, ambe engajtsïni uandanhiatajka ka ambe engachi jucha erokuarhini jaka. Ísï jimbo, ante dejtsï kómarhini, ¿andisïjtsï no eratsentajki ambe engajtsï arhiaka? Engajtsï ísï úska, íntskuni jauakajtsï ambakiti insiensu ma juchaari Taati auandarhu anapuni. w22.03 20 párr. 2; 21 párr. 7

Armajedonirhu, nóchi uaaka arhini Tata Diosï Jeobani néni jatsiski para pʼamojkuni ka néni nómbe (Mat. 25:34, 41, 46). ¿Mintsikaachi Tata Diosï Jeobani ochi jurajkua jimbokachi no sési exeska ambe enga erakuka úni? Jatsiskachi para sánderu mintsikani Tata Diosï Jeobani iásï parakachi ístu uaaka iámindu mintsita jingoni mintsikani sánderu orhepatini. Eranhaska je na engachi xáni sési pʼikuarheraaka jimbanhi parhakpinirhu. Nóteru jauatia relijioni no jurhimbiti nijtu kʼérati empreseecha o gobiernuecha engaksï no sési kaajka kʼuiripuechani. Pʼamenchakuecha, engaksï kʼuiripuecha tʼarhepijka ka uarhikua nóteruksï jauatia. Satanási ka imeeri demoniuechaksï ónhanhaati mili uéxurhini jimbo. Iámindu ambe engaksï úpka, nóteru jauatia (Jaŋ. 20:2, 3). ¡Kánikuachi sési pʼikuarheraaka jimbokachi mintsikaspka na enga Tata Diosï Jeoba újka ambe ma! w22.02 6, 7 párr. 16, 17

Jesúsi jánguarhintasïreendi sési pájperani kʼuiripuecha jingoni ka arhiasïreendi máteruechani parakaksï imeechajtu sési peentaapiringa problemechani engaksï jatsiapiringa máteruecha jingoni. Jorhendaaspti kʼuiripuechani eskaksï jatsispka para sési pájperantani imeecheeri ermanu jémba jingoni para Tata Diosï Jeoba jaiapanhentani engaksï imeecha kʼéri ambe arhipiringa (Mat. 5:23, 24). Ka mémindu arhiaspti imeeri apostoliichani eskaksï no jámapiringa arhirperani né sánderu kʼéri ambeespi (Luk. 9:46-48; 22:24-27). Parakachi iáminduecha sési pájperaaka, nóchi solu jatsiska para no arhirperani máteruecha jingoni. Uétarhisïndi eskachi jucha ueenaaka úni ambe ma parachi sési pájperantani nema jingoni ka ístu arhiani erachiichani paraksï imeechajtu sési peentaani problemechani engaksï jatsiauaka máteruecha jingoni (Filip. 4:2, 3; Sant. 3:17, 18). Úpiringachi eratsentani: “¿Úsïni ambe enga xáni uétarhijka parani sési pájperantani máteruecha jingoni? ¿Jatanhekusïni erachini ma engareni no sési pʼikuastaka? ¿Erokuarhisïni eska máteru kʼuiripu uaaka ambe ma parachi sési pájperantani? ¿O ji orhetani úsïni ambe ma nájkirukani eratsejka eska ima kʼuiripu kulpa jatsiska?”. w22.03 10 párr. 10, 11

Biblia uandasptia eska Tata Diosï Jeobaeri ireta aiakukuarhepiringa para imani marhuakuni ka eskaksï kurhajchapiringa imeeri Uájpani (Sal. 110:3). I profesia, ini tiempu jimbo kumplirikuarhixati. Mándani uéxurhini, Tata Diosïiri marhuariichaksï tsípikua jingonksï aianhpisïndi uánikua oreechani ka nóksï ma sentabu kobrarpisïndi. Ístuksï jarhuataasïndi imeecheeri erachiichani paraksï jatsini ambe engaksï uétarhinchajka, para sési pʼikuastaantani ka parakaksï sánderu mintsikaaka Tata Diosïni. Ístu, orhejtsïkutiicha ka orhejtsïkutiicheri jarhuajpiriicha kánikuaksï tiempu úrasïndi paraksï prepararikuarhini particha ka arhijtsïkperatecha jingoni engaksï tánguarhikuecharhu nitamatarajka ka para pʼorhembiani erachiichani paraksï uinhaperantaani. Úsïndiksï ini ambe jimbokaksï xénchasïnga Tata Diosï Jeobani ka erachiichani (Mat. 22:37-39). Jesúsi méntkisï orheta peeraspti ambe engaksï máteruecha uétarhincheenga ka juchachi jánguarhintasïnga xáni eskachi xáni újka parachi ísï úni eska ima na úpka (Rom. 15:1-3). Engachi ísï úska, sésijtsïni nicheati. w22.02 20 párr. 1, 2

Ireta Israeli jimbo, sáno iáminduechaksï tarherispti ka imeecha engaksï ánchikuarhitspienga mándani jurhiatikuaksï maiamunhasïreendi engaksï na kʼamarengia ánchikuarhini. Enga ma ánchikuarhiri no maiamunheenga enga na kʼamareengia imeeri ánchikuarhitani, no jatsisïreendi sentabu para tʼirerani imeeri familiani ima jurhiatikua jimbo. Tata Diosï Jeoba uandaspti: “Uétarhinchaxati ka uétarhinchasïndi sentabuni para seguiriini irekani” (Deut. 24:14, 15; Mat. 20:8). Ini jurhiatikuechani jimbo, uánikua kʼuiripuechaksï no maiamunhasïndi pauani pauani, sino mándani kutsï o tsimandani semana jimbo. Peru i ambe enga uandajka Levítico 19:13 útasï marhuasïndi iásï jamberi. Máru engaksï ánchikuarhiriichani kaajka nóksï xáni maiamuasïndi. Mítestiksï eskaksï inde kʼuiripuecha seguiriini jauaka ánchikuarhini jimbokaksï uétarhinchasïnga nájkirukaksï sántku andaaka. Ísï úparini, pakatani jarhasïndiksï “sentabuni enga ánchikuarhiri andajka”. Enga kristianu ma kaajka ánchikuarhiriichani imeeri negosiurhu, jatsisti para jánguarhintani ísï úni eska i juramukua na uandajka. w21.12 10 párr. 9, 10

Jimboka Jesúsi xáni no sési kánhapka, indeni jimbosï kʼarhichani japti, ka uétarhinchaxapti eska nema jarhuatapiringa paraka nóteru kʼarhichapiringia. Jesúsi no eratsespti eska no sési jarhaska uandani na enga pʼikuarherani jarhajka ma ka juchajtuchi no jatsipiringa para ísï eratseni. Kásichi no pʼindeska aianguani máteruechani ambe engachi uétarhinchani jarhajka. Joperu engachi ménisï uétarhinchani jauaka ambe ma, ju je jarhuajperata kurhajkuarhini. Pori ejemplu, engachi jatiriikia ochi pʼamenchani jarhani, jamberichi arhiaka amiguni ma parajtsïni nirani pámbetani piáni ambe ma o eskajtsïni niuaka pámbetani engachi doktori jingoni niuaka. Engachi chkéni pʼikuarherani jauaka, jamberichi kurhakuaka orhejtsïkutini ma o ambakiti erachini ma eskajtsïni kurhajchaaka o eskajtsïni arhiaka ambe ma engajtsïni uinhaperantaaka (Prov. 12:25). Ju je miáni eskajtsïni juchaari erachiicha xénchasïnga ka eskajtsïni uékasïnga jarhuatani “jiáni engachi uandanhiateechani jatsiajka” (Prov. 17:17). Joperu engachi jucha no aianguauaka, imeechaksï no míteati engachi jarhuajperata uétarhinchani jauaka. w21.04 11, 12 párr. 11, 12

Sáno iáminduechachi úkua jukanchasïnga nóteru únia imani ambe engachi antesi ueenga. Uánikuecha engaksï ióni páni jakaia marhuani tiempu kompletueri, iásïksï arhinhastia paraksï máteru ambe úni. Máteruecha, jimbokaksï jatiriskia jamberiksï jatsiti para jurajkuni ánchikuarhitani ma engaksï kánikua tsitienga úni. Enga i ambe úkuarhijka, normaliisti no sési pʼikuarherani. Ambe ma engajtsïni jarhuataaka jiáni enga mójtakurhiaka ambe ma, jindeesti ísï exeni ambe ma eska Tata Diosï Jeoba. Ini jurhiatikuechani jimbo, Tata Diosï Jeoba kʼéri ánchikuarhiteechani uaaxati ka juchachi kʼéri kóntperata jatsiska imani jingoni ánchikuarhini jarhani (1 Kor. 3:9). Ambe enga no méni uaaka mójtakurhini, jindeesti na engajtsïni xáni xénchajka juchaari Tata Diosï Jeoba. Ísï jimbo, enga ambe ma mójtakurhiska Tata Diosïiri kúnguarhikuarhu ka chájtsï nóteru únia ambe engajtsï antesi ueenga, asï eratsentani pakara je andisï ísï úkuarhi. Enbesi de eratsentani “ióntki anapu tiempuecha”, kurhaku je Tata Diosïni eskaksïni jarhuataaka sési pʼikuarherani imani ambe jingoni engajtsï uaaka úni (Ecl. 7:10). Kánikua jukaparhakuesti ambakiti ambe eratseni parachi seguiriini sési pʼikuarherani ka parachi úni sési marhuakuni Tata Diosïni nájkiruka mójtakurhiaka ambe ma. w22.03 17 párr. 11, 12

¿Neechani xarhatakuasïni Tata  Diosï Jeoba ambakiti uékperakua? Kʼuiripuechajkuksïsï xarhataminhajti ambakiti uékperakua. ¿Arhikuekasïni i ambe eska Tata Diosï Jeoba né uéjkini xarhatakusïnga ambakiti uékperakua? Nómbe, imeechantkusï xarhatakuajti ambakiti uékperakua engaksï ambakiti pájperakua ma jatsika imani jingoni. Juchaari Tata Diosï, no méni jurajkuasïndi imeeri amiguechani. Ambakiti ambe eratsetixati para imeecha ka no méni jurajkuauati. Tata Diosï Jeoba uékperakua xarhatakuasti iámindu kʼuiripuechani. Jesúsi arhispti achamasïni ma enga Nikodemu arhinheenga: Tata “Diosï xáni uéasti parhakpini anapuechani [iámindu kʼuiripuechani], ísï jimbosï íntspiti imeeri ma echakua Uájpani para nákinterku nema enga imani jakajkuaka, no tsïncheaka sino jatsini tsípikua para méntkisï” (Juanu 3:1, 16; Mat. 5:44, 45). w21.11 2 párr. 3; 3 párr. 6, 7

I parhakpinini jimbo irekani no fásiliisti, ka jamberichi jatsiaka para sánderu orhepatini sánderu kʼérati uandanhiateechani jatsiani (Mat. 24:21). ¿A no eskachi uékaxakaia eska niáraaka ima jurhiatikua engachi mirikurhiakia iámindu i ambe? Nóteruchi méni miáuakia ini ambe ka nóteruksï méni úkuarhiati (Is. 65:16, 17). Ísï jimbo, jatsiskachi para jánguarhintani sánderu tekaantstiini. Ka Jesúsi uandaspti andichisï jatsi para i ambe úni, enga uandapka: “Ima enga tekaanta[a]ka asta kʼamarhutani jamberi, ima jindeati enga pʼímutantskateaka” (Mat. 24:13). Ma ambe engajtsïni jarhuataaka, jindeesti eratsentani na engaksï máteruecha tekaantajka engaksï sáno májkueni járhati tsʼéjkukuechani jatsiajka eska jucha. ¿Né jindeeski sánderu ambakiti ejemplu enga xarhatani jaka tekaantskua? Tata Diosï Jeoba. Engajtsïni i ambe ísku pakataaka, ju je eratsentani arini ambe. I parhakpinirhu uánikua problemechaksï jarhasti jimboka noambakiti juramuxaka. Tata Diosï Jeoba uaati kʼamajkuni iásï mismu iámindu ambe enga xáni no sési úkuarhini jaka parhakpinirhu, joperu ima erokuarhixati eska niáraaka ima jurhiatikua enga ima erakukia (Rom. 9:22). Enga jamberi niáraaka ima jurhiatikua, ima seguirixati tekaantani. w21.07 8 párr. 2-4