KRISTIANUECHERI IREKUA
Tumbiicha, uandontskuarhi je chaari taaticha jingoni
¿Andiresï jatsipirini para aianguani chiiti taatichani ambe engari eratsejka? (Pr 23:26). Jimboka Tata Diosï Jeoba imeechani arhiaska paraksïni kuidarini ka paraksïni arhistachini (Sl 127:3, 4). Engari no aianguaska ambe engakeni uandanhiatajka o ambe engari tʼu jukaparharajka, imeechaksïni no úni jauati jarhuatani. Ísturi tsïtakuarhini japiringa iámindu ambe engari uaaka jorhenguarhini imeecheri. Peruri, ¿meru jatsiski para iámindu ambe aianguani? No méntkisï, peru asï méni jáma jískakuani imani ambe engaksï imeecha jatsika para míteni (Pr 3:32).
¿Nénari uaa uandontskuarheni chiiti taaticha jingoni? Exe na engajtsï jatini uaaka uandontskuarheni iáminduecha. Ísturi uaaka karta ma karakuni chiiti taatini o chiiti naandini nani engari aianguaka na engari pʼikuarherajka. Peru ¿engaksï imeecha uékaaka uandontskuarheni ambe máeri ka tʼu nómbe? Miá eskaksïni imeecha uékasïnga jarhuatani. Chiiti taatichaksï chiiti amiguesti ka no chiiti enemiguecha. Iámindu ambe engari uaaka parari úni imeecha jingoni uandontskuarheni jarhuataatikeni chiiti tsípikuarhu iásï ka para sánderu orhepani (Pr 4:10-12).
ENGARI EXEAKIA BIDEUNI ENGARI TUMBIJKA: ¿NÉNA UAA UANDONTSKUARHENI JUCHIITI TAATICHA JINGONI?, MÓKUANTA ARINI KURHAMARHIKUECHANI:
¿Ambeksï uandasïni eska ísïiska Esther ka Partik?
¿Amberi uaa jorhenguarhini Jesúsiri ambe?
¿Nénaksïni xarhatachesïni chiiti taaticha eskaksïni xénchasïnga?
Chiiti taatichaksï uékasïndi eskakeni sési nicheaka chiiti tsípikuarhu.
¿Náki Biblieri karakatechaksïni uaa jarhuata parari úni uandontskuarheni chiiti taaticha jingoni?