MÁJKUENI KAA JE IÁMINDUECHANI

1 | Májkueni kaa je iáminduechani

Biblia uandasïndi:

‘Tata Diosï no nani kʼuetsapesïndi, sino jaiapanheantasïndi nákinterku ma nasioni anapu kʼuiripuni enga janhanharhijka imani, ka sési úniʼ (UKUECHA [HECHOS] 10:34, 35).

¿Ambe arhikuekasïni?

Tata Diosï Jeobaa nójtsïni jusgarisïndi seguni nani engachi anapueuaka, na engachi jásï raseuaka, kolorini o juchaari pʼindekuechani jimbo. Sánderu sési, imani ambe exesïndi enga sánderu jukaparhakueka, ambe engachi eratsejka ka ambe engachi pʼikuarherajka. Biblia uandasïndi: “Kʼuiripu imani ambejkusï exejti ambe enga imeeri éskuecha exejka, peru Tata Diosï Jeoba mintsitanisï exejti” (1 Samuel 16:7).

Uaakajtsï ini ambe úni:

Nájkirukachi no uaaka míteni ambe engaksï kʼuiripuecha eratsejka, uaakachi májkueni kaani ísï eska Tata Diosï Jeoba. Jánguarhintsï je míteni mándani kʼuiripuni enbesi dejtsï eratseni eskaksï iáminduecha májkueni jásïiska. Engajtsï kuenta íntskukuarheska eskajtsï no sési exeasïnga máru kʼuiripuechani imeecheri rasa jimbo, o jimbokaksï máteru nanisï anapueska, kurhaku je Tata Diosï Jeobani eskaksïni jarhuataka parajtsï no ísï pʼikuarherani ni ísï eratseni (Salmo 139:23, 24). Mintsika je eska imaksïni jarhuataaka ísï úni (1 Pedru 3:12).

a Tata Diosï arhinhasïndi Jeoba (Salmo 83:18).

“No méni sési pájperaxapka kʼuiripu ma jingoni enga urapitipiringa [...]. Iásï kʼóruni kuenta úkuarhisïrengia familia ma jingoni enga interu parhakpinirhu anapueka” (TITUS).

Eksperiensia: Titus

Jánguarhintaspti para no kurhunhpini

Titus kánikua ikiasïreendi imani leicha jimbo engaksï uaxastanhapka parakaksï ima kʼuiripuecha engaksï máteru jásï rasepka nóksï úpiringa úni máru ambe. Ísï jimbo, kúrhiaspti máteru kʼuiripuechani engaksï ístu májkueni pʼikuarhereenga eska ima. Ima uandantasïndi: “Nirasïreengachi imani lugaricha jimbo engachi no sési eronheenga, komu otelicharhu ka baricharhu nomasi parachi uarhipeni”. Titus uandasïndi eska jimboka xáni kurhunhpisïreenga, no eratseparini úsïreenga ambe ma. Uandasïndi: “No arhiparini né engani jingoni arhijperani japiringa, ia sea acheeti ma jingoni o uarhiiti ma jingoni, méntkisï ji orhetani atajpisïreenga”.

Enga Titus ueenapka Biblieri ambe jorhenguarhini Jeobaeri testiguecha jingoni, niáraspti ménderueni jámani. Bibliani arhintani, jarhuataspti paraka ménderueni eratsepiringa ka jámani. Mintsitarhu niárakuspti enga jorhenguarhipka eska sánderu orhepatini Echerirhu ʻnóteru jauakia uarhikua ka ni uandanhiata ka eska nóteru nema ueraaka o pʼamenchaniʼ (Jaŋaskuecha [Apocalipsis] 21:3, 4).

Orheta kánikua úkua jukanchaspti nóteru kurhunhpinia. Ima uandasïndi: “Kánikua úkua jukanchaspka ménderueni eratseni ka ménderueni jámani, peru kánikuarini jarhuataspti ambe enga arhijka Ukuecha 10:34, 35 jimbo, enga uandajka eska Tata Diosï iáminduechani májkueni kaasïnga”.

¿Ka ambe úkuarhispi tátsekua? Titus uandasïndi: “Engani exepka na engaksï xáni xénchperajka Jeobaeri testiguecha no arhiparini na engaksï jásï raseka o kolorini, seguru jarhaspka eskani exentaspkia jurhimbiti relijionini. Ka asta antesi de itsï atakuarhini, erachi ma enga urapitiika pʼímarhisptirini imeo tʼireni. No úsïreenga jakajkuni jimbokani no méni sési pájperaxapka kʼuiripu ma jingoni enga urapitipiringa ka menusia parani imeo tʼireni. Iásï kʼóruni kuenta úkuarhisïrengia familia ma jingoni enga interu parhakpinirhu anapueka”.