Jandiajku pʼikuarherani: kʼéri uandanhiata máesti | ¿Ambe uandasïni Biblia?

Nótki xáni ióniisti enga enkuesta ma úkuarhika uápurisïa ka 1 de kada 4 kʼuiripu jandiajku pʼikuarherasïni.

• “Na uéjki xáni jatiriini nema ka nani uéjki anapueni, kʼuiripu ma niárasïndi jandiajku uékani jarhani” (Chido Mpemba, copresidenta de la Comisión de la Organización Mundial de la Salud sobre Conexión Social).

Jamberijtsïni ísku pakatajti joperuksï tumbiichajtu niárasïndi jandiajku pʼikuarherani, ístu imeecha engaksï sési jámani jarhajka, acheetiicha, uarhiitiicha ka imeecha engaksï sési irekuarhini jarhajka ka no solu jatiriichaksï ísï pʼikuarherasïndi o imeecha engaksï iauanisï jandiajku irekaka.

• “Jandiajku pʼikuarherani no sapichitu ambeesti [...]. Jimboka ísï eska kʼuiripu ma na úpiringa uarhini jimboka 15 sigarru itsutasïnga ma jurhiatikua jimbojku, ístu kʼuiripu ma uaati uarhini xáni jandiajku pʼikuarherani” (Vivek Murthy, director general de Salud Pública de Estados Unidos).

Ambe enga uandajka Biblia

Juchaari Kuerajpiri no uékasïndi eskachi jarhariauaka máteruechani. Tata Diosï uékasïndi eskachi ambakiti amiguechani jatsiauaka ka eskachi sési nitamakuarhiaka imeecha jingoni.

• Biblieri konseju: “Tata Diosï Jeoba uandaspti: ‘No sési jarhasti eska tataka jandiajku jauaka’” (Génesis 2:18).

Tata Diosï uékasïndi eskachi imeeri amigueuaka. Imajtsïni aiachisïndi eskajtsïni andarhieraaka engachi juchajtu jánguarhintaka andarhierani (Santiagu 4:8).

• Biblieri konseju: “Tsípisïndiksï imeecha engaksï exejka eskaksï uétarhinchasïnga Tata Diosïni, jimboka auandarhu anapu Reinu imeecheeriska” (Mateu 5:3).

Tata Diosï uékasïndi eskachi kómarhiaka máteru kʼuiripuecha jingoni. Kánikuachi sési pʼikuarherasïnga engachi ísï újka.

• Biblieri konseju: “Ju je pendienti jarhani máteruechani jimbo parachi jarhuajperani xénchpeni ka ambakiti ambe úni ka ju je méntkisï nirani tánguarhini [...]. Sánderu sési, ju je uinhaperperantani” (Ebreu 10:24, 25).

Parajtsï míteni andisï xáni jukaparhakue jánguarhintani ambe ma úni jiáni engachi jandiajku pʼikuarherajka, arhinta je artikuluni “Soledad en la era de la comunicación.”