Kʼuiripuechaksï nóteru mintsikaasïndia politikuechani | ¿Ambe uandasïni Biblia?

Uéxurhini 2024 jimbo, sánderu uánikua juramutiichaksï erakunhaati eska máteru uéxurhiniichani jimbo. Joperu iásï jukari uániistia kʼuiripuecha engaksï nóteru mintsikajkia politikuechani.

• Estados Unidos uánikua kʼuiripuechani iiri ambeksï kurhamarhiaspti, uánikuechaksï uandaspti eska “kasi iámu polikuechaksï soluksï imeecheeri ambe jimbojku uandanhiakuarhisïnga”, ka no kʼuiripuechani jimbo (centro de investigación Pew Research Center, 19 de septiembri de 2023).a

Ístuksï uánikua tumbiicha nóteru mintsikaaxatia politikuechani.

• “I jurhiatikuecha jimbo uánikua tumbiichaksï uékasïndi imeecha sési peentaani uandanhiateechani, peru engaksï kurhamarhinhajka uandasïndiksï eskaksï politikuecha no uékasïnga sési peentaani ambe” (The New York Times, 29 de eneru de 2024).

• “Exenhasti eskaksï tumbiicha sánderu mintsikaasïnga imani kʼuiripuechani engaksï bideuechani uaajka para youtube karhataani o engaksï mítikateeka komu youtubers ka eska politikuechani” (The Korea Times, 22 de eneru de 2024).

Jiájkani, ¿politikuechaksï uaa úni eskachi sánderu sési irekuarhiakia sánderu orhepatini? ¿Nénchi uaa mintsikani?

Sési exe néni engari mintsikajka

Engachi uéjka mintsikani nemani orheta uétarhisïndi eskachi xéparini jámaaka. Biblia uandasïndi “kʼuiripu no jánhaskati ma iámindu ambe jakajkusïndi, peru ima enga jánhaskatiika jingontku exesïndi ambe” (Proverbios 14:15).

• Engajtsï uéjka míteni sini ambe ma ísïiski o nómbe, arhinta je artikuluni “Cómo protegerse de la información falsa.”

Ístu, asta ima politikuecha engaksï uéjka ambe ma sési peentani o sési úni ambe nóksï úsïndi ísï úni. Jimbosï Bibliarhu ini ambe arhijti:

• “Asï jáma je mintsikaani juramutiichani nijtu máteru kʼuiripuni, jimbokaksïni no uaaka pʼímutantani” (Salmo 146:3).

Juramuti ma engari uaaka mintsikani

Biblia uandantasïndi eska Tata Diosï Jeoba erakuska nemani engachi uaaka mintsikani ka ima jindeesti Jesukristu (Lukasï 1:32, 33). Jesúsi jindeesti Rei Tata Diosï Jeobaeri Reinueri, juramukua ma enga auandarhu jaka (Mateu 6:10).

• Exe andi engari uaaka mintsikani Jesúsini ka ambe enga ima uaaka para kʼamajkuani uandanhiateechani. Arhianta je artikuluechani “¿Né jindeski Rei, Tata Diosïri Reinurhu?” ka “¿Ambe uá Tata Diosïri Reinu?”