¿Sekta máeskiksï Jeobaeri testiguecha?
Nómbe, Jeobaeri testiguechachi no sekta máeska. Kristianuecheskachi engachi jánguarhintajka seguirini Jesusiri ejempluni ka irekani ísï eska ima na jorhentpika.
¿Ambeski sekta ma?
Mámaru ambe uandanhasïndi de ambe enga arhikuekajka sekta ma. Ju je exeni tsimani ambe ka andiksïsï Jeobaeri testiguecha no sekta máe.
Máruksï eratsisïndi eska sekta ma jimbanhi relijioni máeska ka eska no májkueni járhati pʼindekuechani jatsiasïnga. Jeobaeri testiguechachi no úska jimbanhi relijionini ma. Soluchi seguirisïnga primeru kristianuecheri ejemplu ka úsïngachi ambe engaksï jorhentpipka ka enga Bibliarhu karakata jaka (2 Timoteo 3:16, 17). Seguruchi jarhaska eska Biblia jindeska enga jatsika para uandani nénachi jatsiski para kómarhini Tata Diosïni.
Máruksï eratsisïndi eska sekta ma jindeska grupu peligrosu ma, enga kʼuiripuni ma chúxapajka. Jeobaeri testiguechachi no chúxapasïnga kʼuiripuni ma, jimbokachi seguirisïnga ini uandakuechani enga Jesusi arhiapka imeri jorhenguarhitichani: ‘Kristujkusï chári Orhejtsïkutiiti’ (Mateu 23:10, Táta Diósïri Uandakua Tata Jesukristueri Aiatsperakua).
Enbesi de sekta peligrosa máeni, relijioni engachi jatsika marhuachisïndijtsïni juchantsïni mísmu ka ístu máteruechani. Ejemplu ma, ambe engachi jorhentpijka Bibliaeri ambe jarhuataastia uánikua kʼuiripuechani paraksï jurajkuni kauikuani ka drogaechani. Ístu, íntspiasïngachi klasechani para jorhenguarhini arhintani ka karani interu parhakpini, ini ambe jimbo miioni kʼuiripuechaksï jorhenguarhistia arhintani ka karani. Ístuchi uásïnga ánchikuarhitechani para jarhuajpini nani uéjkisï enga no sési ambe úkuarhiaka. Jánguarhintasïngachi sési ambe úni para máteruecha, ísï eska Jesusi na jorhentpika (Mateu 5:13-16).