PʼORHEMBINTA JE
JORHENGUARHIKUA 7
Asï kuatanta je
Tekstu: “Pauani pauanksï nirasïreendi [...] jorhentpini ka uandantani ambakiti aianhperakuani” (Úku. 5:42).
Ambe enga úpka Pablu
1. Exe je BIDEUNI o arhinta je Úkuecha 19:8-10. Tátsekua exea je arini kurhamarhikuechani:
Nájkirukaksï japka máru engaksï no uékeenga kurhajchani Pabluni, ¿nénachi míteski eska ima no kuatantaspka ka seguiriini jarhuataani imeechani engaksï uékeenga kurhajchani?
¿Káni nirasïreeni aianguani imeechani engaksï uékeenga kurhaani ka na xáni ióni ísï úspi?
¿Ambejtsïni jorhendasïni Pablueri ejemplu?
2. Parachi úni pʼorhembiantani kʼuiripuechani ka ueenani Biblieri ambe jorhendaani, uétarhisïndi tiempu ka uinhapikuarhintani.
Májkueni ú je eska Pablu
3. Jiáni ní je pʼorhembini kʼuiripuni enga ima tiempu jatsiaka. Kurhamarhikuarhi je: “¿Káni tiempu jatsiski ji parani imani jingoni uandontskuarheni? ¿Káni tiempu jatsiski ima para jíndeni jingoni uandontskuarheni? ¿Nani tsitipirini ima eskachi exejperapiringa?”. Ní je pʼorhembintani kʼuiripuni nájkiruka ménisï úkua jukaaka.
4. Kurhamarhi je kántsï uaa ménderu uandontskuarheni. Ante dejtsï kʼamarani uandontskuarheni, arhi je kʼuiripuni kántsï uaa ménderu exeni ka na jandora, ka méntkisï ní je jiáni engajtsï uandaaka.
5. Asï kuatanta je. Asï eratsi je eska kʼuiripu no uékasïnga jorhenguarhini jimboka ménisï úkua jukasïnga exentani o someni okupadu jarhani (1 Kor. 13:4, 7). Asï kuatanta je ka seguirii je jirinhaani kʼuiripuechani, joperu sési úra je chaari tiempuni (1 Kor. 9:26).