JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Jarhuataa je jorhenguarhirichani paraksï nirani tánguarhikuecharhu
Tánguarhikuechaksï kánikua jukaparhakuesti parachi úni ísï kómarhini Tata Diosïni eska ima na jaiapanhentajka (Sl 22:22). Imeecha engaksï tánguarhijka para kómarhini Tata Diosïni, kánikuaksï sési pʼikuarherasïndi ka intsïnhasïndiksï uánikua kóntperatechani (Sl 65:4). Biblieri jorhenguarhiricha engaksï no kueratajka tánguarhikuecharhu sánderuksï sóntku niárasïndi marhuakuni Tata Diosï Jeobani.
¿Nénajtsï uaa jarhuataani chaari jorhenguarhirichani paraksï nirani tánguarhikuecharhu? Mémindu ueena je pʼímarhiani. Exeraa je bideuni ¿Nénaksï úkuarhisïni juchaari tánguarhikuecha? ka arhia je néna enga marhuakuauaka engaksï niraska (lff jorhenguarhikua 10). Uaakajtsï aianguani ambe engajtsï jorhenguarhikia tánguarhikua ma jimbo o ambe enga exenhaaka máteru tánguarhikuecha jimbo. Íntskua je chaari jorhenguarhirichani publikasionichani engaksï úrakuarheni jauaka tánguarhikuecharhu o exeraa je partini “Tánguarhikuecha” enga JW Library® jimbo jaka. Ístu ú je ambe ma imeecha jimbo, komu paani tánguarhikuecharhu. Enga chaari jorhenguarhiri ueenaka nirani tánguarhikuecharhu, kuentajtsï íntskukuarheaka eska ambe engajtsï xáni úka parajtsï jarhuatani, kánikua marhuaska (1Ko 14:24, 25).
ENGAJTSÏ EXEAKIA BIDEUNI JU JE JARHUATAANI JORHENGUARHIRICHANI PARAKSÏ NIRANI TÁNGUARHIKUECHARHU, MÓKUANTA JE ARINI KURHAMARHIKUECHANI:
¿Ambe jarhuataspi Ritani paraka úpiringa pʼímarhini Coralini tánguarhikuecharhu?
¿Andichisï xáni sési pʼikuarherajki enga nema enga Bibliani jorhenguarhini jaka ueenajka nirani tánguarhikuecharhu?
Tata Diosï chánksïni jingoni jarhasti.
¿Néna pʼikuarheraspi Coral enga primeru xanhari nípka tánguarhikuarhu?