Jarhuataa je jorhenguarhirichani paraksï no kúrhiani no ambarhati kʼuiripuechani

Engaksï juchaari Biblieri jorhenguarhiricha uéjka Tata Diosï Jeobaeri amigueni, jatsistiksï para sési erakuani imeecheri amiguechani (Sl 15:1, 4). Engaksï ambakiti amiguechani jatsiauaka imeechaksï jarhuatauati paraksï imani ambe úni enga sési jaka (Pr 13:20; l jorhenguarhikua 48).

Kurhangukua je chaari jorhenguarhirichani engajtsï jarhuataani jauaka paraksï nóteru kúrhiania no ambarhati kʼuiripuechani, jimbokaksï imeecha uaaka úkua jukanchani ísï úni. Ísï jimbo, pendienti pá je imeecha jimbo. Imani jurhiatikuecha jimbo engajtsï no jorhendauaka Biblieri ambe, uaakajtsï mensaji ambe axakuani, uandajpaani o pʼorhembiani. Ka engaksï jorhenguarhiricha jánguarhintani jauaka paraksï Tata Diosïni marhuakuni, pʼímarhia je paraksï kúnguarhini erachicha jingoni. Ísïksï kuenta íntskukuarheati eskaksï sánderu ambe andaxaka ka eska tsïtani (Mr 10:29, 30). Ka ístujtsï chá kánikua sési pʼikuarheraaka engajtsï exeaka na enga Tata Diosï Jeobaeri familia kʼéni jaka.

ENGAJTSÏ EXEAKIA BIDEUNI JU JE JARHUATAANI JORHENGUARHIRICHANI PARAKSÏ NO KÚRHIANI NO AMBARHATI KʼUIRIPUECHANI, MÓKUANTA JE ARINI KURHAMARHIKUECHANI:

• ¿Neechaksï jindeepirini no ambarhati kʼuiripuecha? (1Ko 15:33).

• ¿Néna eranhaskasïreeni Coral eskaksï tsípikuarhisïnga Testiguecha?

• ¿Rita néna jarhuataspi Coralini paraka nóteru kúrhiapiringia no ambarhati amiguechani?