Хезмәт очрашуының пунктларын үткәрүче кардәшләр өчен күрсәтмәләр
«Безнең патшалык хезмәтебез»нең бу саныннан башлап, Хезмәт очрашуларының тәртибе гадирәк язылачак. Аста китерелгән күрсәтмәләр һәм искә төшерүләр «Безнең патшалык хезмәтебез», 2009 ел, май ае санындагы «Хезмәт очрашуына ничек әзерләнергә?» дигән мәкаләдә язылганны яңартачак һәм аңлатачак:
◼ Нотык. Шундый нотык билгеләнгән материалга нигезләнеп, тыңлаучылар белән фикер алышмыйча сөйләнә. Докладчыга җыелыш өчен файдалы булачак фикерләргә игътибар итәргә кирәк.
◼ Сораулар һәм җаваплар. Бу пункт Изге Язмаларга нигезләнгән мәкаләләрне өйрәнүгә охшаш, ул кыска кереш сүзләр белән башлана һәм йомгаклау сүзләре белән тәмамлана, шулай ук бар абзацларга сораулар бирелә. Үткәрүче күп сөйләргә тиеш түгел. Вакыт булса, төп шигырьләрне укып була. Күрсәтмәләрдә башкача әйтелмәсә, абзацларны укырга кирәкми.
◼ Фикер алышу. Бу пункт нотык кебек булса да, тыңлаучыларның да катнашуы кирәк. Бу нотык кына да түгел, шулай ук сораулар белән җаваплар гына да түгел.
◼ Демонстрацияләр һәм интервьюлар. «Демонстрация әзерлә» дигән күрсәтмә бу пункт үткәргән кардәш демонстрация күрсәтү өчен җаваплы булганын аңлата; аның бу демонстрациядә катнашуы мәҗбүри түгел. Ул демонстрациядә катнашыр өчен сайлаган кардәшләр сәләтле һәм үрнәк алырлык булырга тиеш һәм аңа алар белән, мөмкин булса, алдан ук әзерләнергә кирәк. Яңа һәм тәҗрибәсез вәгазьчеләрне, хәтта хуҗа ролендә дә, аларның сәхнәдә булу мөмкинлеге булсын өчен генә, демонстрациядә катнашырга чакырмау яхшырак булыр. Демонстрацияне күрсәткән вәгазьчеләр тыңлаучыларга борылып чыгыш ясарга тиеш. Интервью бирүчеләр үз сүзләрен урыннарыннан түгел, ә сәхнәдән әйтергә тиеш. Демонстрацияләргә һәм интервьюларга репетиция ясарга кирәк. Җыелыш вакыты сузылса һәм абый-кардәшкә үз пунктын кыскартырга туры килсә, аңа демонстрацияләрне һәм интервьюларны калдырырга кирәк. Хезмәттәш ярдәмчеләргә катнашучыларны сайлар алдыннан, өлкәннәр советының координаторы белән яисә башка берәр өлкән белән киңәшләшергә кирәк.
Берәр пункт өчен аерым күрсәтмәләр булса, аларны төгәл үтәргә кирәк. Хезмәт очрашуының пунктларын өстә әйтелгәнчә үткәреп, абый-кардәшләр Хезмәт очрашуының «тәртипле һәм килешле» булуына ярдәм итә (1 Көр. 14:40).