Өлкә конгрессларыбыз хакыйкать турында көчле шаһитлек бирә
1. Ел саен үтә торган бәйрәмнәр исраиллеләргә нинди мөһим рухи хакыйкатьләр турында уйланырга һәм фикер алышырга мөмкинлек биргән?
1 Борынгы вакытта исраиллеләр елына өч тапкыр үтә торган бәйрәмнәргә җыелып торганнар. Анда ирләр генә килергә тиеш булса да, еш кына алар бөтен гаиләләре белән Иерусалимга барып бәйрәм иткәннәр (Кан. 16:15, 16). Андый җыеннар мөһим рухи хакыйкатьләр турында уйланырга һәм фикер алышырга мөмкинлек биргән. Ул нинди хакыйкатьләр? Аларның кайберләре: Йәһвә — ул яратучан, юмарт Аллаһы (Кан. 15:4, 5); Аллаһының җитәкчелеге һәм яклавы ышанычлы (Кан. 32:9, 10). Шулай ук исраиллеләр, Йәһвәнең исемен йөрткән халык булганга, үз тормышлары белән аның тәкъвалыгын чагылдырырга тиеш булганнар (Кан. 7:6, 11). Безнең көннәрдә дә ел саен үтә торган конгресслар шундый ук файда китерә.
2. Киләсе өлкә конгрессларының программасы хакыйкатьне кайсы яклардан ачыклар?
2 Конгрессның программасы хакыйкатьне ачыклый. Өлкә конгрессларыбызда без Изге Язмалардагы хакыйкатьләрне яхшы аңларга һәм алар буенча яшәргә ярдәм иткән нотыклар һәм интервьюлар тыңлап, драмалар һәм демонстрацияләр карап шатлык табабыз (Яхъя 17:17). Киләсе конгрессларны әзерләр өчен, күп эш инде башкарылган. Йәһвәнең оешмасы программаны Аллаһы хезмәтчеләренең һәм бөтен дөньядагы башка кешеләрнең бүгенге көндә булган чынбарлыктагы ихтыяҗларын исәпкә алып әзерли (Мат. 24:45—47). Ә син конгресста нәрсә булачагын карарга һәм тыңларга телисеңме?
3. Программадан күбрәк файда алыр өчен, нәрсә эшләргә кирәк?
3 Әлбәттә, конгрессның өч көненә дә килеп, программаны игътибар белән тыңласак, без күбрәк файда алырбыз. Начальнигың белән конгресска җибәрү турында әле сөйләшмәгәнсең икән, моны хәзер эшләргә кирәк. Конгрессның программасын игътибарлы тыңлар өчен, төнлә яхшы ял итәргә тырыш. Күпләргә докладчыга карау һәм кайбер фикерләр кыскача язып бару игътибар белән тыңларга ярдәм итә. Кесә телефоның я пейджер сиңа һәм башкаларга комачауламасын. Программа вакытында сөйләшмәсәк, смс язмасак, ашамасак һәм эчмәсәк яхшы булыр иде.
4. Ата-аналар балалары конгресс программасыннан файда алсын өчен аларга ничек ярдәм итә ала?
4 Исраиллеләр Шимбә елларында Канунны тыңлар өчен Чатырлар бәйрәмендә җыелган. Исраиллеләр үзләре белән балаларын, алар тыңласын һәм өйрәнсен өчен, алганнар (Кан. 31:12). Конгресс вакытында бөтен гаиләнең бергә утыруын һәм балаларның программаны игътибар белән тыңлауларын күрү бик сөендерә! Кич белән язуларыгызны карап чыксагыз һәм ошаган фикерләр турында бергәләшеп сөйләшсәгез, яхшы булыр иде. «Бала күңелендә акылсыз уйлар да булыр» дип әйтелгән Изге Язмаларда, шуңа күрә ата-аналар үз балаларын, шул исәптән яшүсмер балаларын, төшке аш вакытында һәм кунакханәдә булганда, аларны «игътибарсыз калдырыр» урынына күзәтеп торса, яхшы булыр иде (Гыйб. сүз. 22:15; 29:15).
5. Кунакханәдә булганда, ничек без үзебезнең яхшы тәртибебез белән хакыйкатьне бизи алабыз?
5 Яхшы тәртибебез хакыйкатьне бизи. Конгресс үтә торган шәһәрдә булганда, безнең яхшы тәртибебез хакыйкатьне бизи ала (Тит. 2:10). Кунакханәләрдә эшләгән кешеләр кунакханәдәге кагыйдәләрне үтәгән һәм аларга карата игелекле һәм түземле булган кешеләргә игътибар итә (Көл. 4:6). Үткән елны филиал вәкилләре бер кунакханәнең администрациясе белән сөйләшкән. Администрациядәге кеше болай дип әйткән: «Сезнең кешеләрегезнең кунакханәбезгә килүләренә без бик шат, чөнки алар яхшы кешеләр. Алар шундый тәртипле һәм игелекле, алар эшләүчеләребезгә карата һәрвакыт хөрмәт күрсәтә».
6. Конгресс үтә торган шәһәрдә булганда, ничек без киемебез белән хакыйкатьне бизи алабыз?
6 Плакеткаларны тагу — башкаларга безнең конгресс булуыбыз турында гына хәбәр итү һәм башка делегатларга безнең кем булуыбызны икәнен белергә ярдәм итү генә түгел, ә шулай ук күзәтүче кешеләргә шаһитлек бирү. Конгресс үтә торган шәһәрдәге яшәүчеләр плакеткаларны таккан кешеләрнең пөхтә һәм тыйнак итеп киенгәннәрен күрәчәк. Шулай итеп без бу дөньяга хас булган шапшак һәм игътибарны үзенә җәлеп итә торган киемнәрен кигән кешеләрдән аерылып торачакбыз (1 Тим. 2:9, 10). Шуңа күрә безгә конгресс үтә торган шәһәрдә булганда, шул исәптән кунакханәгә я тулай торакка килгәндә, киемебезгә һәм тышкы кыяфәтебезгә игътибар итәргә кирәк. Без кунакханәгә футболка белән шортлар киеп килсәк, башкаларга хөрмәт күрсәтмәс идек. Конгресс ачык стадионда үтсә дә, киемнәребез тиешле булырга тиеш. Программа беткәннән соң, киемнәребезне алмаштырып кафега я ресторанга барырга җыенсак, без әле дә конгресс делегатлары икәнен исебездә тотып, Аллаһыны данларлык итеп киенербез.
7. Конгресс вакытында мәсихче бердәмлегебез белән шатланыр өчен, нинди мөмкинлегебез бар?
7 Ел саен үтә торган бәйрәмнәрдә исраиллеләр илнең һәм дөньяның башка яклардан килгән имандашлары белән аралашкан, бу аралашу аларны рухи яктан ныгыткан һәм бердәм булырга булышкан (Рәс. 2:1, 5). Өлкә конгрессларыбызда безнең үзенә күрә бер мәсихче бердәмлегебез яхшы күренә. Рухи оҗмахыбызның бу искиткеч ягы башкаларны еш кына гаҗәпләндерә (Мәд. 132:1). Төшке аш вакытында конгресс үтә торган бинаны калдырып ризык сатып алыр урынына, безгә үзебез белән бераз ризык алып килеп, безнең яныбызда булган кардәшләр белән аралашырга мөмкинлекне куллану яхшырак булыр иде.
8. Мөмкинлекләрең булса, ни өчен ирекле хезмәттә катнашу мөһим?
8 Кешеләр яхшы оештырылган һәм тәртипле үткән конгрессларыбызга, аеруча андагы бар эшләрне ирекле хезмәтчеләр башкара икәнен белеп, гаҗәпләнә. Ә синең конгресстагы эшләрдә катнашырга мөмкинлекләрең бармы? (Мәд. 109:3) Кайберәүләр бөтен гаиләләре белән ирекле хезмәттә еш кына катнашып, үз балаларын фидакарь булырга өйрәтә. Син оялчан булсаң, конгресс вакытында эшләү сиңа башка делегатлар белән танышырга ярдәм итәчәк. Бер апа-кардәш болай дип әйткән: «Үз гаиләмнән һәм бер-ике дустымнан башка, мин конгресста берничә кешене генә белдем. Әмма җыештыруда ярдәм иткәндә, мин күп кардәшләр белән таныштым. Бу миңа бик ошады!» Конгресста ирекле хезмәтче булып катнашу безгә дусларны табарга ярдәм итә һәм бу безгә күп шатлык китерә (2 Көр. 6:12, 13). Син ирекле хезмәттә беркайчан да катнашмаган булсаң, моны эшләр өчен өлкәннәрдән нәрсә эшләп булганын сора.
9. Ничек без башкаларны конгресска чакырачакбыз?
9 Башкаларны хакыйкатьне ишетергә чакырабыз. Үткән елларда кебек, конгресс башланганчы өч атна дәвамында, без конгресска чакыруларны тарату кампаниясендә катнашачакбыз. Җыелышлар үз территорияләрендә чакыруларны таратып чыгар өчен бар тырышлыклар куячак. («Чакыруны ничек тәкъдим итеп була?» дигән рамканы кара.) Чакырулар калган булса, аларны конгресска алып кил. Делегатлар бу чакыруларны конгресс үткән шәһәрдә очраклы вәгазьләүдә кулланачак.
10. Һәр ел үтә торган чакыруларны тарату кампаниясе яхшы уңышлар китерә икәнен күрсәтүче очракларны сөйлә.
10 Бу һәр ел үтә торган кампаниягә кешеләр ничек карый? Бер конгресста урнаштыручы абый-кардәш ирле-хатынга урын табарга ярдәм иткән. Бу парга кемдер чакыруны калдырган. Алар абый-кардәшкә бу чакыру аларга «бик кызык булып күренде», дип әйткән. Конгресска килер өчен, алар 320 километр үткән! Башка очракта, өйдән-өйгә вәгазьләгән апа-кардәш бер ир кешегә чакыруны биргән, бу ир кеше апа-кардәшкә конгресс белән кызыксынган булып күренгән. Шуңа күрә кардәш аның белән чакыруны карап чыккан. Берничә көннән соң, апа-кардәш бу ир кешене бер дусты белән конгресста күргән, алар яңа басмалар тотып барган!
11. Ни өчен безнең һәр ел үтә торган өлкә конгрессыбызда булуыбыз мөһим?
11 Ел саен үтә торган бәйрәмнәр Йәһвәнең исраиллеләргә карата яратуын чагылдырган. Алар исраиллеләргә Йәһвәгә «сафлыкта һәм хакыйкатьтә хезмәт итәргә» булышкан (Ешуа 24:14). Һәр ел үтә торган өлкә конгрессларыбызда булуыбыз безгә дә «хакыйкатьтә йөрергә» ярдәм итә, һәм гыйбадәт кылуыбызның мөһим өлеше булып тора (3 Яхъя 3). Йәһвә хакыйкать яраткан бар кешеләрнең конгресска барыр өчен куйган тырышлыкларын фатихаласын һәм аларга тулы файда алырга булышсын!
[4 биттәге рамка]
Конгресс үтә торган шәһәрдә булганда, безнең яхшы тәртибебез хакыйкатьне бизи ала
[5 биттәге рамка]
Конгресс башланганчы өч атна дәвамында, без конгресска чакыруларны тарату кампаниясендә катнашачакбыз
[3-6 битләрдәге рамка]
2012 елның өлкә конгрессы белән бәйле искә төшерүләр
◼ Конгресс расписаниясе. Өч көн дә программа 9:20 дә башланачак. Сәгать 8:00 дән кереп булачак. Музыка башланганда, программа үз вакытында башлансын өчен, безгә барыбызга үз урыннарыбызга утырырга кирәк. Җомга һәм шимбә көнне программа 16:55 тә, ә якшәмбе көнне 15:40 та тәмамланачак.
◼ Машиналар куяр өчен урыннар. Конгресс үткәрелә торган урыннарда, мөмкинлек булса, машиналарны куяр өчен түләүсез урыннар әзерләнәчәк. Килү белән машиналарны буш урынга куеп була. Машиналарында махсус знак булган инвалидлар машиналарны инвалидлар өчен урыннарга куя алалар. Машиналар кую урыннары әз булганга, машинада буш урыннар булмаса яхшырак булыр.
◼ Урыннар. Урыннарны машинада бергә килгән яки бергә яшәгән кешеләр өчен, яисә Изге Язмалар өйрәнүчеләрең өчен генә алып була (1 Көр. 13:5).
◼ Төшке аш. Тәнәфес вакытында башка җирдә ашап алыр өчен конгресстан китәр урынына, ризыкны үзең белән алып кил. Кирәк булса, урындык астына сыя торган кечкенә сумка-холодильник алып кил. Табигатьтә ял итү өчен зур сумка-холодильникларны һәм пыяла савытларны конгресска алып килергә ярамый.
◼ Ирекле иганәләр. Оештырылган конгресслар өчен рәхмәтне без бөтендөнья эшенә ирекле иганәләр биреп белдерә алабыз. Моны конгресста эшләп була.
◼ Фаҗигаләр һәм көтелмәгән хәлләр. Конгресс булган җирдә берәр фаҗига булса, оештыручы кардәшкә әйт, ул шунда ук беренче ярдәмгә мөрәҗәгать итәчәк. Үз теләге белән хезмәт иткән кардәшләр сыйфатлы беренче ярдәм күрсәтәчәкләр. Кирәк булса, ашыгыч ярдәмне чакыртачаклар. Шулай эшләп, без беренче ярдәмгә кечкенә очраклар буенча шалтыратмаячакбыз.
◼ Дарулар. Сиңа дарулар эчәргә кирәк булса, үзең белән үзеңә кирәк кадәр даруларны алганыңны тикшер. Чөнки конгресста дарулар бирмәячәкләр. Инсулин шприцларын һәм энәләрен конгресслардагы һәм кунакханәләрдәге чүп сала торган чиләкләргә ташларга ярамый.
◼ Аяк киеме. Һәр ел аяк киеме аркасында күп кешеләр җәрәхәтләнә. Баскычтан, рәшәткәле идәннән һәм башка урыннардан йөрерлек пөхтә, таман гына аяк киемен кию яхшырак булыр.
◼ Начар ишетүчеләр өчен. Конгресс үтә торган бинада FM дулкынында программаның трансляциясе булачак. Аны тыңлар өчен үзе белән кечкенә радиоприемник һәм наушникларны алыгыз.
◼ Парфюмерия. Хәзерге вакытта күп өлкә конгресслар ясалма вентиляцияле ябык биналарда үткәрелә. Сулыш органнары авыруы яки башка авырулар булган кешеләрнең сәламәтлегенә зыян китерә ала торган каты исле парфюмерияне әзрәк куллансак, без башкаларга ярату күрсәтәчәкбез (1 Көр. 10:24).
◼ «Бу кешегә килеп китче» (S-43) дигән бланк. Конгресс вакытында очраклы вәгазьләгәндә безгә һәрбер кызыксынган кеше турында «Бу кешегә килеп китче» дигән бланкны тутырырга кирәк. Конгресска барганда һәрбер вәгазьче үзе белән бер-ике шундый бланк алырга тиеш. Тутырган бланкларны басмалар бүлегенә яки кайткач җыелыш сәркатибенә биреп була. («Безнең патшалык хезмәтебез», 2011 ел, май ае, 3 нче битне кара.)
◼ Кафе һәм ресторан. Ресторанда һәм кафеда үзеңнең яхшы тәртибең белән Йәһвә исемен данла. Бу урынлы булса, кунакханәләрдә чәйлек калдыр.
◼ Кунакханәләр.
1) Сезгә күпме кирәк, шулкадәр генә бүлмәләрне броньга калдырыгыз, бүлмәдә тукталучы кеше санын кунакханә билгели, шул саннан күбрәк кеше булмасын.
2) Көтелмәгән хәлләр генә килеп чыкмаса, броньга калдырылган бүлмәне кулланудан баш тартмагыз. Сез броньга калдырган бүлмәне кулланырга кире уйласагыз, моның турында шунда ук хәбәр итегез (Мат. 5:37).
3) Кунакханәдә регистрация аша узганда, түләү я кредит карталарны кулланган кешеләргә астагы мәгълүматка игътибар итәргә кирәк. Гадәттә, кунакханә сез китерә алачак зыянны каплар өчен, шулай ук номерыгыз өчен түләр өчен, сезнең картагыздан җитәрлек акчаны салып вакытлыча үзендә калдыра. Сезнең китүегездән соң берничә көн дәвамында кунакханәгә түләмәсәгез, сез картагыздан бу акчаны ала алмыйсыз.
4) Багаж йөртер өчен җайланманы, сезгә кирәк булса гына, кулланыгыз, аннан соң, башкалар куллана алсын өчен, аны тиз арада кире кайтарыгыз.
5) Бу урынлы булса, кунакханәләрдә чәйлек калдыр.
6) Бүлмәгездә ризык хәзерләргә рөхсәт ителмәсә — хәзерләмәгез.
7) Кунакханәдә ашар өчен бирелгән түләүсез ризыкны, мәсәлән иртәнге аш, кофе яки туңдырылган ризыкларны, тиешеннән күбрәк алмагыз.
8) Кунакханә эшчеләре белән аралашканда, һәрвакыт изге рух җимешен күрсәтегез. Алар күп кунаклар турында кайгырта, шуңа күрә безнең игелекле, түземле һәм әдәпле булуыбыз өчен рәхмәтле.
9) Ата-аналарга кунакханәдә булганда, шул исәптән бассейнда, керү бүлмәсендә, тренажер залында һәм башка урыннарда булганда, һәрвакыт балаларны карарга кирәк.
10) «Тәкъдим ителгән тору урыннары исемлеге»ндә бүлмә өчен бер көн бәясе китерелә. Сездән күбрәк алсалар түләмәгез һәм моның турында тизрәк конгрессның фатирлар бүлегенә хәбәр итегез.
11) Бүлмәгез белән берәр проблема туса, моның турында ярдәм сорап конгрессның фатирлар бүлегенә әйтегез.
◼ Ирекле хезмәт. Ирекле хезмәтче булып катнашырга теләгән һәрбер кеше конгрессның ирекле хезмәтчеләр бүлегенә язылырга тиеш. Балалар да әтинең, әнинең яки опекунның яисә алар хуплаган берәр олы кешенең күзәтүе астында шул эштә бик яхшы катнаша ала.
[6 биттәге рамка]
Чакыруны ничек тәкъдим итеп була?
Син конгресска чакырырга теләгән кешеләрнең исемнәрен язып куй. Алар арасында якыннарың, туганнарың, күршеләрең, эштәге танышларың һәм башка кешеләр булырга мөмкин. Чакыруның тышы бик матур, шуңа күрә кешегә аны биргәндә, чакыруның тышкы ягын күрсәт. Илһамланып сөйлә. Чакыруларны ял көннәрдә таратканда, бу урынлы булса, брошюраларны да тәкъдим ит. Конгресска кадәр бер-ике көн инде калгач, син чакыруларны биргән бар кешеләргә кабат килеп, аларга конгресс булачагы турында искә төшерә аласың һәм аларны үзең белән конгресска барырга чакыра аласың.