Туры чакыру
1. Конгресска чакыру кампаниясе кайчан башланыр?
1 Әйтик, син туганнарың һәм дусларың өчен берәр тәмле нәрсә әзерләргә җыенасың, ди. Син, бәлки, күп көч куярсың һәм күп акча сарыф итәрсең. Әлбәттә, син якын кешеләреңне йөгерә-йөгерә чакырып йөрерсең. Рухи мәҗлес белән чагыштырырлык җәйге конгрессны әзерләгәндә дә, кардәшләребез күп тырышлыклар куйган. Конгресс башлануына өч атна калганда, Йәһвә безгә башкаларны шунда чакырып йөрергә мөмкинлек бирер. Безгә кешеләрне йөгерә-йөгерә чакырырга нәрсә булышыр?
2. Кампаниядә мөмкин кадәр күбрәк вакыт катнашырга безне нәрсә этәрер?
2 Кампаниядә мөмкин кадәр күбрәк вакыт катнашыр өчен, Йәһвәнең конгрессларыбызда бирелә торган көч өстәүче җитәкчелегенең файдасы турында уйлану мөһим (Ишаг. 65:13, 14). Моннан тыш, безгә еллык кампаниянең җимешләрен истә тоту мөһим. («Кампаниянең җимешләре» дигән рамканы кара.) Кайберәүләр чакыру кәгазен алгач килмәсә дә, башкалар, һичшиксез, килер. Килүчеләрнең саны нинди генә булса да, кампаниядә ашкынып катнашуыбыз Йәһвәгә дан китерер һәм аның юмарт булуын чагылдырыр (Мәд. 144:3, 7; Ачыл. 22:17).
3. Чакыру кәгазьләрен без ничек таратырбыз?
3 Өлкәннәр советлары кампания вакытында җыелышның бөтен территориясен эшкәртеп өлгерү турында уйланыр һәм, кешеләр өйдә булмаса, аларга чакыру кәгазьләрен калдырыргамы, юкмы һәм җыелыш территориясенең иҗтимагый урыннарында аларны таратыргамы, юкмы икәнен хәл итәр. Ял көннәрне чакыру кәгазьләре белән бергә, урынлы булса, брошюраларны да тәкъдим итеп була. Кампания тәмамлангач, ашкынып катнашуыбыздан һәм Йәһвә ясаган рухи мәҗлесебезгә күп кешеләрнең килүеннән килгән шатлык, һичшиксез, зур булачак!