Вәгазь очрашуын үткәрер өчен киңәшләр

Вәгазь очрашулары, башка очрашулар кебек үк — Йәһвәнең бүләге. Алар «бер-беребезне мәхәббәт һәм игелекле эшләргә дәртләндерергә» мөмкинлек бирә (Ев 10:24, 25). Аларның дәвамлылыгы 5—7 минут булырга тиеш. Вәгазь очрашуы башка очрашудан соң үткәрелсә, ул тагы да кыскарак булырга тиеш. Бу вакытка кардәшләрне төркемнәргә бүлү, территорияне билгеләү һәм дога да керә. Үткәрүче кардәш гамәли киңәшләр бирергә тиеш. Мәсәлән, шимбә булса, күпләр шул атна дәвамында әле вәгазьләмәгәндер, шуңа күрә ул көнне кереш сүзләрне искә төшерү файдалы булыр. Тагын нинди темаларны карап чыгу гамәли булыр?

• «Мәсихче тормышыбыз һәм хезмәтебез» эш дәфтәреннән кереш сүзләр

• Сөйләшүне башлар өчен, берәр вакыйганы я яңалыкны куллану

• Кешеләрнең каршы килеп әйткән сүзләренә җавап бирү

• Атеист, эволюционист, башка телдә сөйләшүче кеше я территориягездә сирәк очрый торган дин кешесе белән сөйләшү

• jw.org сайтын, «JW Library» кушымтасын я Изге Язмаларны куллану

• Берәр басманы куллану

• Хезмәтнең берәр төрендә катнашу, мәсәлән, телефон аша, хат язып, очраклы рәвештә, җәмәгать урыннарында вәгазьләү, кабат килеп китү я Изге Язмаларны өйрәнү

• Саклык чаралары күрү, кешеләргә яраклаша белү, үз-үзебезне әдәпле тоту, уңай караш саклау һәм моңа охшаш нәрсәләр турында искә төшерүләр

• «Уку һәм өйрәтү осталыгын яхшыртабыз» брошюрасыннан дәресне я видеоны карап чыгу

• Хезмәттәшебезне дәртләндерү

• Вәгазь белән бәйле шигырь я очрак