Өйрәнүгә кагылышлы киңәшләр

«Рухи җырларны» ятлагыз

«Кайчак мин үз-үземне түбән бәялим. Андый вакытта Йәһвә мине бродкастинг җырлары белән дәртләндерә» (Лоррейн, АКШ)

«Рухи җырлар» һәрвакыт мәсихчеләрнең гыйбадәт кылуының өлеше булган (Көл. 3:16). Җыр китабы я электрон җайланма үзебез белән булмаса да, бу җырларны яттан белү безгә көч өсти алыр. Җырларның сүзләрен ятлар өчен, кайбер киңәшләрне кулланып карагыз:

• Җырның сүзләрен игътибар белән укыгыз һәм мәгънәсенә төшенегез. Мәгънәсен аңласак, аны истә калдыру җиңелрәк булыр. Барлык җырларыбызны, шул исәптән JW Broadcasting^® җырларын һәм балалар өчен җырларны да, jw.org сайтында табып була. «Китапханә» вкладкасында «Музыка» дигән бүлекчәне ачыгыз.

• Җырның сүзләрен кулдан күчереп языгыз. Шулай итеп алар хәтерегездә яхшырак уелып калыр (Кан. 17:18).

• Сүзләрне кычкырып кабатлагыз. Җырны берничә тапкыр җырлагыз я укыгыз.

• Хәтерегезне тикшерегез. Сүзләргә карамыйча, аларны искә төшерергә тырышыгыз. Аннары дөрес ятлагансызмы икәнен тикшерегез.