Гайсә пәйгамбәр җинаятьчелекне бетерәчәк

Җинаятьчелек белән гаделсезлек зур зыян китерә һәм Гайсә моны бик яхшы белә. Аның үзен ялганлап гаепләгәннәр, кыйнаганнар, гаделсез хөкем иткәннәр һәм зур газап китерә торган җәзага тартканнар. Гаепле булмаса да, ул фидакарьлек күрсәтеп «күпләрне йолып алыр өчен үз җанын» корбан иткән (Маттай 20:28; Яхъя 15:13). Хәзер ул — Аллаһы Патшалыгының Патшасы. Тиздән ул җир йөзендәге җинаятьчелекне мәңгегә юк итеп гаделлек урнаштырачак (Ишагыя 42:3).

Изге Язмаларда шул вакыт болай итеп сүрәтләнә:

• «Явызлар инде юк булачак, торган урыннарына карарсың, ә алар анда булмас. Ә юашлар җирне мирас итеп алачак һәм чиксез тынычлыктан зур рәхәтлек табачак» (Зәбур 37:10, 11).

Гайсәнең безнең хакка башкарган һәм тиздән башкарачак эшләре өчен рәхмәтле булуыбызны без ничек күрсәтә алабыз? Мәсәлән, «Аллаһы Патшалыгы хакындагы яхшы хәбәр» турында белем алып (Лүк 4:43). Җирдә яшәгәндә Гайсә нәкъ шул Патшалык турында сөйләп йөргән. Шулай ук «Нәрсә ул Аллаһы Патшалыгы?» дигән мәкаләне укыгыз.